Om 270Win te verander na 6,5x55

[Giepie]

Ek dink nog net daaraan om my Musgrave 270Win met Vektor aksie te laat verander na 'n 6,5x55.

Die 270 skiet lekker en redelik akkuraat, maar die magasynkas vat patrone met maks tpl van 81mm. Dit behoort tot by 84,5 te kan gaan. EK kan dus nie met tpl speel vir beter akkuraatheid nie.

Ek juk vir 'n 6,5x55. Dit gaan my waarskynlik goedkoper uitwerk om 'n ander geweer te koop, maar as wanneer die 270 se loop gedaan is ...... Ek dink die aksie sal lekker werk vir 'n 6,5x55

Vir die wat weet, behalwe vir 'n ander loop, wat se veranderinge sal moet gedoen word om dit te verander? Ek sien die 6,5 se rim is ,2mm groter as die 270 s'n.

[Frikkie Coetzee]

Man. Herloop met n goeie loop is nie goedkoper as n Howa nie. Maar dan het jy n premium loop. Ander opsie is swaai jou 270 en koop n Howa.

[NJ_v_N]

Daai rim diameter gaan heel waarskynlyk n klompie geld kos om reg te kry, bolt face sal biekie oop gemaak moet word en die extractor sal ook moet efentjies terug gesny moet word (nie iets wat jy net sommer enige ou kan laat doen nie). Maar met min of meer dieselvde diameter body en nek taper behoort dit nie nodig te wees om die feed ramps te verander nie.

Ek gooi nou net n klip in die bos maar is daar nie n manier om die magasyn area biekie groter te maak nie, bv n mauser bottom metal te gebruik nie, die aksies is mos soortgelyk, ek ken nou ongelukkig nie die goed uit my kop nie.