Bobbejane in Limpopo

[Alwin]

http://www.jaracal.com/viewtopic.php?f=31&t=36130

Ek is miskien verkeerd of trap op tone.

Jag is om die dier te dood so gou moontlik en ons almal weet dit. Is om te bekruip en so nabyas moontlik aan die dier te kom nie die hele ding agter jag nie? Anders hoef ek nie fiks te wees en kan so dik wees ek kan rol maar met my geweer skiet ek die bok op 500m+. So BC is nie van baie belang vir my nie. Ken jou geweer en trajek.

Vir my die hele ding van jag is om so naby as moontlik te kom sonder dat die dier jou sien of hoor en dan die dier te skiet en te dood so gou moontlik. Ver skiet val vir my onder kompetisie tussen skuts en nie spesifiek vir jag nie.

Net my opinie

Jy is natuurlik heeltemal reg! Vir normale jag van eetbare wild, stem ek heeltemal saam met jou stellings. Maar laat my toe, om vir jou 'n ander jag-situasie te skets:

In my omgewing word daar met vrugte en groente geboer. Nie al die grond is bewerkbaar (of besproeibaar) nie, dus is daar heelwat natuurlike bos oor. Hierdie bos huisves wild. Die boere is darem heewat bewaringsbewus, en "verdra" die wild, en ook die skade wat hulle aanrig. Maar soms moet daar beheer toegepas word. Dit word oordeelkundig gedoen, sodat die volgende geslag ook nog die voorreg kan ervaar. Die koedoes, rooibokke, duikers, vlak- en bosvarke ens. ens. kan voortbestaan en die mense eet biltong. Ek glo dis heel gebalanseerd.

Nou die probleem: Bobbejane. Die trop(e) het van elders af gekom, so 20 jaar gelede. Nou het hulle al die lekker volop kos ontdek, en natuurlik aangeteel. Hulle is nou so baie, dat die kos in die natuurlike bos, hulle nie meer kan onderhou nie. Hulle raak ook meer arrogant en agressief, en bedreig die plaaswerkers. As die werkers hulle met klippe gooi, gooi hulle die klippe terug!

Wat is die oplossing? Gif? Vanghokke? Enige ander plan? Nee wat, alles is al probeer. (Bankrotskap ook!) Die dommes het hulself laat vang, en net die slimmes het oorgebly en aangeteel. Dus word hulle nou gejag. Soms, vang jy hulle op "kort" afstand, so onder 250 m. Maar meestal, sien jy hulle nie nader as 500m nie. Dus, word hulle nou gejag op die afstande, wat hulle sigbaar is. Oneties? Wel, ek dink nie so nie. Maar enigiemand wat hulle graag wil hê, is welkom om hulle te kom haal. Dit is maar een van die langafstand-jag scenarios, wat daagliks voorkom. Daar mag ander wees, waarvan ek nie eerstehandse ervaring het nie.

Ek hoop dit stel die saak in perspektief.

[grumpy]

338LM, dis nie goed nie. Net n idee van hier. Hoekom nooi jy nie manne vir brekvis nie. Almal is vroeg uit as dit donker is op strategiese plekke en le die wetters voor. Laat hulle in die strik loop en laat waai!! Nee dis n verlies vir die boere en ek het simpatie met julle. Dis nie lekker nie.

Sterkte vir julle manne maar ons kyk vir die uitnodiging vir brekvis!!

[Alwin]

338LM, dis nie goed nie. Net n idee van hier. Hoekom nooi jy nie manne vir brekvis nie. Almal is vroeg uit as dit donker is op strategiese plekke en le die wetters voor. Laat hulle in die strik loop en laat waai!! Nee dis n verlies vir die boere en ek het simpatie met julle. Dis nie lekker nie.

Sterkte vir julle manne maar ons kyk vir die uitnodiging vir brekvis!!

Grumpy, ek sien jou lus hang uit.

