Wildsbiltong: nat, klam, droog of poeierdroog?

[Ds J]

Goeiemôre Jaracal,
n Vinnige vragie voor ons verder skarrel met die dag se werk:
Hoe verkies julle wildsbiltong:
Nat soos lekker beesbiltong?
Klam met n goeie droë randjie?
Droog of selfs poeierdroog?

Ons het dit gewoonlik klammerig geëet totdat ons op Stella begin werk het. Hier verdroog dit weens die klimaat. Ons het gewoonlik n klompie stukkies in n bakkie op die rak gelos vir peuselhappies vir die kinders, maar dit word dan so droog dat ek dit vir hulle fyn gestamp het soos ma en ouma vertel het. Tot ons verbasing: die poeierdroë biltong is regtig geurig!

Hoe maak julle daarmee?

[knipmes]

As jy van droe biltong hou kerf dit in klein stukkies en plaas dit (net n klein bietjie op n slag) in n koffie meule. Dit verander in "biltong wol" wat heerlik is op vars brood en botter. Pasop net vir te groot stukke. Die meule kan breek.

[Johan Nel]

Klam met 'n goeie droë rand.

[Ratel]

Effens klam. Ek kerf dit klam en vakuum verpak in vrieskas. Maar n droë stuk biltong wat fyn gestamp is is baie lekker met regte sout botter

[tripodmvr]

Snuifdroog. Nou hoef jy nie te kerf nie, maar breek dit. Die smaak kom dan rerig na vore.

[OosKaapJagter]

Verkieslik klam met 'n droë randjie, maar dit is wekom tot op die kurkdroë fase.

Die slegste biltong is wanneer jy die kaste en vrieskaste oopmaak en vind dit is klaar!

[Willem Grobler]

Kurkdroog met d hammer gekneus binne-in n ou banksak spesiaal vir dié werkie. Maar dit moet dan erêns spesiaal geeet word soos bv in d wildtuin of so..

[Methos]

Hang af watse biltong sou ek sê - bees biltong kan bietjie klammer wees - wild bilong - veral springbok biltong kan baie droër wees.

[Capt. Yoda]

Soos meeste goeie goed moet hy ma bq nat wees

[Viking]

Sny dikkerige snye "whole wheat" brood - nie die "dumpie" nie. Verwyder die kors en sny dit in byt grootte blokkies (amper soos ordentlike nagmaal brood blokkies).
Meng marmite met botter na smaak en smeer die blokkies reg rondom - doop dan die blokkies se gesmeerde kante in poeierdroog wildsbiltong....as jy nie genoeg maak nie, mag jy dalk nie kry nie!

[Ds J]

Sny dikkerige snye "whole wheat" brood - nie die "dumpie" nie. Verwyder die kors en sny dit in byt grootte blokkies (amper soos ordentlike nagmaal brood blokkies).
Meng marmite met botter na smaak en smeer die blokkies reg rondom - doop dan die blokkies se gesmeerde kante in poeierdroog wildsbiltong....as jy nie genoeg maak nie, mag jy dalk nie kry nie!

Bwahahahaha!

Baie netjies!

[Vergo10]

Springbok (met n lagie vet), volstruis en gemsbok is vir my maar net lekker as dit droog is. Die res, veral kudu en eland effens klam met 'n droe randjie