7mm Rem Mag en Barnes TSX/TTSX

[marno]

Hallo julle,

Wil net gou hoor, het enige een van julle al die 150gr Barnes TSX of TTSX in julle 7mm Rem Mags al probeer?

Sal net wil hoor wat is die gemiddelde spoed wat julle kry en of julle S385 gebruik?

Baie dankie en groetnis

Marno

[Wouter Roets]

Hallo Marno

Ek gebruik die 150gr TSX in my 24 duim 7mm Rem Mag geweer teen 2970ft/sek met S385 en standaard primers. Hierdie lading is so rapsie oor die 56 000psi merk en gee half duim groepe die heel dag lank. Gooi jou syfers soos benodig met QL dan loer ons vir jou daarna.

Ek het baie rondgespeel met die verskillende gewigte koeels sowel as verskillende poeiers in die 7mm Rem Mag en dit wat ek en jy by uitgekom het maak vir my die meeste sin.

Groetnis
Wouter

[marno]

Jis dankie ou Wouter.

Dit is nou sommer baie goeie nuus wat jy my nou gegee het want ek dink al 'n rukkie aan die kombinasie maar was nie seker of ek dit moet probeer of nie.  Maar nou het ek klaar besluit. 

'n pel van my het al my data op sy QL so hy sal vanaand vir my loer. As ons nie regkom nie sal ek defnitief op jou knoppie druk dankie man.

Net so vragie, hoeveel mm sprong gee jy met hulle huidiglik?

Groetnis

[tripodmvr]

Die koe?lgewig van 150gr het ek lank terug gekies vir my 7x64 en ek dink dit is ook dalk die optimum vir die 7mm Rem Mag. Het gesukkel met die ou Barnes X met akkuraatheid met S365 en toe het S385 met Mag Prim dit reggeruk. Met die TSX is S365 ook aan te beveel vir die 7x64, maar julle het baie meer dopvolume en S385 is soos genoem 'n wenner.

[Wouter Roets]

Marno

My lading het n sprong van 0,8mm en ek sal nie sommer met die Barnes veel kleiner as 10% van die skagdeursnee gaan nie agv die hoer shot start pressure van n mono koeel.

Maruis ek skiet ook nog met die ou Barnes X'e 150gr in die kaliber vanwee die groot hoeveelheid wat ek aan die begin gelaai het vir die geweer. Ek het hierdie jaar eers die TSX se lading ontwikkel met genecksizede doppe. As ek reg onthou het die hele ladingontwikkeling my  n totaal van ses skote gevat met die TSX'e! Ek moes n aanpassing van 0,3gr maak om presies op die node te kom met half duim groepe as resutaat. Die ou Banes X'e se gemiddelde groepe was so rapsie grooter, maar dit kan ook aan die nuwe ongevuurde doppe toegeskryf wees. My spoed was ook net so by die 2930ft/sek as ek reg kan onthou. Wys jou net wat daai groewe gedoen het vir die ontwerp!

Groetnis
Wout

[Vlakvark]

Wouter

Het die groewe op die Barnes TSX en TTSX nie die hoer druk probleem op gelos ,sodat mens nou 'n kleiner sprong kan gebruik nie.

[Wouter Roets]

Vlakkie

Die groewe se grootste bydrae is n kleiner draevlak wat sodoende drukvlakke verlaag wat dan nou weer op sy beurt hoer spoed tot gevolg het vir dieselfde drukvlakke. Shot Start Pressure word nie so seer aangespreek met hierdie groewe nie vanwee die feit dat hulle redelik ver terug sit op die skag en sodoende nie verligting bring wanneer die koeel die groewe betree nie. Wat wel aangespreek word is dat die traagheid minder is van die koeel om aan die gang te kom met die bewegingsfase maar die graverings proses se druk sal nie verlaag vanwee die gebruik van groewe nie. Sover ek dit het is Barnes se aanbeveling nog steeds n 1mm sprong met die laai van TSX, maar ek het gevind dat 10% van die skagdeursnee meer sinlik is en beter akkuraadheid gee. As jy in persentasie terme kyk met n 1mm sprong tussen n 243 en n 375 maak dit mos meer sin om eerder op n persentasie van die skagdeursnee te werk as n vaste syfer. Wel vir my in elk geval.

Die ander groot voordeel met die gebruik van groewe is natuurlik minder koper neerslag wat n groot probleem was met die oorspronklike Barnes X wat maar rof was op n loop.

Groetnis
Wouter

[tripodmvr]

Ek dink jy is reg vlakkie, maar vir akkuraatheid hou die Barnes van 'n effense sprong. Myne is almal nog op 2mm vanaf die eerste koe?ls se aanbeveling.

[marno]

Spring ek nou gou weer hier in met nog 'n vraag.

Is daar baie vleis skade met die 150gr Barnes in die 7mm Rem? 

[VdWalt]

Myne is almal nog op 2mm vanaf die eerste koe?ls se aanbeveling.

Is die 2mm vanaf lands, of 2mm meer as dit wat hulle aanbeveel? (Lang Maandag!!)

