CZ550 elevasie probleem

[Philip_L]

Ek het onlangs n nuwe CZ550 gekry, maar sukkel nou om die teleskoop ingestel te kry.

Ek het Warne Medium ringe gekoop en het n Z3 3-9x36 teleskoop.
Wanneer ek die teleskoop opsit het ek nie genoeg elevasie om op te stel om geweer te bore sight nie. Met elevasie tot bo gestel skiet geweer steeds 2duim laag op 25m.

Ek het gedink dat daar fout met teleskoop is of dalk die ringe en teruggestuur na SO in Stellenbosch saam met die ringe. Hulle het dit daar op n ander CZ550 gesit en teleskoop boresight mooi wanneer hy gesenter is.

Wag nou vir scope om terug te kom voor ek verder stoei.
Nou lees ek op n paar plekke van ander mense wat daarmee sukkel of gesukkel het met die CZ550’s. Blykbaar n probleem met toleransies op die aksie se basisse (dovetails).

Het enige iemand dit al ervaar en wat was die oplossing?

[Alwin]

Ek het onlangs 'n Brno ZKK601 gesien wat se swaelsterte heel skeef gesny is. Die teleskoop wys 'n hele paar grade na regs. Waarskynlik is die masjinering op 'n Maandag na 'n langnaweek gedoen.

Siende dat die CZ550 die opvolger van die b.g. is, is dit moontlik dat dieselfde freesmasjienoperateur steeds daar werk. Ek dink hy drink saam met die blinde ou wat die "inletting" op die kolwe doen.

Jy sal moet ringe en basisse kry wat verstel of ge-"shim" kan word om die elevasie reg te kry. Daar is 'n paar make wat dit kan doen, of iemand kan dalk vir jou 'n pasmaak montering vervaardig.

[Johan van Wyk]

Die CZ, net soos die Brno, is 'n sogenaamde investment casting, maw gegiet. Die probleem kom in as die gietstuk in die eerste plek nie reg gemaak is nie. Ek het hierdie probleem al meermale gesien maar hoofsaaklik met die ZKK's. Jy gaan moet laat timmer aan die monterings om jou probleem op te los.

[DWB]

Jip, ongelukkig kry mens dit. Die loop dit basies skeef op die aksie...

[Lategan1]

Raar maar waar, dalk meer kere waar as wat ons besef.

Jy kry soortgelyk op Sako gewere. Moes my nuwe Leupold Sako ‘ringmounts’ vervang met Sako Optilocks om probleem reg te stel.

Google het my probleem ook bevestig. Jammerlik ook eers na gesukkel, Philip.

Verder, ek nie tegniese kenner nie. Het ook stel Warne ringe. My vermoede is dat hulle ook nie gaan help om die probleem te oorkom nie. Split is vertikaal, nie horisontaal nie.

Beste.

[Philip_L]

Ek gaan kyk of ek gelukkig is en die probleem opgelos kry met ander ringe, maar anders gaan die maklikste seker wees om n 20MOA picatinny rail op te sit wat my ekstra hoogte sal gee.
Die ander alternatief is n teleskoop met meer elevasie verstelling, maar ek hou nie van die idee van n teleskoop wat so naby sy maks gestel is nie en dit is n groot uitgawe om iets te vervang wat eintlik reg werk.

[Smith223]

Ek gaan kyk of ek gelukkig is en die probleem opgelos kry met ander ringe, maar anders gaan die maklikste seker wees om n 20MOA picatinny rail op te sit wat my ekstra hoogte sal gee.
Die ander alternatief is n teleskoop met meer elevasie verstelling, maar ek hou nie van die idee van n teleskoop wat so naby sy maks gestel is nie en dit is n groot uitgawe om iets te vervang wat eintlik reg werk.

Philip, plaas foto’s van jou geweer met ringe op asseblief.
Ek het moontlik ‘n goedkoop oplossing wat jy self kan implementeer.

[Philip_L]

Ek het ongelukkig net hierdie twee fotos op die oomblik.

[Philip_L]

Kan mens n klein spacer/shim onder die agterste mount insit? Hy sal dik genoeg moet wees om n verskil op elevasie te maak, maar dun genoeg dat mount steeds genoeg vleis het om vas te trek.

[Smith223]

Kan mens n klein spacer/shim onder die agterste mount insit? Hy sal dik genoeg moet wees om n verskil op elevasie te maak, maar dun genoeg dat mount steeds genoeg vleis het om vas te trek.

Dit is presies wat ek gedink het. Ek het gehoop jy het stud-tipe mounts want hulle is self-aligning. En sal nie ‘n buig moment op scope sit as jy agter shim nie.
As die mounts 120mm uitmekaar is, sal 0.35mm shim bo-op die agterste dovetail jou [glow]10MOA[/glow] gee.
As jy ‘n coke blikkiebmet skêr sny vir shims en 4 van die shims bo-op mekaar plaas is dit ongeveer 0.36mm.
Edit: MOA fout gekorrigeer

[Capt. Yoda]

Kan mens n klein spacer/shim onder die agterste mount insit? Hy sal dik genoeg moet wees om n verskil op elevasie te maak, maar dun genoeg dat mount steeds genoeg vleis het om vas te trek.

