Kalahari wrote:
Ek het dit ook gedoen met .22 as kind, steenbokkie geskiet en in die veld lewer gebraai met suurlemoen en sout en die bok agter oor die saal gehang en later huis toe.
Ek is enigste seun so ek het egter nie iemand gehad om dit mee te deel nie, die tipe goed is maar alleen gedoen.
Nou se dae het ek nie meer perde nie en die lewe het seker te vinnig geword vir die perde
Ek het eendag so in die voorbrand afgery en net rustig gesit dat die perd net stap - was vroeg-oggend en die son het net begin breek - julle ken mos daai 15 minute as dit net begin lig raak en die gras is nog nat van die dou en die duiwe gaan in overdrive met hulle gekoer en di fisante doen wat hulle die beste doen - raas! en alles ruik so vars soos ouma se koolstoofbrood.
Nou terwyl ek so sit in die saal en ons rustig aanstap, sluip daar n rooikat so 30 m van my uit die voorbrand en toe hy my en die perd sien stop hy dadelik staan plankdwars en kyk vir ons. Die perd het ook dadelik gestop en so kyk ons drie toe vir mekaar so met die dagbreek. Ek het die haelgeweer mooi stadig van my skouer afgehaal, Jana (die merrie) spits haar oortjies terug en weet hkgk. Skiet toe die Rooikat daar in sy dnr in en klim af en beloer die afere.
Gewoonlik het Jana ook as ek wild geskiet het en agefklim het - saam my gestap en dan ruik sy die karkas so asof sy vir my wil se "ons het hom partner". Die keer het sy twee trie nader gegee en ten spyte van my geroep dat sy moet nader kom net daar bly staan - nek stryf en kop hoog - sy was nie gemaklik nie.
Dit was n woerse groot kat gewees en ek wou die manne by die plaashuis loop wys. Julle wat ken sal weet daai Noordkaap rooikatte raak groot, en die was n GROOT kat! Probeer toe vir kietsie oor die perd se rug gooi net agter die saal...Groot Fout!!! Daai merrie spring weg en boggelrug en skop en poep totdat daai kat doer trek. Sy gaan staan so entjie verder en gluur my aan met neusgate so groot soos n koffiebeker, kop wat op en af bok om haar misnoe te wys, en haar flanke wat dril soos sy bewe.
Daai dag het sy my 'mooi gese "moennie die fooken kat weer op my laai nie". Dis seker maar die reuk wat haar laat aap-stuipe kry het, want ek het al baie ander dooie diere so op haar rug agter die saal gelaai sonder dat sy n tantrum gegooi het.
Het maar later die middag vir die ou manne met die bakkie kom wys hoe lyk n woerse oorlede rooikat.
