Planne vir Ratels??

[Francois Hugo]

Goeie dag alle ou probleem dier probleem oplossers!!

Hoop almal is nog gevrywaar van die Corona virus en bly gesond!!

Hier teen die Weskus op is die Ratels redelik volop, man hoor gereeld van manne wat probleme met hulle optel.

Volgens wat ek verstaan is dit die borsbeen en vet daarom asook die kakebeen saam met die uiers en ongebore lammers wat gevreet word.

Die manne stel maar diep sterk hokke en self ysters om hulle te bekamp. Een man hier by ons praat nou van omtrent 20 ooie wat net die afgelope twee maande by hom op die manier van kant gemaak is!!

Dit bring my by die vraag die manne kan redelik in die sand spoor sny en kry gereeld die leplekke meestal gate soos ek verstaan en stel dan hokke en ysters.

Die man wat so baie ooie al verloor het het nou met een te doen wat rondom ysters en hokke beweeg, het een van julle dalk 'n plan wat man kan maak om 'n ander metode te probeer om van hulle ontslae te raak?

Sal bly wees as iemand raad het, sodat ek dit aan hom kan oorhaal. Met die droogte, het die arme veeboere hier rond nie nog sulke moeilikheid ook nog nodig nie!!!


Groete uit die Namakwaland!!

Dankie

Francois Hugo

[Eduard Venter]

Ek is nie 'n kenner op ratel beheer nie maar hier is 'n paar gedagtes:

1. As jy 'n ratel in hok vang, stel nog 'n hok direk langsaan en hou ratel nommer een lewendig. Ek het geen idee of dit sal werk nie maar dit blyk te werk by rooikat se kind. Ek vang gereeld ratels in my hokke met karkasse of pense in maar ek laat hulle gaan aangesien hulle nie skade maak nie.

2. Trail kameras by watergate, paadjies of waar ook al hulle beweeg. Selfs 'n voerplek maak met trail kameras en dan gaan voorsit.

3. Ek vermoed dit gaan nie moontlik wees nie, maar indien jy 'n permit kan kry om gif te gebruik dan is Peter S die man om mee te praat.

Ek is nie bekend met julle wêreld se wette en reëls nie, so maak maar seker voor julle enige dodelike metodes gebruik.

Sterkte!


Sent from my SM-A520F using Tapatalk

[BenJacobs]

Oom, wat vir my al gewerk het hier in die Wes-Kaap is om die hok met een of ander ystervark oorblyfsels te stel. Ons het so ruk terug so 20 lammers en 2 ooie verloor. Ek het toe die hok gestel met 'n baba uistervark (wat die hok se deur doodgeval het. So 2dae na dit toe vang ek 2 ratels saam in die een hok. Op 'n ander geleentheid het ek 'n vark geslaan en bo-op die hok gegooi en so ook 'n ratel gekry.
Groete Ben

[Francois Hugo]

Dankie Manne vir die terugvoering,

Dit lyk my of die hok plan maar die antwoord is, die probleem is net die man het dit al probeer met suksus, maar dit klink daar is een wat soos 'n slim jakkals is en nie vir hom in hok of yster laat vang nie.


Groete uit die Namakwaland

Francois Hugo

[naas222]

wat van as jy n ander een se urine en mis in hok sit.. hulle is seker ook maar gebieds gebonde...

[BenJacobs]

Ek het met ons buurman gepraat oom. Hulle het ook 'n ruk nou gesukkel. Hy het van April se begin tot nou toe, 2 ratels en 4 katte geskiet. Hy sê wat vir hom gewerk het, is sodra hy 'n vars vangs kry. Ry hy die aand vroeg, hy praat van half 7. Hy roep niks. Hy ry net in die omgewing waar hy vang. Dit het vir hom sover gewerk. Dalk die probeer werd.
Groete Ben

[Francois Hugo]

Dankie Julle,

Sal die raad vir die man aanstuur, beide raad klink amper soos raad wat vir rooikat werk!

Die maklikste is seker maar die gaan sit by die vangs, die uriene metode sal verg dat man een in die hande moet kry en indien lewendig probeer hou. Ek onthou 'n clip wat ek iewers gesien het van hoe slim so ratel is en hoe hy kan improviseer, om uit 'n omboude muur kampie te kom.

Ek dink dis hoekom die man nie die ratel in die hokke en ysters gevang kry nie, omrede hy dalk al met beide te doen gekry het.


Groete uit die Namakwaland

Francois

[Jackalsniper]

Ek het al heelwat ratels sien inkom na roeper met hasie distress klanke. Hadida saam skaapvet werk ook as lokaas in n hok.
Maak seker hok is goed geanker en sy hek sluit. As jy n ratel vang kom sy tjommie baie keer en probeer help om hom uit te grawe van buite die hok.
Dit lyk letterlik of jy n hak ploeg onder daai hok deurgesleep het as hulle klaar is. Ek sukkel met hulle met my bye kaste, alles moet op 700mm
stands vasgebind staan anders gooi hulle die kaste om. Hulle is regtig vervuil hier in die Suid Kaap en baie ver van uitgesterf of bedreig.

[Francois Hugo]

Dankie vir hierdie raad Jakkals sniper,

Die een kan ek hom mee gaan help!!

Groete uit die Namakwaland se Weskus

Francois Hugo