Ek was verlede jaar gelukkig genoeg om die meeste gongs vir die dag raak te bewe en het met die eerste prys weggestap. Ek kon n Swart Willebees gaan jag/skiet by een van die boere in die kontrei. Ek is mooi gevra om nie met my 243 op die plaas aan tekom nie maar eerder iets wat n bietjie swaarder koeels in die vlaktes kon afstuur te bring. Ek het die boer gerus gestel en hom vertel dat ek my betrourbare 308 sou saambring. Ek het net gevra of ek die jag kon uitstel totdat dit n bietjie koue word en dit is so ooreen gekom.
Na so paar oproepe met Johannes Schoeman en die boer Kobus het ons gister vasgemaak vir die jag.
Die plan was om so 10uur op die plaas aantekom en dan te begin.
Ek het al vroeg oggend my 308 in sy geweersak gesit met n klomp 150g accubonds wat so by die 2700fps hardloop my range finder en n skerp mes. Ek kry toe vroeg n sms van Johannes af dat ek n jas moet bring want n baaitjie gaan nie help nie.
Ek laai hom toe in Harrismith op en ons ry so 20km na die plaas toe. Kobus die boer ontvang ons by die huis en se toe ek moet agter op sy Toyota klim en oor die dak skiet want die SWB is bietjie wild.
Ek maak my toe reg en ons ry uit veld toe. Die wind het so 20mph gestoot en die naaste wat ons aan die beeste kon kom was so 300m voor hulle weer n toer om die kamp gemaak het. Na wat soos ure gevoel het maar eintlik net 45min was het ons so 220m van hulle afgekom en Johannes het n mooi uitgegroeide jong bul uitgewys.
Hy het amper plank dwars gestaan en ek het die Zeiss 4x14 x50 se tweede afmik lyn net voor sy bors verby gesit. My som was so 9 duim vir die wind. Met die skoot wat afgaan se Johannes vir my die skoot is perfek op die blad wat hy deur die rangfinder dop gehou het. Die swb het so 50m baie stadig gestap en toe gaan le. Ons het nader gery tot op so 100m en die boer vra toe dat ek die bees agter die oor moet skiet. Ek maak toe so en die Jag/skiet is verby.
N paar fotos geneem en toe slagplek toe. Met inspeksie sien ons dat die koeel die agterkant van die longe raak geskiet het en is dwaardeur die bees.
Dankie aan Kobus de Jager vir die skenking en Johannes wat saam my gegaan het.
https://dl.dropboxusercontent.com/u/126508339/Windpomp%20ope%20SWB.jpg
Verskoon asb van die spelling maar my huistaal was engels toe ek klein was
