Oggendroep raad

[Karooklong]

Paar het my die ander aand lekker geantwoord op Swartrug 1 en Vossie B, maar weg beweeg.

Wil hulle moreoggend roep, sal julle ander Jakkalsroep gebruik of kos ?

Dankie

Koue groete

PJ

[Karooklong]

Ek het vanoggend ingestap en was teen 6:30 op my plek. Kon teen 7:00 goed genoeg sien en het Haas gespeel vir 1min 3/10 en na 4 min stilte Jakkalshuil. Toe antwoord hulle my agter 'n rand 900 meter weg - kon hom range. Dit was presies waar hulle my die ander aand laaste geantwoord het.

Na 15min stilte, kos met stiltes vir nog 15min toe weer Jakkalshuil - hulle het nie weer geantwoord na die eerste keer nie. Nog geroei met kos en stiltes en so teen 8:40 son toe gestap om te ontdooi.

Dit lyk my ek sal oor daai rand moet stap om hulle te kry . . .

Enige raad welkom.

Groete

PJ

[Cobus(Cobb)]

Jy gaan niks verloor om agter daai rand te gaan roep nie...gaan kyk vir stand vanmiddag sodat jy more oggend met min moeite en lawaai kan reg wees..
Ek sal weer met kos begin, dalk iets nuuskierig ook

Net my 2c....ek weet niks van Karoo vlekkie nie...

[Geno]

Ek sou daar gaan roep en Swartrug1 gooi. As hulle antwoord, wag tot hull stilbly dan gooi jy Tafjak6.
Daarna 'n haas en 'n bakleiklank.
Dis raad wat ek gekry het by SP, en dit werk lekker.

[cassie_calvinia]

stem saam met geno. antwoord hom met ietsi, selfs swartrug antwoord.
gaan roep waar hul skree. moenie dit moeilik maak nie.
na 15 min stilte sou hul ook nie geantwoord het nie. tenminste eers na 'n halfuur.
ek sal natuurlik eers kos speel, met vreet klanke in.

[Mac]

Ken nou nie julle jakkalse daar nie, maar wat vir my werk hier is net een enkel roep net voor dit lig word, as ek antwoord kry, roep ek hom weer oor 30 - 40 min, dan sit ek maar. Krieties is dat jy in die 70% area moet wees. Het een stel al 09h20 geskiet, moet nie te haastig wees vir warm koffie nie. Moet seker ook by sê dat ek nie 'n dag roep doen nie as ek nie hoë grond het waar ek in 'n westilikke rigting kan roep nie. Moet ook op die buite rand van hulle kern gebied wees.

[Pieter]

Ek is nie in die Karoo nie, maar die Boesmanland jakkalse is seker maar dieselfde, ek gee so 30min en as hul my weer antwoord van die dieselfde plek, dan gaan haal ek hulle, waar hul skree, gewoonlik waar hul wil broei, werk vir my die afgelope 6 weke, dan kos dit maar versigtig inkom en gou skiet, gaan haal die oorblywende 1, indien hy ontglip so 'n dag of 2 later, gewone manier van roep, snaaks genoeg, ek skiet meeste die dragtige tewe eerste, dan die reun, indien ek nie kan ry tot by hulle nie, wag ek maar tot 'n ander keer, ek het hul adres en as die kleintjies eers daar is.....

[Sarel]

Met al die goeie raad hoop ek jy kry hulle more oggend!!

[Karooklong]

Aan al die manne, baie dankie vir die raad.

Ek gaan maak gou 'n draai by skoonmense, miskien daar 'n oggend roep probeer die goed vreet hulle op - Steynburg Oos -Kaap, maar kan hopelik teen volgende week se einde vir julle die finale verslag gee.

Ek gaan hulle beslis in die oggend gaan probeer en so naby as moontlik aan daardie hot spot kom. O-ja en volgende week se einde behoort ek met die maan te kan in stap - veral as ek oor die rand gaan.

Vrede

PJ

[basie]

Hallo Karooklong

Wie is jou skoonmense by wie jy hier geskiet het in Steynsburg?

Mooiloop

Basie