7x57 Mannlicher Schönauer

[joe rocket]

Bogenoemde geweer gaan moontlik in die mark kom. Wat sal 'n regverdige prys wees om te betaal? Die roer het nog nie 30 skote deur die loop nie en kom nog met twee pakkies Kynoch patrone.

[joe rocket]

Nog kiekkies.

[Jake1]

Sal ook wil weet ek volg die draad

[Flip Nel]

Dis baie mooi

[Johan Nel]

Ek vermoed nie daar is 'n eenvoudige antwoord nie. Die toestand van die geweer sal waarskynlik die bepalende faktor wees. Ek sien van tyd tot tyd dat van hierdie gewere geadverteer word vir tussen sewe en nege duisend rand. As hierdie geweer wat jy na verwys in 'n werklik ongeskonde toestand is, kan dit dalk bietjie meer wees. Ek is egter geen kenner nie. Ek maak bloot my stelling gebaseer op my eie waarnemings.
En dan is daar outjies soos hierdie:
http://www.classicarms.co.za/default.ph ... &ipkCat=38

[Johan van Wyk]

Die slegte nuus is dat die metaal tot die dood toe gepoleer is voordat dit oorgeblou is met die warm-blou metode. Alles blink soos `n bottel. Gedurende die era waaruit hierdie geweer afkomstig is het meeste van die Schoenauers ook met ongebloude slotte uit die fabriek gekom. Ek kan nie mooi sien of die hout ook oorgedoen is nie maar dit lyk so.

Genadiglik het niemand gate deur die aksie geboor om `n teleskoop te probeer monteer nie.

In my beskeie opinie is die geweer se versamelaarswaarde geheel en al vernietig (dit is amper altyd ongelukkig die geval as iemand besluit om fabrieksgewere soos hierdie bietjie te laat "opknap" by die plaaslike geweersmid). Uiteraard het dit `n negatiewe impak op waarde ook. Hierdie roer is dalk eerder `n kandidaat vir die man op soek na `n jaggeweer wat nie te veel gepla is oor versamelaarswaarde nie.

[joe rocket]

Dankie vir almal sê insette so ver. Hier is nog n paar fotos. Is die model 1952 GK?

[joe rocket]

.

[Johan van Wyk]

Lyk soos `n GK, ja.