Bronkhorstspruit dam oorde

[Jac]

Hi, julle

Weet een van julle dalk van pleke by Bronkhorstspruit dam wat chalets het wat ek kan kontak? Ek wil graag my familie volgende naweek dam toe vat.

As julle name van pleke en nommers het sal ek dit baie wardeer. Enige ander voorstelle (+/- 1uur se ry van Pta) sal ook wardeer word.

[Jac]

Ek wil net dankie se vir al die lede se hulp wat ek ontvang het, julle stilte was puik. Ek het toe reg gekom en die mooiste plek met meer as genoeg bass in sy damme.

Dankie lede, vir niks!!

[spekieries]

Jac stop die Lorrie

Vir twee posts is jy baie aggressief/ sarkasties.

Miskien is hier nie baie manne op die forum wat by Bronkies rondhang nie. Al so daaraan gedink?

Gewoonlik is al die manne baie hulpvaardig en hulle sal help as hulle kan. Ek dink jy sal dit agter kom as jy 'n rukkie op die forum is. Ek self bly al van 1993 in Pretoria en omgewing en ek het nog nooit by daardie dam oorgeslaap nie.

[Jaco Swart]

Jac.

Gaan stel jouself voor, voordat jy jou gat in n krul trek.

[Lourens Potgieter]

Sjoe, jammer ek het nooit jou post raakgesien nie.....

[Frikkiedbr]

Ja nee kyk die man spring darem maar vinnig op sy perdjie.
Sterkte aan daai perdjie

Mooi ges? Jaco 

[VdWalt]

Ek wil net dankie se vir al die lede se hulp wat ek ontvang het, julle stilte was puik. Ek het toe reg gekom en die mooiste plek met meer as genoeg bass in sy damme.

Dankie lede, vir niks!!

Plesier ou grote, as jy nog hulp nodig het, gooi net!! Ons help graag. 

[Nickvn]

Jac, hierdie forum werk maar net soos die lewe daar buite. Wat jy insit is wat jy uitkry. Moenie enige respek verwag as jy met so n "attitude" die mense hier aanval nie. Ek voel n behoorlike verskoning is van pas. Sterkte ou maat.

[Jakkalsgat]

Jac

As jy bietjie tyd hier spandeer het sou jy sien dat dit die norm is om jouself voor te stel aan die forum na alles is jy nie dalk die een wat by ons wou inskakel nie? Lyk vir my jy is effe arrogant en as jy nie jou sin kry nie wil jy 'n "tantrum" gooi wel ek het vir jou nuus, hierdie is groot mense wat graag help maar ek dink jy moet besluit of jy hier wil kuier of jou houding maar hier is regtig nie plek vir albei van julle nie. Die regte ding nou om te doen is om jouself te gaan voorstel en al is dit Jaracal se beleid om nie nuwe lede gas te gee nie dink ek jy het met die verkeerde intensies hier aangeluit. Die gesindheid hier is om te deel en as jy net wil "demand" stel ek voor gaan soek 'n forum van die regering en "demand" daar.

Kom nou stel jouself voor en kuier lekker saam en onthou hier skuld niemand vir mekaar niks behalwe respek.

Groete
Jaco

[Herman Huyser]

Ja nee wragtag, self ek is nog redelik nuut, en hierdie sulke negatiewe gedrag behoort nie geduld te word nie. Jac, soos die ander manne reeds aangedui het, gaan stel jouself eers voor, verander bietjie die houding, dan sal die manne lekker saam gesels en help waar hulle kan.

[RUPERT]

So met die inloop slag maak hy n "JACKASS" van hom self.

Sterkte my tjom ek hoop jy kan beeter bass as wat jy kan pelle maak.

[Witpietskiet]

Jac,

Jy "post" op die verkeerde topic.

http://jaracal.com/index.php/topic,16695.0.html

[Goose]

Jis, julle klomp ou balies is 'n klomp suurgatte die maat het net bietjie raad gevra. Dis oor sulke attitudes wat ek nie hier kom nie

[Herman Huyser]

Ouch, nog een wat homslef nie eers voorstel nie, sommer net kritiseer van die begin af.

[Jean Marais]

Ek dink Goose moet maar vir hom 'n ander dam gaan soek.

[JPS]

Jac en Goose,

Welkom by ons hier op die lekker Forum,

Soos die manne reeds gese het, oor die meerderheid kere sal meeste mense  / lede hulp kry hier gaan soek so bietjie rond en julle sal sien daar is hope voorbeelde.

