Vry van die rook verslawing!!!

[velti.botha]

Ek het sopas my laaste sigaret gerook en ek is bitter trots daarop! Die van jul wat vas gevang is in die nikotien verslawing hoort te weet wat ek bedoel. Eks 31 jaar oud en rook al (het gerook)vir die beter van 14 jaar. Ek het ñ jaar terug vir 3 maande opgehou en toe weer begin. Na dit het ek begin sukkel met bloedruk probleme, angs, maag kwale ens. Kan nie glo ek was so simpel om weer te begin nie! Ek het so goed gevoel daai 3 maande. Vry van die verslawing. Vry van die vrees!

Ek kan nou weer daai gevoel terug kry. Kani wag vir elke dag wat voorlê. Als wat ek kan aanpak sonder ñ vieslike sigaret in my mond.

Wou maar net met iemand deel.

Groetnis

Sent from my SM-G925F using Tapatalk

[joe rocket]

Mooi so velti kyk of jy nou langer as 3maande kan uithou.

[Jaco vdW]

Puik besluit!
Sterkte, en goeie gesondheid!

Sent from my ALE-L21 using Tapatalk

[PWV]

Laat weet as jy weer begin!

[Heinz Petersen]

Jurgen Visser het ook nou opgehou rook. Byt vas

[KalahariKlong]

Ek die post so lees raak ek sommer lus vir rook.
Sterkte, dis nie n maklike pad nie.

KK

[Ashley]

Mooi.
Byt net vas, en vermy alkohol!
Ek sukkel nog bietjie met die demoon....maar binnekort

[Jurgen Visser]

Ek rook al seker 35 jaar , het 25 jaar terug opgehou vir 4 jaar en toe weer begin , toe rook ek manne , ek praat nie str@$nt nie so 2 na 3 pakkies styvesant per dag , as jy opgehou het , moet nie dink jy kan een of twee per geleentheid rook nie , jy is 'n verslaafde , ek gaan nou die ding deurdruk en klaar

[Philip J]

Sterkte julle manne. Ek sal seker ook maar op n stadium daai paadjie moet loop

[ANDRIES]

Ek het 11 Mei verlede jaar opgehou rook.Dit was reletief maklik omdat ek net al my roetines verander het.

[Klein Chris]

Byt vas julle.
Spandeer nou baie tyd in die kanker saal by Die Nurse wat nou self behandeling ontvang. Sien en hoor vieslike goed

[Ds J]

Vasbyt! Onthou om elke dag of week jou sigaretgeld in 'n blikkie te bêre. Gaan op 'n wegbreeknaweek daarmee.

[ruaanb]

Is nou amper 18 jaar sedert ek opgehou het. Vas byt manne!

[6mmMusgrave]

Ek het nou al 5 jaar terug opgehou dit is nie. Maklik nie glo my veral as ek n bier drink raak ek nou nog lus vir n twakkie

[Klein Chris]

Vasbyt! Onthou om elke dag of week jou sigaretgeld in 'n blikkie te bêre. Gaan op 'n wegbreeknaweek daarmee.

Skerp

[Lourens Potgieter]

26 Sept 2015 my laaste sigaret gerook. Af en toe as ek 'n sigaar ruik wil ek trane afvee maar verder is ek fine!Ek het Zayban gebruik, beslis gehelp. Champix se newe effekte was net te erg(konstante naarheid).

Dit het my seker 10 keer se probeer ophou sonder meds gevat voor ek besef het my verslawing is sterker as wat ek gedink het. Gebruik die tegnologie, dit gaan jou beslis help!!!

[Viking]

Ai Velti jy het my nou BAIE ver laat terugdink - ek het soos die meeste op 14 begin "eksperimenteer" met rook. Vir die grootste deel van my hoërskooljare het ek "skelm" gerook, dit was 'n uitdaging om die prefekte, die onnies en jou ouers uit te oorlê - en toe kom die army!!

Nou MOES jy rook om te wys jy is een van die manne!! Wat moes jy dan nou anders doen in die "smoke breaks"?? Onthou dat ons ook wys gemaak is die ouens wat rook en fiks raak is BAIE fikser as die nie-rokers...al sulke twak!

Daarna volg die swottings...en nou rook jy om sosiaal te wees! Die finansies knyp so jy hou elke 2e week op....dis nou ophou koop!!

Dis hier wat ek besluit het genoeg is genoeg! Ek kan nie ander ouens se verslawing help finansier nie en my meisie het geweier om 'n asbak te soen!!

Dit was die grootste motivering om op te hou - vry was lekkerder!!!

Jare later het ek my kinders gewaarsku dis nie meer "in" om te rook nie en jy sal baie meer sosiaal kan kuier en fliek as jy jou rookgeld daarvoor aanwend.

Om vandag te rook maak jou die "odd one out" - jy moet steeds skelm wegglip na 'n stukkie oop aarde wat uitgesit is vir die rokers om jou drange en luste te bevredig. Terug in die kantoor vermy mense jou want jy ruik nie so vars soos jy dink nie!!

Nee wat ek dank die Vader ek kon die gewoonte breek 37 jaar gelede, maar dit kos jou elke dag opstaan en 'n wilsbesluit neem!

Sterkte aan elke roker wat sy laaste sigaret rook!!!

[Geno]

Ek is 2 jaar en 4 maande skoon.
Ek kry elke week lus vir 'n twak, so dit raak nooit makliker nie! Ek het wel 15kg opgetel vandat ek ophou rook het, so dis al newe effek.

[andre007]

Ek het 18 jaar terug ophou rook, mens sal verbaas wees hoeveel meer asem jy het om daai steil bultjies aan te pak na jy so rukkie opgehou het. Rook pla my nie meer nie en ek mis nie die asbakkie reuk nie. Ek vat so nou en dan nog soos teug aan n bq rum en maple as ek aan my oorl'e Pa dink en of n goeie sigaar maar dis waar dit bly!

[Ratel]

Het na 12 jaar se rook opgehou. Rook sedert 1998 niks. Een dag nog 30 gerook volgende dag niks. Byt vas "it is all in the mind"

Toe ek opgehou rook het het 30 Chesterfield R7.50 gekos.

[Boersonderroer]

Ek het in 2003 op gehou rook. Beste besluit wat ek nog ooit gemaak het. Sal so een keer 'n jaar by my skoonsister 'n trek vat en dan dadelik my tande gaan borsel om van daai smaak ontslae te raak. Pakkie Benson & Hedges het toe R12 gekos. Moet se jy spaar nie rerig geld nie, jy spandeer maar net dit op ander goed.

[OupaZA]

Aiih ek moet dit ook nog doen! wil rerig die jaar ophou...

[Witpietskiet]

Ek is 2 jaar en 4 maande skoon.
Ek kry elke week lus vir 'n twak, so dit raak nooit makliker nie! Ek het wel 15kg opgetel vandat ek ophou rook het, so dis al newe effek.

Bly om te hoor ek is nie die enigste een wat so gewig op getel het nie, maar 2 jaar sonder twak en ek byt ook nog vas.

Sterkte kerels

[Apie]

Hulle sê dit vat 'n laaitie om te begin.
Maar dit vat 'n man om op te hou!

[Basjan123]

Sterkte aan al die manne wat probeer en opgehou het. Ek het net een vraag en jammer as ek die draad hi-jack hoe kan ek my van my soet tand genees?? Dit is bitter moeilik vir my.....