Houtkolf Restoureer

Melckman · Post by **Melckman** » Tue Nov 10, 2015 5:56 pm

Goeiedag,

Ek het 'n ou Remington .22 gekry en die outjie kort bietjie TLC. Onder andere wil ek die kolf restoureer.

Die kolf het ou, hoeglans vernis op, wat al op plekke sleg lyk van jare se hanteer; ek wil die vernis verwyder en die kolf 'n olie afwerking gee. Dit lyk soos 'n rooimahonie, so dit behoort mooi te lyk as dit klaar is.

My vraag is nou: hoe gaan 'n mens te werk om die ou vernis te verwyder, sonder om te veel te moet skuur aan die kolf?

Ek leer graag.

Marnus

Henry · Post by **Henry** » Tue Nov 10, 2015 7:30 pm

Gebruik vernis verwyderaar. Moenie die tipe gebruik wat met water afwas nie. Laat die verwyderaar sy werk doen. Jy sal sien frimmels ontwikkel. Gebruik dan eers 'n ou kredietkaart om die meeste vernis weg te skraap, en daarna staalwol, en miskien sal dit ook help om die staalwol (0000) in Terpentyn te doop en mooi skoon te maak. Laat dit dan droog en gebruik dan weer droê staalwol om finaal skoon te maak. Smeer dan Danish Oil (Deense Olie?) met 'n lappie of spons aan en laat toe om in te sak in die hout se poreê in. Gebruik dan weer staalwol liggies oor die gedroogte olielaag, en dek met nog 'n laag olie.

Dis wat ek gedoen het om 'n ou Linn LP12 platespeler weer te restoreer, en hy het baie mooi reggekom.

Polla1983 · Post by **Polla1983** » Tue Nov 10, 2015 7:43 pm

Melckman...

Kontak gerus vir Gert Odendaal hier op die forum! Hy het destyds n wapen se kolf oorgedoen en het redelik navorsing gedoen. As ek reg onthou was dit n 375...

Gebruik gerus die search funksie en soek " 375 restoreer " of iets in daai lyn: hy het n stap vir stap verduideliking opgesit.

Hy het al baie skool geld betaal en het ek hom ook gekontak destyds.

Ek glo hy sal jou baie inligting kan verskaf.

Groetnis

Hein M. · Post by **Hein M.** » Tue Nov 10, 2015 9:45 pm

Kyk ook hier:

http://www.jaracal.com/viewtopic.php?f= ... en#p485279

https://www.youtube.com/watch?v=mb44QT9CjHs

Henry · Post by **Henry** » Tue Nov 10, 2015 11:19 pm

Hein M. wrote:Kyk ook hier:

http://www.jaracal.com/viewtopic.php?f= ... en#p485279

https://www.youtube.com/watch?v=mb44QT9CjHs

Daars hy. Die proses wat Dries gebruik is reg. Ek het ook Nitromors gebruik om die ou vernis te verwyder. Ek het Deense Olie gebruik omdat ek van dit in die werkswinkel gehad het. Dit is belangrik dat jy die grein vul as jy daai mooi satyn afwerking wil hê. Het vergeet om dit te noem. Dit bring ook die inner glans van die hout beter uit.

Moet ook noem dat jy geduld nodig het. Die is nie iets wat jy moet jaag nie.

Hier weer net 'n link na Dries se draad: http://www.jaracal.com/viewtopic.php?f= ... lf#p306107

Hartskoot Hennie · Post by **Hartskoot Hennie** » Wed Nov 11, 2015 11:08 am

Hallo Melckman, loer gerus ook hier as jy wil: http://jaracal.com/viewtopic.php?f=72&t=43674

Ek het Duram se Durastripp (paint remover) gebruik en dit het baie mooi gewerk vir my, 'n 1 liter blik kos so R60 by Chamberlain. Daar is seker beter maniere om dit te doen maar ek is baie gelukkig met die resultate wat ek gekry het.

NJ_v_N · Post by **NJ_v_N** » Wed Nov 11, 2015 5:11 pm

As jy lui en haastig is soos ek werk oven cleaner baie mooi on die ou finish af te haal. En dan warm water om skoon te maak en vyn duikies uit te haal.
Opgevolg deur n paar lae teak oil.

Voor

ImageUploadedByTapatalk1447254669.541455.jpg

Na

ImageUploadedByTapatalk1447254413.300827.jpg

Melckman · Post by **Melckman** » Mon Nov 16, 2015 7:34 am

Dankie vir al die raad, manne. Ek gaan bietjie kyk hoe dit gaan - ek hou julle op hoogte.

Giepie · Post by **Giepie** » Mon Nov 16, 2015 1:58 pm

Ek het ook so kolf of twee wat ek wil oordoen, so mooi gekyk na hierdie draad asook die ander. Ek het ongelukkig nie die geduld vir die lang prosesse nie, so dink nader aan Nick se idee. Gaan maar eers op 'n ou windbuks se kolf begin en kyk hoe dit gaan.

JARACAL