Kom ek borduur 'n bietjie voort, op die situasie. Die bob-familie is gewoonlik op die pad (hulle pad) net na sonop. Ek het hulle al in 'n groot boom, naby hulle gewone slaapplek, betrap teen sonop. Maar nou is hulle katvoet daar. Verder is hulle totaal onvoorspelbaar, en vat soms weke om terug te keer na 'n ou roete of vreetplek. Ek glo ook, hulle het hul eie sangoma, wat hulle vertel wat ek (en die ander) dink. Daarom is voorsit selde suksesvol.

Hoe ek nou werk, ek het 'n reëling met van die werkers. As hulle die vyand gewaar, stuur hulle vir my 'n "plase call". Dan versamel ek al die beskikbare inligting, en probeer hulle opspoor. Baie keer onthou hulle om my te laat weet, as die trop al reeds weer verkas het. As hulle eers in die rante in is, is jy gelukkig om hom te kry as hy doer ver in 'n groot boom opklim.

Die jagtery word bemoeilik, deurdat hulle meestal tussen die werkers, voertuie ens beweeg. (Bob het geen respek, of vrees, vir 'n plaaswerker nie.) Iemand wat nie baie vertroud is met die hele opset nie, kan maklik 'n werker, trekker op pyplyn tref. Skootplasing daar "doer ver" is maar altyd 'n waagstuk. Daarom laat boere nie sommer enigeiemand toe om bob te jag nie. Nie een wil graag op TV nuus verskyn nie...

Maar die uitdaging is natuurlik vreeslik lekker. As jy so 2+ weke lank wil kom kamp, kan ons begin onderhandel. Die skade is gewoonlik die grootste, van mid winter tot so Oktober. Dan reën dit, en veldkos raak volop en trek die trop terug berge toe. Die digte plantegroei, hitte en humiditeit, maak dinge dan ook moeiliker vir die jagter.

Ek het al in hulle vasgeloop, en sommer 2 met die 9mm platgetrek, op baie kort afstand. En ek het al 14 op een dag "gekry", maar dan ook weer 8 weke gesukkel, voor ek weer ene gesien het. Dis nie altyd maklik, om hulle op te spoor nie.

Dus, ek wil nie onmededeelsaam klink nie, maar kan ook nie enigiemand oornooi, soos vir 'n varkjag nie. En tussendeur werk ek ook nog soms... As jy ernstig is, kan ons begin reël vir volgende jaar se "seisoen".

Groete,
338LM.

[smitjs]

Ek wonder wat die wet deesdae sê oor stelgewere.
Jare gelede het 'n paar boere wat ek ken goeie resultate daarmee gehad.
Een was geskiet met 'n lemoen op die stelgeweer, dan is die trop weg vir lank.
Miskien kan die wet kenners ons inlig.

[grumpy]

Dit klink goed en kan werk. Sal biltong maak van die goed vir die mense wat alewig wil biltong he na die jag.

Ek trek Klerksdorp toe November so ek dink dit kan werk. begin maar met reelings en ons sien of ons plan kan maak.

Dankie vir die uitnodiging.

[Willie]

338LM

Bobejane in die karoo tree ook so op. Hulle het geen ontsag vir vrouens en werkers nie. Maar 'n man met 'n geweer kom nie sommer naby nie.

As jy raad kry laat asb weet want met die veld wat so droog is maak hulle nou baie groot skade.

[Capt. Yoda]

338LM

Hulle het geen ontsag vir vrouens en werkers nie

Hier is so paar fotos wat Geno my gestuur het van hoe hulle bobjane jag. Blykbaar werk die klere bitter goed

http://msmagazine.com/blog/wp-content/uploads/2013/05/378278_376408589140598_1930367892_n.jpg

http://www.hdiphonewallpaper.com/uploads/image/Funny/Funny%20man%20wearing%20woman%20clothes.jpg

[win270]

O vrek! Nou weet ek hoekom daar so baie bobbejane is . . . die jagters maak ogies vir mekaar ipv om die bobbejane te skiet.