Jammer dat ons nie hier kon help nie - manne het seker maar van die post gemis of dalk net nie geweet waar daar lekker plekke by Bronkhorst spruit is nie.

So die is nou nie 'n ruk in die bek nie. Ek het Gesien Jac het hom voorgestel, lyk my van die ander manne het dit gemis. Maar ek dink tog daar is 'n manier van sake te hanteer.

Goose - Maak soos Jac en stel jou voor en kom gesels lekker saam - miskien net miskien verbaas die "Ou Ballies" jou.

Ps. nie almal van ons is "Ou ballies" nie.  .....

Mooiloop
JP

[Jakkalsgat]

.

Ek dink Goose moet maar vir hom 'n ander dam gaan soek.

Wonder nogal wie is sy ouballies, sien hy maak ook soos die een hier bo, kom soek net skoor en gaan. Kom ons wys hulle maar ons is beter en het maniere, dalk kan hulle ook bietjie leer.

Groete
Jaco

[Jacquesb]

Manne
Ek lag nou so vir die lekker rooitapyt wat ons ouens vir die manne uitrol.

Jac en Goose
Ek stem met die meerderheid hier. As jy 'n houding het en arrogant wil wees gaan ons nie lekker kuier nie. Ons vat hierdie disrespek met moeite. Ou ballies se gat!!!
As dit 'n grap is se so en maak dit reg, ons is nie sonder 'n humorsin nie.

Vriendelike groete
Jacques

[Louis Kriel]

Hehe lekker lag ek nou vir die manne se kommentaar, nee wat Jac en sy Goose is nie van ons dam se ganse nie, hulle moet maar daar by Dronkwordspruit se dam gaan uithang!

[johnny]

Jac / Goose

Die lewe is n lied , hang net af hoe jy hom hanteer, so ook jaracal , hanteer met respek en vra met respek en leer met respek , en jy sal dieselfde kry.

groetnis

Johnny

[grumpy]

Reg, ek het die hosepipe gesny dat dit sommer kan dien as n voedingsbuis ook. 2 IN 1!!!

AS hulle maar net die hosepipe storie ken sal hulle gou hul houding verander!!

Grumpy

[Jac]

Om dinge meer in perspektief te plaas:

1. Ek het myself voorgestel soos wat die forum reels se, as julle manne dit nie kan kry nie vra my dan post ek dit weer. Of gaan soek net, julle sal dit kry.
2. Ek verstaan dat nie almal van plekke by Bronkhorstspruit ken nie, dis hoekom ek ook "of 'n uur se ry van Pta" in gesit het.
3. Ek het julle hulp gevra, maar absolut niks van julle gekry nie, my 1st post was gevra met die oog om meer inligting te kry en ook ander mense wat met die selfde vraag sit. Ek het 'n "search" gedoen maar kon niks kry om my vrae te beantwoord nie. My 2de post het ek selgs almal bedank vir die hulp wat ek gekry het.
4. Ek het toe reg gekom en so amper 15 plekke gekry wat almal binne 'n uur se ry is vanaf Pta en hulle is almal "familie vriendlik".
5.Ja, ek is nuut op die forum en het nie baie posts nie, maar selfs ek weet hoe om te gaan soek of 'n lid hom/haar self voorgestel het. Leer dit bietjie.
6. Dit was 'n "learning curve" vir my gewees en ek sal julle nie weer pla in die varswater hengel/visvang afdeling met vrae vir advies nie.

So aan almal, ek vra omverskoning dat julle my nie kon/wil help nie. Ek vra julle net om in vervolg die post ordentlik te lees voor julle op julle perdjies klim.

Groete Jac

[Nickvn]

Ai ai Jac, met so n "attitude" gaan ons nie ver kom nie........ Sterke ou maat.

[BLOK]

Jac


Baie welkom op die forum, ja dit raak maar taai hier met nuwe manne wat sommer met hul eerste paar posts dwars trek. Ek vra maar omverskoning.

As ek dalk net n vraag mag vra jy is nie dalk famielie van Gerhard Schultz nie, hy het eenkeer iets genoem van n Jac en omdat jy engels is en hy daar van die kus ook kom.

[Jac]

Wat is tog nou die probleem, Nick? Ek het nou mos net my saak mooi verduidelik en omverskoning gevra. Ek het ook net op die einde gevra dat al die lede wat so vinnig op hulle perdjies was om posts in die vervolg mooi te lees voor dat hulle ander lede in vlieg. Of mag nuwe lede nie sulke vrae vra nie?