Wat is so wreed!

[Doepie01]

Naand Manne

Ek wil graag weet wat is so wreed wat n lewendige uitgevrete dorper ooi se uier uit vreet. Hier is die foto. Francois ek moes dit seker op die Album gesit het maar ek weet nie hoe om n link na hierdie topic op te sit nie. Jammer.



Soos julle kan sien is die ooi van agter gevreet.Ek het gesien dat julle manne op n ander topic genoem het dat dit n Jakkals is maar indien dit so is hoe kry n Jakkals dit reg om n ooi in die hardloop so n groot skade aan te doen. Ek en my skaaphond het ons gatte af gehardloop om haar gevang te kry so, glo my, sy kan nog hardloop! het die jakkals dalk hulp gehad dat een Jakkals haar vashou terwyl die ander een vreet? Al ander merke wat ek op die ooi kry is aan die kante op die lieste. Nie groot nie.Kan net sien daar is bloed. In dieselfde kamp kort ek ook 16 lammers wat weggeraak het vanaf Dinsdag tot vandag.Ek kry egter GEEN karkasse nie.
Help asb.
Doepie

[Francois Marais]

Doepie

Sal die foto vi jou skuif, my hart gaan uit vi jou my vriend, hoop jy kry die kwaaddoener en sommer gou-gou.

Mooi loop
Francois

[Mac]

Doepie,

Ek het so jaar of wat terug presies dieselfde voorval gehad, 6 ooie in 4 dae, het gaan roep, en ek en Nick het die wereld plat geloop, geen teken van jakkals nie. Laat middag op die 4de dag sien ek so allen loper bobbejaan teen die hang uit beweeg, sit so bietjie lood in sy rigting, en toe ons hom oop maak, daar kry ons ons vars dorper uier in sy maag. Toe die storie in die distrik vertel was, vertel ander boere ook sulke stories, ook Ta se kind.

Voorspoed met die skuldige, hoop jy kry hom gou.

Mac

[Francois Marais]

Doepie

As jy enigsins, met sekerheid, kan se wat jou skade veroorsaak het, laat weet asb. Wil dit in die foto album aanbring.

Mooi loop
Francois

[Doepie01]

Mac

Thanks a lot for your reply. Ek het ook gedink aan n Bobbejaan want ek het al self skade gehad waar hulle klein lammers vang en dan die pens oop skeur om by die melkpens uit te kom. Wat my egter laat twyfel in my geval is dat die kamp waarin die ooi gevreet is omtrent 6km vanaf diie naaste rante is waar Bobbejane wel voorkom. Verder weet ek ook nie of die Bobbejaan dit sou kon reg kry om die skaap te vreet terwyl hy leef nie. Kan jy dalk vir my se of die ooie wat by jou gevang/gevreet is dood was of het hulle soos by my nog redelik sterk gehardloop na die tyd?

Francois, dankie man, ek hoop ek vind die skuldige, wat dit ook al mag wees. Ek het al sulke voorspooksels gekry dat dit dalk n luiperd kan wees want ek sien die prentjie wat mens altyd op TV sien van n luiperd/leeu wat die prooi van agter af bespring, dit in die grond vasdruk en begin vreet terwyl die prooi nog lewe. Ek hoop wragtig dit is nie so nie want dan is my poef GROOT. Het egter nog nie luiperds in my gebied gehad nie. Wat my ook pla is die lammers wat spoorloos verdwyn het. Ek weet Jakkals vat partykeer lammers na hul neste maar hierdie lammers weeg omtrent 20kg so ek weet nie of Jakkie dit kan regkry nie. Rooikat miskien?

Sal jul op hoogte hou.
Mooi bly
Doepie

[Mac]

Doepie,

Ek moes self al die ooie se kele afsny, hulle het almal nog geloop, en soos jy se, mooilik om te vang.

Een van die boere hier in die omgewing het vee in 'n diep kloof gehad, ook vee (Lammers) verloor sonder dat hulle die oorblyfsels gekry het. Hy het toe naderhand die windpomp in gekry, hulle het omtrent 90 bobbos geskiet op sy plaas en die buurman se berg, einde van die verliese. Kan toevallig wees, maar ek twyfel.

