Ons nuwe Kalahari Red Stoetram

[douw]

Ek wil net so bietjie spog met ons nuwe 9punt stoetram wat ons gister op Tollie Jordaan se jaarlikse produksie veiling gekoop het.

[tripodmvr]

Wil liewers nie prys weet nie, maar dit is 'n mooi bok daardie.

[.223 JAGTER]

Baie mooi almal lyk gelukkig

[Jacquesb]

Mooi ram Douw.
Wat sal hy uitslag?

[win270]

Nou, vertel ons gerus meer. Is dit nou 'n kleurvariant van die veredelde Boerbok?!

Dis 'n pragtige dier daardie!

[Heinz Petersen]

Soos Bul vir Zebra gesê het toe Zebra eendag op die plaas aangestap kom en vir Bul gevra het, nou wie is jy en wat maak jy op die plaas. Toe sê Bul vir Zebra,trek daai pajamas van jou uit dan wys ek vir jou wat ek hier doen.
Netjiese ram Douw.
Ek kry my twee stoet ooie en ram die einde van die maand.
(Daar gaan my 22.250)

[GvA]

Mooi ram Douw, goeie genetika is baie werd!

[VdWalt]

Baie geluk! Mooi bok daai

[douw]

Mooi ram Douw.
Wat sal hy uitslag?

Ai tog! Rand per kilogram sou dit nie die moeite werd wees nie!

Soos Bul vir Zebra gesê het toe Zebra eendag op die plaas aangestap kom en vir Bul gevra het, nou wie is jy en wat maak jy op die plaas. Toe sê Bul vir Zebra,trek daai pajamas van jou uit dan wys ek vir jou wat ek hier doen.
Netjiese ram Douw.
Ek kry my twee stoet ooie en ram die einde van die maand.
(Daar gaan my 22.250)

Boer jy ook met hulle?

Wil liewers nie prys weet nie, maar dit is 'n mooi bok daardie.

Bietjie meer as wat 'n slagbok op 'n vee veiling sou gaan

Nou, vertel ons gerus meer. Is dit nou 'n kleurvariant van die veredelde Boerbok?!

Dis 'n pragtige dier daardie!

Die bokke is in die vroee negentigs begin teel deur Boerbokke, Savannas en Afrika bokke. Hulle is meestal uitgesoek uit goeie moeders en dan natuurlik die bokke wat die meeste rooi gehad het.

In 1998 het 'n paar boere wat almal op hul eie met rooi bokke geboer het, saamgespan om die ras te verbeter. Die ras is in 2004 geregsitreer as 'n ras op hul eie. Dit is basies soos die Bonsmara beeste wat 'n eg Suid Afrikaans beesras is, wat hier geteel en geregistreer is deur Prof Bonsma.

Die Kalahari Reds is 'n baie geharde ras. Wat maklik aanpasbaar is. Uiters vrugbaar is met uitstekende moedereienskappe. Hulle is baie goed gekamofleer, wat meebring dat hul nie so maklik van paaie af raakgesien kan word vir diefstal nie. Hulle lampersentasie is gewoonlik oor die 200%. Die lamintervalle is gewoonlik so 8 maande, maar ons het 'n paar ooie wat slegs 7 maande intervalle het.

Ons het 4 jaar gelede met 'n troppie begin van 4 ooie en 'n ram. Ons is nou op 50 produserende ooie, Altesaam het ons so 100 diere per slag op die plaas. Ons het hierdie jaar vir die eerste keer aan 'n skou deelgeneem. Ons het redelik goed gedoen met al ons bokke en 'n eerste plek behaal met 'n jong ooitjie in haar gewigsklas.

Die ras het die afgelope paar jaar baie gewild geraak en dit is ook sigbaar in die pryse wat op veiling behaal word. Laasjaar is 'n ram in Bloemfontein vir R130 000 verkoop. Top ooie gaan gereeld op veilings vir R30 000 tot R40 000.

Laat weet gerus as iemand nog inligting of vrae het.

Groete
Douw

[win270]

Baie interessant, Douw. Hulle is natuurlik blaarvreters en doen goed daar in julle kontrei. Enige siektes waarvoor julle die ras gereeld moet behandel? Bring jul die bokke saans kraal toe om teen roofdiere te beskerm? Hoeveel slag hulle uit?