TPL van Sierra Pro Hunter 180gr in 30-06

[Brno308 jagter]

Middag Manne

Het een van julle al met die bogenoemde punte geskiet, en indien wat was julle TPL (Totale Patroon Lengte) met die 180gr Sierra Pro Hunter in 30-06.

My kamer lengte was 84.5mm toe laai ek hulle 83.75mm, klink dit op standaard.? 

Groete,

Brno

[Wismit]

Ek het vanjaar die 180gr Siera PH punte probeer. My lading was as volg:

50gr S365
TPL = 83.0mm

Het Blouwildebees op +- 60m reg van voor in die bors geskiet. Ons het die punt teen die pens gekry.



Het ook twee rooibokke geklits op so 70m. Ons het nie die punte gekry nie.

[Gerard]

Wismit,
Dit is 'n interessante illustrasie van die skag van die Sierra PH.  Dit is die norm dat die punt heeltemal disintegreer wanneer mens 'n gemantelde loodkern gebruik.  Ek is verbaas dat jy die punt teen die pens gekry het, het jy miskien 'n foto daarvan?  Dit sal insiggewend wees om te sien waar die Sierra gebreek het en die skag en die punt van mekaar geskei het.  Die punte wat nie herwin is met die rooibokke se skiet nie, is ook algemeen.  Kon jy darem die skagte herwin of het hulle deurgeskiet?

[Wismit]

Die foto hierbo is die enigste foto wat ek het van wat ons uit die B/W teen die pens gekry het of wat oorgebly het van die koel. Ons het niks anders gekry nie.

[Geno]

Dit lyk nie of die "skag" en "punt" geskei het nie. Dit lyk vir my na 'n doodgewone mushroom, soortgelyk aan 'n Nosler Partition.

Die koeel het sy job gedoen, al sy energie oorgedra aan die wildebees.

Groete,
Eugene

[Brno308 jagter]

Dankie Julle, ek sal graag wil weet wat was jou groepering met die 180gr Sierra Pro Hunter.?

Het jy dalk jou spoed gemeet.?

[Wismit]

Nee, ek het ongelukig nie die spoed gemeet nie. Die groepering van 3 skote op 100m oor tafel was 15mm.

[Gerard]

Geno,
Daar is twee tipes Sierra PH koeels, 'n rondepunt en 'n spitser.  Die rondepunt het 'n krimpgroef en dit is nie buitengewoon vir die koeel om by die krimpgroef te breek nie.  Op die foto van die skag het die mantel in die omgewing van die krimpgroef gestop en, toe Wismit se die punt is teen die pens gevind het ek aanvaar dat dit van die skag afgebreek het.  Die illustrasie impliseer dit en ek het maar net gewonder hoekom daar 'n foto van die skag van die koeel is en geen foto van die afgebreekte punt nie.

[Geno]

Gerard,

Dankie, goeie verduideliking.

[Wismit]

Net ter inligting, dit was die spitser wat ek gelaai het.