Sellier&bellot vs pmp doppe

[birklec]

Dag lede!
Ek wil weet hoe is jul ondervinding met die bogenoemde doppe.Ek soek doppe vir my 222 en wil graag weet hoe vergelyk hul met mekaar.
Hoor graag van jul.
Groete

[Armand Steenkamp]

In my 243 is Sellier&Bellot doppe myle beter as pmp doppe.

Groetnis

[Johan Nel]

In my 243 is Sellier&Bellot doppe myle beter as pmp doppe.

Groetnis

Met my 7x57 was die ervaring net die teenooegestelde...

[Armand Steenkamp]

Johan ja, maar jy weet mos hoe is dit met n 243 en n PmP dop. S&B doppe ge nie doughnuts nie en my pmp doppe het..

Groetnis

[Johan Nel]

Birclec en Armand,
My aanvanklike reaksie op Armand se opmerking was so ietwat tong in die kies. Ek dink nie dat daar veel te kies is tussen die twee fabrikate nie, ek dink hulle is baie soortgelyk. Kom ek kwalifiseer net my vroeere opmerking, oftewel die "probleem" wat ek met Sellier & Bellot doppe ervaar het. Ek het heel aan die begin toe ek my geweer gekoop het, 'n klompie Sellier & Bellot en PMP patrone gekoop en uitgeskiet. My geweer het mooi gegroepeer met die Sellier en Bellot. Ek was toe van gedagte om die doppe te gebruik vir herlaai. Met die herlaaislag het ek toe die situasie ondervind dat die Sellier en Bellot nie in die Lee voetstuk wou pas nie. Die web van die S & B doppe was net daai aks dikker as die PMP of ander make doppe. Dit was maar my pyn. Hulle het andersins nie beter of slegter op die skietbaan geskiet nie. S & B is net soos die PMP doppe aan die dikker kant in vergelyking met Winchester wat ek ook al gebruik het.

[Armand Steenkamp]

Birclec en Armand,
My aanvanklike reaksie op Armand se opmerking was so ietwat tong in die kies. Ek dink nie dat daar veel te kies is tussen die twee fabrikate nie, ek dink hulle is baie soortgelyk. Kom ek kwalifiseer net my vroeere opmerking, oftewel die "probleem" wat ek met Sellier & Bellot doppe ervaar het. Ek het heel aan die begin toe ek my geweer gekoop het, 'n klompie Sellier & Bellot en PMP patrone gekoop en uitgeskiet. My geweer het mooi gegroepeer met die Sellier en Bellot. Ek was toe van gedagte om die doppe te gebruik vir herlaai. Met die herlaaislag het ek toe die situasie ondervind dat die Sellier en Bellot nie in die Lee voetstuk wou pas nie. Die web van die S & B doppe was net daai aks dikker as die PMP of ander make doppe. Dit was maar my pyn. Hulle het andersins nie beter of slegter op die skietbaan geskiet nie. S & B is net soos die PMP doppe aan die dikker kant in vergelyking met Winchester wat ek ook al gebruik het.

Ja ek stem 100% saam met jou. Ek het nou al die Batch S&B doppe so 3 keer herlaai en hulle gaan nou makliker in die voetstuk in. Dit is maar n pyn maar verder het ek nie probleme met hulle nie en my groperings is mooi.

Groetnis

[Musgrave]

Ek ondervind dieselfde met Highland doppe, vir beide my .30-06 en .25-06. Met akkuraatheid skort egter niks.

[alecjohnson]

S&B werk soos 'n droom in my 9mmPara en ook in my .22 werk hulle amunisie lekker. Maar in my 300WM glad nie dit is swakker as PMP in my 300 gewees, om rede 40% van die dope het in die kamer vasgesit nadat als getrim en gesize was. Ek het hulle nog nie gebruik in my .243 nie aangesien ek net Lapua vertrou daarvoor en ook nie in my 375 nie want ek het genoeg PMP&Speer dope vir nou.

[Pappabeer]

Die oosblok is nie so skerp op die .423 basis diameter van doppe nie. Dit gebeur gereeld met baie europese kalibers en doppe.

Die maklikste is om n shellholder te koop soos die RCBS #2 wat vir die 6,5x55 bedoel is.

Wat die .222 betref het ek n klompie pmp en S&B doppe wat ek as once fired by iemand gekry het. Beide het heel OK gelaai en akkuraatheid is bevredigend. Ek kan nie die een as beter of swakker uitsonder nie

[Nico Harris]

Pmp doppe het uitstekend(tot my verbasing) in my 222 gewerk!

[tripodmvr]

Die No. 2 skoen word vir 7x57 aanbeveel. Ek het in my 7x64 matrysstel 'n No. 10 skoen gekry. Ek dink dit werk beter met die dikker Europese doppe.

[Pappabeer]

Die No. 2 skoen word vir 7x57 aanbeveel. Ek het in my 7x64 matrysstel 'n No. 10 skoen gekry. Ek dink dit werk beter met die dikker Europese doppe.

Dit is maar n deurmekaar spul tussen die verskillende vervaardigers se numeriese benaming van die shell holders.

Bv. Die Redding nommer een is dieselfde as die RCBS #3, wat vir die standaard .473 of .470 basis diameter doppe aanbeveel word. As ek reg onthou is die Sweed se basis diameter .480, en beveel RCBS die #2 aan.

Die #10 is egter vir die .223 tipe doppies. Die #11 is baie na aan die #2 en #3 en kan moontlik wees wat aan te bevele is op meeste Europese fabrikate.

Ek sal môre bietjie n opmeet wat die verskillende fabrikate europese kalibers se basis diameters is en dit hier plaas onder n nuwe draad

[tripodmvr]

Vergeet om by te sê dat dit Lee se skoentjies is.