300WSM Jag kombinasies

Apie · Post by **Apie** » Sun Sep 10, 2023 9:29 am

Môre Manne!

Ope vraag aan 300WSM eienaars en fanatikuste.

Watse punt skiet julle vir jag.

Ek weet ons is almal BC verskrik maar ek hou van harde betroubare punte as ek jag.

Onlangs uit nood ‘n gekwesde wildebees help platskiet met my 9.3( nou nie die beste bakkie geweer nie) en net weer besef as die bok se adrenalien pomp jou 6.5 en 243 met EldX’e op die blad nie dieselfde uitwerking het as ‘n 286gr Norma Oryxe nie.

Dus

Die Scenario

Plaas is ‘n kombinasie van operige bosveld met oop vlaktes tussen in.
Skoot afstand kan enigeiets wees van 50-400meter.

Jy kry die oproep :

‘Kom ons ry gou vanmiddag saam my ‘n draai met die bakkie dalk kry ons daai troppie wildebeeste….’

Jy gryp jou 300WSM

Watse punte skiet ons??

Sent from my iPhone using Tapatalk

Capt. Yoda · Post by **Capt. Yoda** » Sun Sep 10, 2023 10:29 am

Rudie se 180s, daai WSM behoort darem genoeg spoed te he laat daai koel nog mooi werk op 400m.

Diesel Dog · Post by **Diesel Dog** » Sun Sep 10, 2023 11:17 am

Een van my jag maats skiet 165 Acubonds met sy 300WSM vir lyfskote ,elande, blou wildebees en gemsbok en 168 AMAX vir kop skote op springbok en blesbok.

DD

Vloot · Post by **Vloot** » Sun Sep 10, 2023 11:41 am

More Apie,

300WM se performance is seker n naby genoeg om my 2c bytevoeg.

My subjectiewe keuses vir jou applikasie.

#1 Frontier Spartan 180gr HPBT
#2 Balistix 175gr HunTac

Frontier is my standaard jag lading vir alles teen 2950vps uit my 300WM en daar is niks wat hy sleg doen nie. Maar Frontier het hulle self uit die mark ge prys en nou sukkel ek om in die hande te kry. Hulle is duurder as Peregrine se VLR4 ekwivalent

Dus skuif ek oor Balistix toe met 30% voordeel op prys vs Peregrine. Onder R10/punt as jy bulk koop 500 plus. Akkuraat heid is beter as Frontier uit my 300WM.
Terminale effek uit my 308 met 155gr HunTac is uitstekend.

Ek hoop dit is vir jou n handige data punt.

Groete
Vloot

Jaco v Zyl · Post by **Jaco v Zyl** » Sun Sep 10, 2023 2:47 pm

Ek het besluit op 180ge nosler bt hunting teen 2830

Monster · Post by **Monster** » Sun Sep 10, 2023 7:32 pm

Ek skiet 180gr maar gebruik iets wat of bonded of mono metaal is. Daai 300wsm is maar nes 'n winmag as koel nie sterk is nie breek dit op en jy gaan op 'n plaas toer.

Riaan Kriel · Post by **Riaan Kriel** » Mon Sep 11, 2023 10:10 am

Tikka 300WSM gelaai met 66.8gr VV N165 en Norma Bondstrike 180gr koeëls. Die gee so 2830fps wat dodelik was op 'n koedoe en 'n swartwildebees die jaar.

Apie · Post by **Apie** » Mon Sep 11, 2023 10:38 pm

Riaan Kriel wrote:Tikka 300WSM gelaai met 66.8gr VV N165 en Norma Bondstrike 180gr koeëls. Die gee so 2830fps wat dodelik was op 'n koedoe en 'n swartwildebees die jaar.

Myne ook ‘n Tikka!

23.75duim loop so nou nie ‘n 30duim custom bedryf nie.

Ek het goeie sukses mer die Bondstrike in my 6.5 gehad maar hulle neig vir my amper na die sagter kant toe as ek die spoed van die 300 in ag neem. Hoe maak hulle in die 30 kaliber?

Watse spoed sal mens die 180gr SBC van Rudi teen kan gooi met hierdie kortgat?

Sent from my iPhone using Tapatalk

Capt. Yoda · Post by **Capt. Yoda** » Tue Sep 12, 2023 7:46 am

Apie wrote: Mon Sep 11, 2023 10:38 pm
Riaan Kriel wrote:Tikka 300WSM gelaai met 66.8gr VV N165 en Norma Bondstrike 180gr koeëls. Die gee so 2830fps wat dodelik was op 'n koedoe en 'n swartwildebees die jaar.
Myne ook ‘n Tikka!

23.75duim loop so nou nie ‘n 30duim custom bedryf nie.

Ek het goeie sukses mer die Bondstrike in my 6.5 gehad maar hulle neig vir my amper na die sagter kant toe as ek die spoed van die 300 in ag neem. Hoe maak hulle in die 30 kaliber?

Watse spoed sal mens die 180gr SBC van Rudi teen kan gooi met hierdie kortgat?

Sent from my iPhone using Tapatalk

Sal hulle gemaklik teen 2800fps kan skiet net soos Riaan met N160 of N165, met n bq warmer kruit soos N560 sal jy by 2900fps kom as jy regtig wou

Boogjagter · Post by **Boogjagter** » Wed Sep 13, 2023 7:34 am

Ek skiet n Savage Model 12 in 300wsm.

Ek het aanvanklik 210 berger VLD lr geskiet vir jag en teiken teen gem 2800f/s. Het 400 koeëls uitgeskiet waarvan 12 op wild (meesal blesbokke en twee koedoebulle) en geen probleme ondervind nie.

Toe 180gr Sierra game kings gelaai teen 3030fps. Ek jag hoofsaaklik met dit en het al ses elande op die blad geskiet, met geen probleme. Meer ar 20 gemsbokke, waarvan meerderheid bladskote was, en ook geen probleme. Ses koedoes waarvan drie bladskote op grooterige bulle was en ook geen probleme nie. Ek het nog 20 van daai koeëls om uit te skiet dan gaan ek Berger 180gr Elite Hunters begin laai, want ek kon nie iets anders in 180gr kry nie. Sal hier terugvoer gee as ek met hul begin skiet.

Monster · Post by **Monster** » Wed Sep 13, 2023 10:55 am

Skiet 180gr Swift scirrocos teen 3050ft/s (28") loop. Slaan hard en het net een perfekte omgeklinkte koel uit BWB uit gehaal 2" voor die stert na 'n bors skoot op 40m. Die res het die bokke mooi geval maar koel is deur

ruaanb · Post by **ruaanb** » Wed Sep 13, 2023 1:19 pm

200gr Kriek mono teen 2750 is my 1ste keuse tot op 400m. Paar bokke het geval met die kombinasie.

Ek het ook 178gr en 208gr eld-m mee gejag al maar daai bokke moet kopskote kry of vêr staan.

200gr eldx het gesorg vir my klong se koedoebul.

200gr Sierra Matchking of Gameking ook mooi geloop.

Ek hou van n swaar koeël teen so 2750.

JARACAL