BASA 25 MAART 2017

[Frederik]

Volgende skietdag sal plaasvind 25 Maart op Fred Everest baan Bronkhorstspruit. Kom neem deel meer vir jouself as die kompetisie dit gaan oor hoe goed jy en jou geweer mekaar ken en kan werk onder druk toestande.

Lede R150 inskrywing
Nie lede R250 inskrywing

Ons kuier lekker almal saam na die tyd en geniet kameraadskap onder mense wat gewere lief het. Kaliber kleiner 9.3mm is welkom soos genoem dit is toets vir jouself en jou gereedskap.

Ek verdere inligting sodra ek meer besonderhede kry.

[DWB]

So wie kom nog Saterdag?

Sien al goed uit na die shoot!

Die baan bestaan blykbaar uit 13 skote vir die dag!

[Frederik]

Sien Deon het my voorgespring ja 13 rondtes nodig om die bane klaar te skiet.

[spekieries]

Op die red dot draad het jy my voorgespring. Ek gaan probeer om daar uit te kom.

[Frederik]

Video van die naweek op baan 2 my seun met die 6.5 x55 saam met my vriend Cornelis en sy 303.

Mag 3 in magasyn laai op fluitjie kan ky laai en skiet op leeu brein na 3 sek begin hulle storm. Maks 3 skote as jy nie al drie kon skiet nie moet jy eers magasyn leeg maak en na 2de punt beweeg. Vanaf punt 2 kon jy net 1 patroon op slag laai. Punt 2 skiet brein skoot olifant van kant af. Punt 3 skiet olifant brein frontal en 2 skote om die spine te breek. Punt 4 skiet krokodil op grond in brein tyd stop op laaste skoot op krokodil. Elke skut het sy eie RO gehad wat agter hom hardloop en sy eie tyd clock.

Baan was baie uitdagend en baie het weggeloop met telling van 0 en die gemiddeld was seker 2 uit 8 vir die baan. DWB en Gerhard het die tyd gejaag en seker die vinnigste tyd op baan gedoen. Met Gerhard op 53 sek en Deon op 1 minuut 3 sekondes. Ek.het die baan gedoen in 1 minuut en 8 sek. Gemiddelde tyd op die baan was seker by 1 minuut 30 sekondes.

[DWB]

Ja nee kyk, Gerhard het soos 'n bang man van daai leeus af weg gehardloop, en toe ons skote kyk toe kon ons sien hy het rede gehad om te hol!!!!!

Was vet pret!

[Wouter Roets]

Freek

Is daar nie n foto van Deon op daai baan nie? Sal graag wil sien of hy hol of rol.

Groetnis
Wout

[Frederik]

Vra vir Gerhard hy het die fotos geneem moet vir jou sé was nogal snaaks gewees toe Gerhard besluit het om spoed te vang en Deon toe ook turbo aansit.

[DWB]

Wout, jou hol

Moenie hierdie vaatjie onderskat nie! Ek is net dik, nie kruppel!

Ek en Gerhard het saam geskiet, so daar was gelukkig nie 'n fotograaf teenwoordig!

[Wouter Roets]

Deon

Jy het dit seker met goeie voorbedagte rade dit so gereel dat die fotograaf saam met jou moes skiet.

Groetnis
Wout

[DWB]

Man, ek is blykbaar in 'n moewiese stofwolk weg waaroor die manne lekker gelag het, maar Gerhard het soos weerlig daar weggespring, ek het darem die ander RO verby gevat, so ek dink dit kon komieklik gewees het, maar ek het ook nou al geleer om te pause op die skietpunt om darem raak te probeer skiet! Maar eintlik het ek gedink Gerhard is al ou wat sou kon by bly! Toe hol hy vir my weg!

[gs23139]

Het iemand al die uitslae gesien?

[Jean Marais]

Ek moet sê dit lyk na 'n baie lekker skietoefening. Gaan hom beslis nog eendag kom saamdoen.

[LoopSoosStroop]

Op 'n ligter not, na ek een van die ou videos gesien het, kan ek 'n naam verandering voorstel:

BMSA: Big Men Shooting Association

Ek is oppad na die ligter kant van 70 kg, haha, nie die regte medisyne om hierdie groot gewere vas te staan nie.

[DWB]

Ek het so vinnig na die shoot na die uitslae gekyk, maar dit is nog nie op die website nie.

@LSS,

Julle kleiner ouens vat baie minder punishment as ons groot ouens wat als absorbeer.

[Frederik]

Top 3 skuts, top veteran, top dubbel en top vrou skut word op die dag genoem anders wag ons maar vir die resultate sal seker teen Woensdag op wees.

[DWB]

Official scores kan hier gesien word:

http://bigbore.org/members/wp-content/u ... 17.xls.pdf

[Frederik]

Geluk Deon met 4de plek as Gerhard jou nie so aangejaag het met die baan nie sou dinge seker anders gelyk hehehe