Bron /kerriebron resep gesoek?

[andre007]

Hallo almal. Het iemand dalk n reseppie vir die bg.?

[Louis Kriel]

Ek gaan hom dop hou want ek soek self so resep. Hoop jy kom reg!

[boogman]

Ek het al die een 'n paar keer gedoen wat heel gaaf uitkom

2 Groot uie, gekap
2 Knoffelhuisies, gekap
Ongeveer 3 kg wildskenkels (Meng gewoonlik 1kg Vlakvark met 2kg Wild )
1/2 koppie bruin asyn
1/2 koppie water (Gooi nog by terwyl kook as dit nie bene toemaak)

Kook bogenoemde saam tot die vleis van die bene afgeval het (Meer as 8 ure) . Laat dit effens afkoel en haal al die bene uit. (Onthou om murg uit te krap en terug te gooi)

1 eetlepel kerriepoeier
1 eetlepel borrie
1 teelepel koljander, fyn
1 teelepel gemmer, fyn
1 teelepel kaneel, fyn
1 teelepel wit peper
1 suurlemoen se sap
6 eetlepels fyn appelkooskonfyt
sout na smaak

Braai hierdie speserye in 'n bietjie olie vir omtrent 1 minuut in 'n groterige kastrol, gooi dan die vleis en sous by. Gooi nog so 250ml kookwater by.

Verhit tot kookpunt, roer deur. Haal van stoof af, gooi in 'n gesmeerde vlak pan en sit in yskas om te stol.

Geniet

[andre007]

Dankie boogman. Iemand het ook vir my hierdie skakel gestuur: http://lekkerreseptevirdiejongergeslag. ... brawn.html

Hulle sê resep 2 op die blaai werk lekker!