Skietles.

[Chevvy SS]

Manne, verlede week het ek 'n vertoning gesien wat my sprakeloos gelaat het.

Ek is genooi om ietsie vir myself te skiet vir "goeie diens" gelewer oor die afgelope 18maande. Skiet toe 2 gemsbokke op so 150m, en voel heel trots. Maar my keel trek toe vir die langer skote op wilde springbokke, want die wind was meer as 30km per uur. Moes van die bakkie skiet, want dis kaal vlaktes en daar was nie 'n skietrak op die bakkie nie- net een van daardie V-sakke en 'n plank om op te sit. Ek kon glad nie 'n gemaklike posisie kry vir dooierus nie.

Na so 6 skote en 2 bokke, stop die baas en klim agterop met sy 25-06 Sandero en maak die magasyn vol met Winchester fabriekspatrone. 14 skote later en 10 bokke op 300 meter+, was ek skaam en het besluit om my guns op te hang, vir altyd. Sommige skote was sommer oor die bakkie se deur. Net kop en nekskote het my daardie besluit laat neem.

Dit was voorwaar iets om te sien in daardie wind. En hy jag nie baie nie, en s? hy kan glad nie van die bench af skiet nie.

[matewis]

Hy skiet dalk nie baie nie maar ek kan jou verseker hy en sy roer verstaan mekaar! Wys maar net weer dat jy moet weer wat werk, en daarby hou.

Maar ja dit bly indrukewekkend (en intimiderend!) om 'n man wat kan dop te hou.

[FHM]

Ja nee Chevvy SS, dit sal enige man laat nederig raak...

[Marc]

Net weer 'n bewys, PASOP VIR DIE MAN MET NET EEN ROER 

[Cornelius]

Dis indrukwekkend! Sal geniet om so iets te beleef eendag en nog meer as ek so iets eendag kan doen na jare se oefening met my eerste roer wat hopelik volgende week in sy nuwe huis staan. Wag nog net vir lisensie kaartjie.

[wannaby]

Chevve ss
Daar is nogal baie sulke manne, ek self skiet in 'n jaar baie doppe leeg meestal op die baan maar van my buurmanne asook my pa sal sonder oefen met 'n enkel skoot 'n dier dood.  My oom (70) s? my laasjaar hy het vir my 'n paar 243 doppe  aangesien hy fabrieksammunisie skiet en ek herlaai.  Ek s? toe nee dis reg ek sal dit kom haal(ek kan nogal doen met so 'n ekstra honderd of so) daar aangekom gee hy my 7 doppe van die sewe koedoes wat hy geskiet het.

Ek troos my maar daaraan dat party mense net bloot goeie jagters is want hierdie einste oom het in sy army kampe ook maar sleg gevaar op die teikens maar as 'n bok staan val hy.

Groete Wannaby

[GERT vd M]

Chevy,
          Se my net een ding: waar het jy daai gewere opgehang, sodat ek dit kan gaan haal
          Aan die anderkant weer, ek ken mense wat ook so kan skiet op 300 tree maar as n groot koedoe bul hier op 25 tree
voor hom inloop dan kry hy die wilde ritteltits( familie van bokkoors , net erger )
                          Groetnis
                            Gert