Op soek na spreader

[dehacked]

Goeie dag manne.

'n Vriend van my het onlangs plaas gekoop. Hy het nou brand paaie oral om die plaas geskraap. Hy wil nou een of ander korrels op die grond gooi om te verhoed dat bosse weer in die paaie groei. Hy is op soek na 'n tipe spreader wat op of agter 'n bakkie kan gaan om die korrels te sprei. Kan enige iemand my in die regte rigting wys asseblief.

[Johnnie De Wet]

Hoekom nie n gifspuit?

[Capt. Yoda]

Het hy klaar die korrels? Hulle word gewoonlik maar met n vliegtuig gegooi om n groot area te dek as jy met lelike bos sukkel. Maklikste sal wees om n firefighter te vat en iets soos Bayer se brush killer of Roundup te spuit

As hy regtig korrels wil gooi kan hy maar vir Sipho een van daai kunsmis trollies by n hardware plek kry en hom op en af laai stap
http://ww2.justanswer.com/uploads/MsAM/2011-12-15_042637_spreader1.jpg

[jamalley]

Ek het een gebou met 'n 1400 Nissan se diff wat ek omgedraai het en waaarmee ek kunsmis gegooi het - die ding staan nou by 'n pel en dit werk soos 'n bom.

A framevoor aan die diff, waarvan die propshaft gedeelte na bo wys, gesweis, kunsmis bak gebuig en met arms bo-op diff vasgesweis (op die propshaft kant) 'n ronde plaat met 'n strooi plaat aan die propshaft kant vasgeboud en 'n gaatjie in die bak wat kan verstel en waar die kunsmis uit die bak op die strooiplaat val, sodra jy beweeg versprei dit die korrels - onthou om 'n off-centre stukkie kabel deur 'n gaatjie in die kunsmisbak na bo op te sit (ongeveer 20cm lank met 'n gewig bo, werk as roerder om die kunsmis/korrels te roer.

Hy kan gaan kyk op die webblad van Landbou weekblad onder Boer maak 'n plan", as ek reg onthou het ek dit daar opgespoor - hy kan dieselfde manier gebruik om ook 'n snyer te maak wat jy agter jou bakkie sleep om die middelman van die plaas paaie skoon te hou.

[muismaree]

http://www.stocks-ag.co.uk/fanjet.html
Ons gebruik so spreadertjie op ons spuit om lokaas vir springhaasrotte te strooi. Ons saai ook gras met hom. Jy kan sy spoed en hoek stel uit die cab uit. Jou vriend wat die grond het weet seker dat die bushwacker korrels wat hy wil strooi moerse gekonsentreerd is. Die aanbeveelde dosis vir doringbome is 5kg/ha, wat bitter min is. 'n Teelepel vol maak 'n katbos dood, daar groei vir 3 jaar nie weer iets nie.

[dehacked]

Muis. Ek dink dit is die ding waarna hy opsoek is. Kry mens hulle in SA of moet jy invoer?

[muismaree]

http://www.terrapro.co.za
Dit is die maatskappy wat die goed invoer. Ek kan nie nou onthou waar hulle is nie, dink in die kaap. Hoop jou vriend kom reg!