Bees jag

[knipmes]

Noudat ek baie tyd het om oor jag dinge te dink:
Sal graag wil hoor oor ander se ondervindinge waar beeste wat wild geword het gejag is

[DWB]

Hulle was nou nie wild nie, maar ek het op ñ stadium gehelp om ñ paar te skiet wat by ñ abbatoir uitgebreek het. Paar van hulle was in vol charge en een op my pel se agterent soos hy hom jaag, was pret! So knorrige bees vat nie nonsens nie

[OosKaapJagter]

Ongelukkig kon ek nie deel in hierdie pret nie, maar moet staatmaak op oorlewering. My oorlede skoonpa het vertel van 'n buurplaas met Brahmane wat deur 'n swart buurvrou gekoop is. Die dag toe sy die Brahmane wou verkoop, vind hulle toe die Brahmane het vas geglo hulle is elande. Die plaas is ook bergagtig, so die boere wat gaan help jag het, het 'n behoorlike jagondervinding gehad.
Die snaaksste deel was die een ou wat sy 375 wou toets, want hy wou nog 'n buffel gaan skiet. Swak skootplasing by so wilde bees het dieselfde effek as op 'n wilde dier. Soos ek verstaan het, het die bees nie eintlik gehardloop na die eerste skoot nie, maar telkemale opgestaan na elke skoot. Die man was so ontnugter dat hy toe nooit sy buffel gaan skiet het nie.

[Alberts]

Toe ek nou Bees jag lees het daar goeie herineringe by my op gekom.

Ek het al twee gejag, as daai Bees eers mooi wild geword het is hy wilder as 'n wildsbok.

Dit was van my beste stap jagte gewees. Een moes ek die boer se. 303 gebruik. En die ander een kon ek met my Pa se 9,3X62 uithaal. Ek onthou nog daai ewig durende tydperk van dat die skoot geklap het tot hy sy teiken tref op sy kop..

Sent from my ELE-L09 using Tapatalk

[knipmes]

Ja! Beeste soos ander diere byv honde, openbaar soms eienaardige gedrag. Ons het eenkeer moes help om beeste van een kamp na n ander te skuif. Ons het ente uitmekaar in n ry gestaan naby n hek waar die beeste ingejaag moes word. Dit was veld beeste wat nie aldag hanteer is nie en die een koei het een van die manne Louis, elke keer uitgesoek en hom gejaag Sy het haar nie aan die ander manne gesteur nie. Behalwe van n paar keer oor bosse val ens, is Louis darem nie beseer nie. Ook lekker gelag oor hoe rats n man kan word as hy moet!

[RevA]

As jou skoot plasing nie baie goed op 'n kopskoot is, of jou punte nie genoeg penetreer nie, kan hulle nogal kwaai raak...

Hanteer dit soos buffel jag.

[Pvdw]

Noudat ek baie tyd het om oor jag dinge te dink:
Sal graag wil hoor oor ander se ondervindinge waar beeste wat wild geword het gejag is

Knipmes op die einste forum was daar so paar jaar terug groot beesjag in die Vrystaat gewees. Die manne het groot gegaan en sommige het dit baie geniet maar ander manne het bietjie sleg daarvan afgekom a.g.v logistieke wat nie reg was nie.

Kort antwoord is ja, jy kan bees jag. Hulle word wilder as wat enige bok kan word.

[JPS]

soos Peet se het paar manne paar jaar terug hoer op forum dit gedoen.

dink amper Junglejulian het dit frreel daai tyd. kan dalk verkeerd wees.

almal wat dit gedoen het sover ek kan onthou het dit geniet soos jag van bokke.

[Geno]

Stan Man het dit gereel destyds

viewtopic.php?f=93&t=30159

[Dewitt]

Ons het hier in Williston op 'n plaas vir so 2 jaar agter mekaar Nguni's gejag wat wild geword het in die berge. Dit was maar voorsit met werkers wat hul in ons rigting druk. Hulle het nooit gestaan en moes maar in die hardloop geskiet word. Die grootste probleem was om hul uit daai klippe te dra na die skiet. Daar het seker so 2 of 3 oorgebly, maar hul het nou tydens die droogte gevrek, so ons beesjag is ook toe op 'n end.