Sny n bank kaart en sit hom agter in die mount (jy kan dalk bq sukkel met daai ringe wat so skeef vas maak). Ja ek het ook die CZ wat uit elevasie uit hardloop Tshirt

[tripodmvr]

@Smith223

My se trig berekeninge dui op slegs 10MOA vir 'n .35mm verhoging?

[Smith223]

@Smith223

My se trig berekeninge dui op slegs 10MOA vir 'n .35mm verhoging?

Oom is Korrek.

[Heinz Petersen]

Om shim's onder die ringe te sit is nie n kortpad nie. Jy gaan vir jouself probleme veroorsaak. Die ringe gaan nie reg op die aksie vas trek nie en
met recoil gaan jou scope loskom. Sit vir jou n 20moa rail op.

[Malan123]

Ek neig om saam Hein te stem hier. Goedkoop koop is duur koop. Ek sal altyd in die veld worry oor shims...

[Alwin]

Kan mens n klein spacer/shim onder die agterste mount insit? Hy sal dik genoeg moet wees om n verskil op elevasie te maak, maar dun genoeg dat mount steeds genoeg vleis het om vas te trek.

Jy sou kon op ander monterings, maar hierdie tipe het nie plek daarvoor nie. As jy dit tussen die aksie en ringe insit, dan trek die swaelstert die hele ring skeef. Tussen ring en teleskoop pyp is daar geen spasie om op te vul op vertikaal gesplete ringe nie.

Die oplossing is 'n 30 (of meer) MOA basis. As jou teleskoop 60 MOA 'n elevasiestrek het, sal 'n 30 MOA basis jou mooi netjies tot in die middel van die strek bring. Dalk het jy selfs meer nodig.

Verskeie vervaardigers het ringe met eksentriese insetsels beskikbaar. Jy kan selfs die agterste ring boontoe "offset" en die voorste ene ondertoe.

[Philip_L]

Dankie almal.
Kry vandag scope terug dan gaan ek net nog 1 keer mount en doodseker maak alles is op die regte plek. As hy steeds laag is gaan ek maar n 20MOA rail try en kyk wat maak hy.

[Philip_L]

So kry ek gister die teleskoop terug en sit hom sommer gou self op. Kyk hom met die oog so deur die loop na n bordjie in die buurman se erf en dit lyk vir my of teleskoop dan op selfde plek wys.
Vat hom gou na die plaaslike geweerwinkel om te check op die boresight en hulle se hy lyk reg.
Vanoggend gaan skiet en hy stel mooi in op 100m met elevasie te spaar…
Skiet 3 x 3 skoot groeperings en hy hou sy zero baie mooi.

Ek weet wraggies nie wat fout was die eerste rondte dat ek, geweersmid en gunshop nie n fout kon sien nie, maar nou is hy reg?! Dalk het die koeriers die scope net reg laat val dat hy nou reguit buig!

Baie verlee omdat ek so gesukkel het met n ding wat eintlik reg was en jul tyd gevat het om te help, maar bly ek het nie nou daai 20 MOA rail by my wat ek gister so amper amper bestel het nie……

Dankie vir almal se raad. Dalk help die draad iemand vorentoe wat n soortgelyke probleem het om net eers weer te double check…..

[J le Roux]

Lyk my gewere is maar soos vrouenmense.

Partykeer is hulle moeilk sonder rede en dan skielik is als sommer netso maanskyn en rose.

[Alwin]

So kry ek gister die teleskoop terug en sit hom sommer gou self op. Kyk hom met die oog so deur die loop na n bordjie in die buurman se erf en dit lyk vir my of teleskoop dan op selfde plek wys.
Vat hom gou na die plaaslike geweerwinkel om te check op die boresight en hulle se hy lyk reg.
Vanoggend gaan skiet en hy stel mooi in op 100m met elevasie te spaar…
Skiet 3 x 3 skoot groeperings en hy hou sy zero baie mooi.

Ek weet wraggies nie wat fout was die eerste rondte dat ek, geweersmid en gunshop nie n fout kon sien nie, maar nou is hy reg?! Dalk het die koeriers die scope net reg laat val dat hy nou reguit buig!

Baie verlee omdat ek so gesukkel het met n ding wat eintlik reg was en jul tyd gevat het om te help, maar bly ek het nie nou daai 20 MOA rail by my wat ek gister so amper amper bestel het nie……

Dankie vir almal se raad. Dalk help die draad iemand vorentoe wat n soortgelyke probleem het om net eers weer te double check…..

Daai Warne ringe sit meer druk op die teleskoop se pyp as enige ander tipe. Dit is dus baie maklik om die teleskoop se pyp in te duik en dus die binnegoed te affekteer, as jy dieselfde wringkrag op die skroewe sit as met gewone horisontaal-gesplete ringe. Maak seker jy draai die boonste skroewe nie te styf nie. Ek sou sê om veilig te wees, gebruik die kort hefboom van die Allen sleutel. Ek gebruik self so 'n stel Warne's.

[Gawie(13mm)]

Net aanvullend tot wat Alwin hierbo sê.

Moet nooit jou telskoop gebruik om jou ringe "reguit" op die aksie te monteer nie, veral nie met die Warne ringe nie. Gebruik maar altyd 'n vlekvrye staal staaf met die korrekte deursnee om die ringe op te lyn en in te bed indien nodig. Ek gebruik self Warne ringe op my een roer en hy loop mooi.