Nuwe reel by Durbanville skietbaan

[joe rocket]

Lede wat epos gekry het weet van die nuwe reel. Wanneer jy jou geweer uit jou tas uithaal en op die skietbank plaas moet die geweer se slot verwyder word. Geen patrone mag in magasynkas wees nie en magasyne moet verwyder word. Slegs wanneer die baan gesluit is vir skiet mag jou slot in jou geweer wees. Wanneer die baan veilig is en teikens opgesit word moet jou slot verwyder word. Wanneer jy oppak en jou geweer in jou geweer tas bere mag jy jou slot weer terug plaas. Ek dink persoonlik dit is n baie goeie reel.

[alecjohnson]

Ek doen dit in elkgeval altyd. Daarom het ek geen probleem met daai reel nie.

[Boomstomp]

Het iets gebeur dat die nuwe reel ingestel is?

[joe rocket]

Ek dink nie daar het iets gebeur nie, die probleem le by besoekers wat nie die reels ken nie. Dit het al telke male gebeur wanneer die baan veilig is en jy jou teikens kan gaan omruil of toe plak dan kry jy n man wat karring aan sy teleskoop of vat aan sy geweer. Ek was al by toe die baan offisier n man 3 keer gewaarsku het op terug te staan en sy geweer uit te los. Sy verweer was dat sy slot oop is. Ek dink dit gaan die baan offisier se werk makliker maak om na al die gewere te kyk sonder slotte as met slotte wat oop is.

[Pappabeer]

Dink julle regtig dit in makliker om te sien? Ek dink n grendel wat oopgetrek is, is meer sigbaar veilig as n geweer sonder grendel in, veral waar die aksie toe is onder n groot scope. Tensy hulle natuurlik vlaggies inkry.

Dit los ook n paar vrae vir bv lever actions, valblok aksies, semi outomaties, muzzle loaders, grendelaksies wat moeilik uithaal oor bv verstelbare wangstuk ens ens.

Ieder geval. Ek was tot 2009 lid by Durbanville vir seker 10/11 jaar lank, en ek sal nie graag weer daar wil skiet nie. Daar is heeltemal te veel mense vir die baan gewees daai jare. Ek kan net dink hoe gaan dit nou op n Saterdag of woensdag daar.

[Boesman10]

Die probleem met die nuwe reel is die verstelbare wangstuk. Mens werk hard om jou wapen presies op te stel vir jou en nou moet jy elke keer die wangstuk op en af stel om die slot te verwyder. Ek dink hierdie is 'n besluit wat nie ordentlik deurgedink was nie.

[ruaanb]

'n Kamer vlaggie is n beter oplossing. Hierdie reel gaan tot baie onaangenaamheid lei. Ek verstaan heeltemal dat dit vir veiligheid is maar dit is nie die beste oplossing nie.

Die persoon wat by sy geweer peuter as die baan oop is moet eerder summier weggejaag word vir die betrokke dag.

[FCLoretz]

Hoe maak die manne met Lever Actions en dubbels in terme van hierdie reels dan?

[joe rocket]

Dit is nou interressant hulle het seker nie daaraan gedink nie.

[Louis Kriel]

Ek het n Winchester Cooey .22. Die slot kan nie verwyder word tensy die magasyn skroef losgedraai word nie. Boonop moet die geweertjie regop staan om die buis-magasyn te laai. Tot op hede het ek nog nie n probleem gehad met baan offisiere nie. Ek se sommer voor die tyd vir hulle.

[Boomstomp]

Sal maar moet sien, wil graag môre 'n draai gaan maak by die 500m baan.

Dit is wel bitter besig deesdae, maar ongelukkig is daar nie ander skietbane verder as 100m naby nie. Blykbaar kom daar ene in Wellington/Paarl, maar lanklaas iets daaroor gehoor.