[Vlakvark]

Wouter en Tripod

Ek het dit ook soos Tripod dat jy maar met die TTSX en TSX tot voor kan gaan. Maar dit wat julle hier se het ek die naweek gesien ek het so ruk terug vir my .300 sommer net vinnig so 20 rontes aanmekaar gesit. Net om te gaan skiet en spoed te vat om met QL te kan begin ek het geen TPL of iets gevat nie net my Kruit se boekkie gekyk dat ek in specs is. Koeel geseat dat hy pas en dit gaan skiet.Kry so 3/4" groep Toe ek meet na die tyd was ek so 1.5 mm weg Ek het QL gekalibreer en stel TPL op .03mm en gaan skiet. 2 groepe van 5 eerste groep 1 en 1/4" Tweede groep 1 en 1/2" ek was baie teleurgestel
Sommer duimsuig lading gee my 3/4" groep en hier kom ek met my QL lading op 1 en 1/2 " uit
So dankie vir die een ek sal so bietjie terug stoot op daai TPL

EK het nogal gewonder waar om te begin soek

[Vlakvark]

VdWalt
Soos ek hier vir Wouter en Tripod verstaan is dit vanaf die Lands Want Barnesaanbeveel 2mm vanaf die lands

[Vlakvark]

Ek kry tog met my 7mm08 en .270 met .03 mm mooi groepe vvanaf 3/4 tot 1'' Ek sal hulle ook so bietjie terug stoot om te kyk wat maak hulle
Het gedink ek het nou klaar geld gemors op lading ontwikkeling op hulle

[Wouter Roets]

Vlakkie

Lees weer wat ek eerstens hieroor geskryf het. Ek sal vanaand my Barnes boek naslaan om te kyk wat hulle aanbeveel met die TSX en TTSX koeels. Ek bly my verbeel dit is 1mm, maar ons ken mos almal die ou breintjie en wat ouderdom aan hom maak.

Groetnis
Wout

[Vlakvark]

Ja nee kyk ou Wouter onthou onthou ek ok nou nie meer altyd nie  So as ek nou lieg moet jy my maar verskoon maar ek gaan daai 1.5 - 2mm sprong 'n try gee want die naweek se groepe het my laat swaar trek Ek was nou geensins gelukkig nie  1 en 1/2" is nie mooi nie

[VdWalt]

Barnes praat van 0.03 duim en 0.05 duim.

[Wouter Roets]

Dankie VdWalt

So lyk my ek kan maar my afspraak by die breinspesialis kansseleer! So hulle aanbeveling is so tussen 0,75-1,25mm sprong. Vlakkie onthou die teorie van die nodeprogram. Slaan jou nodespoed en maak jou TPL korter totdat jy tevrede is met jou groepering.

Groetnis
Wout

[Wouter Roets]

Marno

Askuus jy het n vraag gevra oor vleisskade met die Barnes TSX. Barnes is bekend vir baie aanvaarbare vleisskade en ek ondervind dit in al my kalibers waarin ek Barnes gebruik ook so. Dis nou van die 7x57 en groter in my geval wat ek Barnes in gebruik. Onthou jy gaan meestal met hoe inpaksnelhede te doen kry in hierdie kombinasie so indien jy groterige bene slaan gaan jy wel vleis verloor agv vragmentasie van die bene wat sekondere projektiele maak. Geen koeel gaan jou vryspreek in die geval nie. Die koeel self dra nie sommer by tot sekondere projektiele soos met konvensionele koeels of selfs die verbeterde koeels wat bv gebond is nie. So die uiteinde is dat jy baie min vleisskade kan verwag met die gebruik van Barnes. Dit is juis een van die groot voordele met die gebruik van mono konstruksie koeels tesame met die feit dat daar nie lood neerslag in jou vleis is nie.

Groetnis
Wouter

[marno]

Baie dankie Wouter.

Dit maak 100% sin.

[Vlakvark]

Wouter wat is daai breinspesialis se tel  nommer 
Kry hom ook soos VdWalt daar op Barnes se blad

Do I seat TSX bullets .030 inch to .070 inch from the lands, starting at .050 inch off the lands, as recommended with other X-style bullets?
Yes. All-copper TSX Bullets typically give better accuracy when seated off the lands and grooves (the rifling in the barrel).

Dankie Wouter

[Chevvy SS]

1.5 tot 2.5 mm

[tripodmvr]

Hier is hy - so uit die perd se bek (Barnesbullets.com)

3. Where do I seat the Triple-Shock, Tipped TSX and MRX bullets?
Answer. We recommend seating these bullets .050? off the lands {rifling} of your rifle. This length can be determined by using a ?Stoney Point Gauge? or other methods. You do not have to seat the bullet at, or on one of the annular rings.

[tau]

Ek het by Wouter gehoor en sy aanbeveeling was spot-on.

S365
57.5 gr
150 gr TTSX koels
0.8mm jump.

Ek het vanaf 56 gr tot 58 gr x3 rondtes elk gelaai en die 57.5 gr wat Wouter aanbeveel het was die akkuraatste ook.

Skiet mooi groepe en die diere wat ek gejag het het almal om gekap.

[Chevvy SS]

Het jy darem nou klaar gehengel en werk weer?