Invoer van vuurwapen

[Fafa]

Hi manne

Ek het 'n wapen gesien wat te koop is in Amerika. Die wapen word nie meer vervaardig nie, so ek kan hom nie hier in SA aanskaf nie.

Die beste wat ek al tot nou toe kon opspoor is die raad hier: https://www.southafrica-newyork.net/con ... 0arms.html

Het iemand al so wapen van tevore ingevoer?

[Ds J]

Werk deur/saam met n invoerder. As privaatpersoon is dit basies onmoontlik.

[470rigby]

Jy moet 'n invoerpermit by SAPS kry, en dit dan vir die verkoper stuur, wat dan weer in die VSA 'n uitvoerpermit moet kry. Dan kan die verkoper dit stuur.

[Fafa]

Dankie vir die terugvoer manne.

Rigby, gaan ek net na my DFO toe en vra hom vir die vorms?

[470rigby]

Yip, SAPS 520, en dieselfde motiverings asof jy vir lisensie aansoek doen, en R140.
Die wet stipuleer dat die invoerpermit so goed soos 'n lisensie is terwyl dit geldig is, so teoreties hoef jy dan nie jou lisensieaansoek weer te motiveer nie (maar die DFOs sien dit nie altyd so nie…)
Ook, niks verhinder jou om vir die lisensie aansoek te doen net na jy die invoerpermit gekry het nie (dit staan nie in die wet dat die wapen in SA moet wees wanneer jy die SAPS 271 indien nie.
Les bes, die invoerpermit vat gewoonlik net so 3 weke, mits jou motivering nie lekplekke het nie

[Johan van Wyk]

Vind dalk ook net eers uit wat presies die ander kant vereis in terme van papierwerk. `n Vriend van my is tans besig om twee wapens uit Duitsland in te voer en hulle soek allerhande snaakse verklarings en soortgelyke papiere by hom om dinge te finaliseer.

[Fafa]

Dis uitstekende raad en baie helpvol, dankie manne!