300wsm

[Fanie Nel]

Goeie dag aan almal

Ek soek so bietjie hulp met bogenoemde kaliber, het nog nooit vir die 300wsm gelaai nie.

Help my asb min en maks vir S365 en 165gr koeel

Dop - Nosler custom
Kruit - S365
Koeel - 165gr Speer
Slagdop - CCI magnum
Loop lente 24 duim
Loop twist 1:10

Het nog nie die geweer nie so kan nog nie totale patroon lente gee nie

Groete Fanie Nel

[Witpietskiet]

Fanie, hier is inligting wat ek vir die 300wsm gekry het by Somchem. Begin maar by die min. lading.

Hoop dit help.

"Pieter

Ongelukkig toets Somchem nie die 300WSM kaliber nie.(sien kennisgewings hieronder veral punt 3)
Ek kan egter vir jou 'n riglyn verskaf, gebaseer op berekeninge and oorsese bronne met dryfmiddels soortgelyk aan Somchem.


Kaliber: 300WSM
Dryfmiddel: S365 ( die enigste dryfmiddel in die Somchem reeks wat goed sal werk).
Projektiel massa: 150 grein
Begin lading: 64.0grein (2900-3000vt/p/sek)
Maksimum lading: 71.2grein(3200-3300vt/p/sek)


Projektiel massa: 165/8grein
Begin lading: 61.0grein (2900-3000vt/p/sek)
Maksimum lading: 68.0grein(3100-3200vt/p/sek)

Projektiel massa: 180grein
Begin lading: 60.0grein (2700-2800vt/p/sek)
Maksimum lading: 67.0grein(2950-3050vt/p/sek)


Projektiel massa: 200grein
Begin lading: 56.0grein (2500-2600vt/p/sek)
Maksimum lading: 63.0grein(2800-2900vt/p/sek)



NEEM KENNIS!!
1. Begin altyd laai by die voorgestelde minimum lading. Laai dan versigtig meer in inkremente van 1.5 tot 2% van die nominale lading terwyl versigtig gelet word op enige druktekens(platgedrukte ontsteker, slot wat moeilik oopmaak ens).
2. Somchem aanvaar geen aanspreeklikheid, uitdruklik of stilswyend, vir skade of beserings wat spruit uit, of beweer word, voortspruit uit die gebruik van die inligting soos verskaf nie.
3. Wanneer die spesifieke kaliber nie getoets word deur Somchem nie sal dit duidelik aangedui word. In sulke gevalle word die inligting van soortgelyke oorsese dryfmiddels gebruik as riglyn. ( LW! Dryfmiddels is nooit ekwivalent nie). Hierdie tipe vergelyking is dan gebaseer op vreemde bronne en moet sodanig hanteer en verstaan word. Somchem verseker dat ruim veiligheids faktore in sulke gevalle ingebou word met die voorgestelde  minimum lading.
4. Maksimum waardes:
4.1. Indien snelheid gemeet kan word moet die maksimum gepubliseerde snelheid waarde nie oorskry word nie.
4.2. Indien snelheid nie gemeet kan word nie moet die maksimum gepubliseerde lading nie oorskry word nie


Groete
Manie Johannes"

[Fanie Nel]

Baie dankie vir die inligting Pieter, wardeer

Groete Fanie

[Arnold]

Witpiet, gee 'n bietjie laai data op jou 300WSM.

Ek het vanoggend weer met 'n geweersmit gepraat en hy is vol lof vir die outjie. Sal seker 150gr klas koeels uit my 1:13" twist loop {24"} teen so 3150 fps skiet?
Ek het nou al baie na die 300WM gekyk maar hy gaan te lank wees vir my aksie.

[Nuweseun]

Ludwig, help asb gou bietjie. wat sal dit behels om die 300wm te laat omskakel na 300wsm? Kan dit bv op 'n ouer geweer gedoen word? Hoe werk die proses?
My loop het nou al 'n hele paar skote deur en wil graag weet of sit die moeite werd sal wees.

Groete

[Arnold]

Ludwig, as ek reg onthou is die node spoed op 'n 155gr en 24" loop hier om en by 3150 fps op die WSM en vir die WM so 50 fps vinniger.

Ek weet net nie of ek my 308W moet prysgee hiervoor nie aangesien ek darem nog so bietjie FTR ook met die 308 kan skiet. As dit 'n nuwe geweer moet sal dit eerder 'n 7mm-300WSM wees 

[Nuweseun]

Nuweseun, as daar genoeg nok spasie op die loop is (as jy dieselfde loop wil hou), kan die geweer se kamer net oorgesny word met 'n WSM reamer. Boltface is dieselfde, so daar is geen werk nodig nie. Glo nie jy sal veel aan die magasyn hoef te verander nie, maar mens sal moet kyk. So eintlik baie min werk wat so omska'keling behels. As jou loop reeds op sy einde is, kan jy eerder 'n loop vervanging doen, en dan saam met dit, die nuwe kamer van die 300WSM laat sny. Iets wat ek beslis baie sterk oorweeg sodra my 300WM 'n nuwe loop moet kry.

Dankie Ludwig dit maak beter sin. Ek het gehoop ek kan die loop se lewe bietjie rek deur die keel oor te sny. Dis 'n agtkantige custom musgrave loop en hy het ma bietjie sentimentele waarde.

Ek waardeer.

Groete

[DanieDegenaar]

Fanie,

Het jy al 'n goeie lading gekry vir die 300wsm. My een maat het nou sy goedkeuring gekry en laat bou nou vir hom een. Hy sal nie vreeslik tyd h? om te speel voor hy gaan jag nie. Het jy eenige inligting wat jy kan deel?

Dankie

Danie

[Fanie Nel]

Hello Danie
Ek nog nie tyd gehad vir lekker speel nie.  Ek het goeie resultate gekry met 165gr speer voor 63gr  S365 lot 59.  Het ongelukkig nooit die lading oor chrony geskiet nie.  Lot 59 raak  toe op koop vir my nuwe kruit lot 63 en daar is die akuraatheid wat ek gekry het weg, skiet vreeslik bont Begin toe vout soek sien toe hier op die forum S365 lot 63 is die selfde as S355. Skiet toe oor chrony Spoed wissel toe so rondom 2950fps.  Skiet nou met daai S365 lot 63 met 165gr nosler bt voor 63.5gr teen 3050fps, het nog nie tyd gehad vir groep skiet nie, net ingestel lyk heel goed het nog niks mis geskiet nie.

Groete Fanie

[DanieDegenaar]

Dankie Fanie, dit sal al help. Die man se skouer kan nie wag om daai geweer te voel nie.

[Flip Fouche]

Hallo 300wsm vriende

Ek het vanmiddag rak ammo getoets.

Nosler Custom Accubond 180gr.

Spoed:2967---2971---2973---2964---2970---2985--gem:2971.6

TPL oor 10 rondtes presies 71.22

Groeperring: 25mm op 100m

Dop kapasiteit:80.7 gr


Groete

Flip