CMH Super Sling - Toerusting oorsig vir veldskiet

[Carel Maritz]

Dagsê mede skuts,

Ek deel graag met julle my ondervinding met CMH se nuwe Super Sling. Hier is heelwat bande onder die veldskiet manne in gebruik vandag. Enkeles van hulle bring werklik iets nuut tot die sport, ek dink wel dat Herme’e by CMH dit wel reggekry het.
Ek gebruik n band ondermeer wanneer ons by n baan moet vryhand lê en skiet. Ons sit baie tyd en energie in die vooraf bepaling op verstellings sodat jy weet waarop om jou band te stel om n gemaklike skiethouding te kan inneem wanneer die aflos begin. Gewoonlik doen ons dit op n skietbaan waar alles mooi gelyk is, dan ruk die organiseerders n haas uit die hoed en stel bv n baan op waar jy teen n taamlike opwaardse helling moet skiet, onderandere by hierdie jaar se Wereldskiet in Windhoek was daar so n gong baan. Julle kan glo dat jou verstellings dan heeltemal anders is en die meerderheid van die bande dit nie dan sommer net toelaat dat jy vinnige veranderings kan maak nie. In die aard vd saak kom jy eers agter daar is n fout wanneer jy gaan lê het en die fluitjie&tyd alreeds begin het.

Hier treë die Super Sling dan in, tussen jou voorste hand, en die lus waarin jou arm kom is n tiepe tie-down strap se gespe. Die idée is dat sou jy meer hoogte benodig jy die band deur middel van die gespe korter maak, so ook indien jy minder benodig of n laer houding wil inneem kan jy deur middel van die gespe skiet gee om die band langer te maak. Die konsep werk!

Met my staan en skiet gebruik ek ook n band en met die gespe kan ek lekker in my band inklim terwyl hy verslap/lekker lank is, wat baie eenvoudiger is as die ander waarmee ek al tedoen gehad het, dan trek ek eenvoudig die gespe om die band genoegsaam te verkort sodat ek gemaklik staan.

Herme’e is ook oop vir spesiale versoeke, die oorspronklike band trek soos n glytou om jou arm vas. Ek lê baie hard in op my band en dus trek daai lus al stywer. Herme het vir my n stopper gemaak wat ek dan insit waar ek goed dink (ekt hom al geskuif ook, baie eenvoudig), sodat daai lus nie bly stywer trek nie. Ek glo hy sal dit vir enige iemand doen. So ook hou ek daarvan om my voorste hand in n lust te sit, in plaas van tussen my band en my geweer, soos vrooer genoem lê ek baie hard in en as my hand in n lus is is die spanning in die band, sodra ek my hand tussen die geweer en die band het trek ek my geweer af en kry ek lae skote. Dit ook het Herme vir my verander deur n verstelbare lus aan die voorkant te sit.

Laastens, kwaliteit en naverkoopdiens, hierdie is een van die beste gemaakte bande wat ek al teë gekom het. Die komponente is van n baie hoë gehalte en is onbetwyfeld duursaam. Elke gesprek met Herme was lekker, en was altyd oop vir my voorstelle.
Doen julself n guns en kry een in die hande. Julle sal nie spyt wees nie. Indien enige iemand fotos soek wat ek bedoel sal ek met liefde dit post.
Groete!
C

[Jaco v Zyl]

Ek het ook n super sling,en is hoogs tevrede, en soos Carel se,diens van CMH is uitstekend.
Jaco

[Gideon S]

Ek stem ook heelhartig saam met Carel en Jaco.... die Supersling is 'n uitstekende produk en Herme en Rinda se diens is van die heel beste!

[CalMul]

Ek self gebruik ook een van hierdie bande, en hy werk, baie goed.
En soos genoem, die kwaliteit is regtig baie hoë gehalte.

[phb]

Hallo, Waar kan mens die Sling koop? Wat prys hulle?

[Gian_dP]

Hallo, Waar kan mens die Sling koop? Wat prys hulle?

Cmhprecision.co.za

S&O hou dit ook aan. R950 as ek reg onthou.

[PWV]

Weet julle van Piet Breed se geweerband? Doen so bietjie meer navorsing hieroor en jy gaan dalk baie minder betaal.
Baie lede het sy band. Erens op Jaracal is ook 'n demonstrasie deur Piet.