[SNIPER]

Hi 338Lm

Waar in Limpopo bly jy.
Ek het self Saterdag n paar hier by n Lodge naby Nylstroom by mekaar gemaak,bobbejane het so 6 nuwe kamp tente Saterdagoggend by een van my plase waar ek jakkalse skiet bietjie verniel.

Het jy meestal skade met die vrugte ens.

Groete

Sniper

[Gawie(13mm)]

Dit is altyd lekker om Mnr. BOB en sy makkers doer te gaan haal met 'n loodpil, maar net soos met jakkals se kend maak ons hul slim. Ek weet dit is nie altyd moontlik nie, maar as jy hul uit jou boorde wil hou sal jy hul in die boord op heterdaad moet betrap en skiet. Hulle is nes stout kinders wat nie wil hoor nie, maar moet voel vir beste resultate.

Jy sal ongelukkig nooit 'n hele trop met gewere kan uitwis as ek luister na wat jy sê mbt tot die uitleg van die boorde en die bosse tussen-in nie.

Groot vanghokke is jou enigste uitweg met die minste impak op die omgewing en al die ander sluipers en diere op die plase.

Groetnis.

[Alwin]

Hi 338Lm

Waar in Limpopo bly jy.
Ek het self Saterdag n paar hier by n Lodge naby Nylstroom by mekaar gemaak,bobbejane het so 6 nuwe kamp tente Saterdagoggend by een van my plase waar ek jakkalse skiet bietjie verniel.

Het jy meestal skade met die vrugte ens.

Groete

Sniper

Mooketsi omgewing.

Ek stem saam dat jy hulle nie met gewere gaan uitwis nie. Maar wil ons regtig ons jaggeleenthede uitwis, al is dit pesdiere? Die doel van etiese jag (= bewaring), is mos om die balans te hou, en waar versteur, te herstel.

As jy oordeelkundig te werk gaan, met 'n plan en al, is dit myns insiens moontlik om hulle te leer, dat by hierdie Boer se lande, hier gaan jy geskiet word. Los hulle uit in die bos, weg van die lande af, maar werk sy gal as hy naby die landerye en boorde kom. Hulle is nie stupid nie!

Ter illustrasie, kan ek noem wat ek eenkeer reggekry het. Die trop het gaan slaap, in 'n ry groot witseringe, naby my buurman se mangoboord. (Met voorbedagte rade natuurlik!) Ongelukkig vir hulle, het ek hulle opgemerk. 'n Paar oproepe verder, het ek 'n kleinspan bymekaargemaak, en hulle stilletjies in die maanlig bekruip. Die meeste het ontsnap, maar daar het heelwat gesneuwel. (En, wonderbaarlik, het hulle (bob) nie een van ons "getref" nie!) Dit was jare terug. Tot vandag, het hulle nog nooit weer op daai plek gaan slaap nie. Ek wonder, of daar nog oorlewende troplede is, wat die voorval beleef het?

Soortgelyke planne kan werk in landerye. Kry vinnige inligting, as hulle inkom, en reageer onmiddelik. Dit sal hulle dwing, om hulle tyd in die landerye aansienlik in te kort. Hulle gaan steeds skade maak, maar te minste nie daar kampeer en rustig mors, verniel (en toi-toi?) nie. Later, as hulle slimmer word, stuur hulle die jeugliga in, om vinnig kos te soek, terwyl die senior partykoukus in die bome langs die land sit en "kywie" hou. Die hele besigheid werk naderhand op hulle senuwees, en hulle gaan soek eerder elders kos, waar hulle rustig kan lewe. 'Skies vir die analogie, uit die daaglikse lewe, maar ek hoop dit beskryf die plan voldoende.

Vanghokke is ook baie effektief. Maar dit vat heelwat voorbereiding en daaglikse inpeksie ens. En die meeste goeie vanghok-planne sluit 'n "trailcam" in. Ongelukkig trek die kamera gewoonlik die jeugliga se aandag, en hulle is vernielsugtig...

Die stryd duur voort...