Nog 'n boer het eendag gestaan en kyk hoe 3 bobbos lammer ooie na die hoek vd draad gedruk het, en ingestorm, ooie van die kop af laat val, en net die uier af gebyt, toe die ooi gelos. Die boer is een vd eerlikste mense wat ek ken, een van daai wat se woord sy kontrak is, ek het geen rede om sy woord in twyfel te trek nie.

Ek het ook een keer 'n hond op 'n vriend se plaas geskiet het, so staffie agtige kruising, wat agter die skaap aan hardloop, en ook van agter af gebyt het, toe hy bloed trek, toe bly hy by daai hammel so byt byt tot die koel hom getref het.

Ek kan maar net hoop jy kry die skuldige gou, wat ook al dit is.

Voorspoed,

Mac.

[Doepie01]

Hi Mac

Dankie man. Ek sal nou n punt maak om te kyk vir Bobbies of tekens van hulle. Sal laat weet as ek iets gekry het.

Groete
Doepie

[JopieFourie]

Dag almal.

Het verlede week `n soortgelyke voorval gehad. Afrino ooi se regter boud tot op die been skoon gevreet. Senings is af en toe sy eers gaan l? kon sy nie weer op nie. Het haar toe maar `n genade dood gegee. Elk geval, kry toe `n hoek waar hulle haar vas gekeer het, bloedwolle teen die draad. (soek so plek, is amper seker jy gaan dit kry).
Is toe die naweek uit en roep sommer naby waar ek die ooi geklop het. Na so 15min kom die paar in, die reun is slim en het maar min van homself laat sien (seker al slim geroep/skiet). Klop toe die teef laat haar derms/longe/hart/bloed en dies meer trek, kry so lekker smaak in my mond (weerwraak is mos soet). Die volgende aand antwoord die reun uit die verte maar kom geen niks nader nie. Die maan was toe ook al half en ek los maar vir `n beter aand voor hy nog slimmer word. Sal more slagysters gaan stel met haar mis.

Ek dink dis die ontsettende koue wat hulle tot die uiterstes toe dwing buite lam seisoen. Anders sal hulle mos nie so moeilike teiken kies nie, of hoe?

[Stefan764]

Hallo Doepie

Het jy toe die booswig ooit in die hande gekry?

Groete
Stefan

[Doepie01]

Hallo Stefan

Jong ek weet nie. Ek het nog nie weer n ooi gekry wat so gebyt is nie. Ek het wel 3 Jakkalse naby die kamp geskiet EN my buurman se anatoliese herdershond het ek tussen dieselfde trop skaap gekry.Ek het hom goed verwilder. Na amper 2 maande se doodse stilte vang daar nou weer n ding onder my lammers. Die lammers weeg nou so gemiddeld 33kg en die ding wat vang dra hulle weg want ek kry geen karkasse nie.Jakkals?? Ek weet nie.Ek wag net vir die maan dan sal ek weer gaan roep.

Groete
Doepie

[jaracal]

Hallo Stefan

Die lammers weeg nou so gemiddeld 33kg en die ding wat vang dra hulle weg want ek kry geen karkasse nie.Jakkals?? Ek weet nie.Ek wag net vir die maan dan sal ek weer gaan roep.

Groete
Doepie

Kan die anatoliese hond of tweebeen jakkalse wees, 33kg is bietjie swaar vir 'n jakkals of rooikat om weg te dra.

groete
Heinrich

[Stefan764]

Doepie/Heinrich

Ja nee maggies, ek stem, 33kg bietjie wyd... Soos Hein se, jy moet pasop vir daai 2-been jakkies, veral as n man nie die karkas kry nie. Slaap jou skaap in n kraal? (Trailcam dalk n plan??)

O ja, gee daai hond klaar n loodpil as jy hom weer kry (hoef nie eens tussen die skaap te wees nie), n donerse hond wat eers eenkeer n skaap gevang het sal sy lewe lank n skaap vang, daarvan is ek 99% oortuig.

Groete
Stefan

[Raven]

hond wat eers eenkeer n skaap gevang het sal sy lewe lank n skaap vang, daarvan is ek 99% oortuig.
Groete
Stefan

Stefan daarmee stem ek saam, ek het al 'n paar honde oor die jare geklits wat dit doen, dis moeilik want ek hou van honde, maar nou ja, as hy nie wil hoor nie moet hy voel.

Raven