Herlaai data 303 British

[Bass]

Piet-Skiet my 303 het n 22" loop en met 215gr Rhino's is hy akkuraat,sien foto.Dis op 100 geskiet.Jy sal 2100'/s kry maar laai met S-355,dit werk beter met die swaar punte in die 303,beste vir wat jy wil doen.

[Hilux01]

Mnre,

Goed so hier is bietjie terugvoer.

Ek het 2 keer herlaai met die Sierra Pro Hunter (180gr). Wil graag daarmee gaan jag hierdie seisoen.
Gebruik S341, CCI200 primers en PMP doppe

Ek het die eerste rondte gelaai en soos die Somchem boekie se begin by 38.5gr en 0.5gr intervalle gelaai tot by 42.5gr
Dit blyk of die drukke in my geweer onder dit is wat die boekie gee so ek glo nie dit is n issue nie

Die groepering het so tussen 39.5gr en 41.0gr gekom met sub MOA (1") op 100m. Die wenner was 41gr met 0.8"(3 rondtes) en teen 2325vt/sek gemiddelde snelheid. As ek slegs die beste twee van die drie meet kry ek 0.39". My S/L was 56.7 teenoor boekie se 58.54.

Ek het besluit om n tweede reeks te laai, tussen die 39.5 en 41gr met 0.2gr intervalle. Maar het ook 42.0 en 42.5gr gelaai wat maksimum is volgens Somchem omdat ek bekommerd was oor die drukke wat bietjie laag was. Hierdie keer was daar weer goeie groepe maar 41.0gr het weer 0.87" vir drie rondtes gemeet en 0.3" vir die beste twee van die drie. Hierdie keer was my snelhede 2351 vt/sek gemiddeld en S/L 57.3.

Ek is gemaklik om vir die 41gr S341 te gaan, my vraag is is die 2350vt/sek genoem vir die Sierra Pro Hunter 180gr punte? Ek jag in die bosveld en die afstande is nie gewoonlik veronderstel om meer as 150m te wees nie, meestal minder as 100m. Ek beplan om algemene wild te jag die jaar en seker op die taaiste n bloubees of twee, tussen die varke en rooibokke of dalk rooiharte.

Enige kommentaar is welkom, dit sal die eerste seisoen wees wat ek met my self herlaaide koeels die bos gaan aanvat.

Groete

Henk

[LUAN]

Dit klink great man! Nou moet jy hom net zero op sy "maksimum point blank range" en jys reg vir jou jag.

[Hilux01]

Dankie *303*

Self nou lekker opgewonde.
Dink ek gaan die week n klompie rondtes laai en so 2 oefen sessies inwerk op die skietbaan voor Junie se jag.
Kan nou nie meer wag nie "6 weeks and counting!"

Groetnis

[NUNAB]

Midag mnre.
Ek het nou al julle stories gelees, moer intresant. het so tydjie terug my skoonpa 303 gekry en sporting gemaak. Francois het hom vir my ingeskiet en kry 40mm groepering op n 100m met pmp174gr. Is heel in my skik met die roer.
sal herlaai rerigwaar n groot veskil maak op groepering?
knaldemper, wat sal dit aan die groepering doen?

[Hilux01]

Nanub

Welkom by die forum glo jy gaan dit baie geniet
Gaan stel jouself voor in die portaal gedeelte

Herlaai in my oe, as geen spesialis of kenner nie het my n paar dinge geleer.
Eerstens al hoe wel dit meer ekonomies is as fabrieks ammo gaan jy baie meer skiet - dis nie n slegte ding nie want nou ken jy en jou roer mekaar soveel beter
Ek is van opinie dat my geweer beter groepeer met die self herlaaide ammo. Moet se ek is bietjie van n pyn oor die presiesie van laai en alles word tot in die fynste uitgewerk. PMP kos deesdae so R350 per pakkie (R17 per rondte), ek het uitgewerk dat as ek my doppe meer as 5 keer gebruik kos n herlaaide rondte my so R7.

Knaldemper vraag sal ek nie op kan help nie, weet jy moet elke keer inskiet as jy met of sonder knalder was met vorige inskiet.

Ek sien dit so, in plaas dat ek soos altyd 2 pakkies PMP gekoop het voor ek veld toe is en dan so 5 rondtes geskiet het om te kyk of de geweer ge-zero is, spandeer ek nou ure op die skietbaan om my ladings te ontwikkel en dan "oefen" ek ook nog tussen deur, op verskillende afstand, staan, met stokke, le, oor n boom wat ook al moontlik in die veld kan gebeur, en dit bou self vertroue wat hopelik gaan maak dat ek nie sommer weer n bok in die veld moet los nie.

Want as jy n rooibok teen R900 deesdae in die veld los, kon jy net sowel al die helfde van n herlaai stel betaal het.

My 2c

[Basil]

Ek het self die naweek vir die eerste keer my self gelaaide patrone gaan toets. 150gr PMP punte en gelaai vanaf 39 tot 42gr lading in 1gr variasies. Ek was baie teleurgesteld met die resultate. Vat toe ou Weermag patrone met 174gr punte en groepeer toe op n R5 muntstuk. Lyk my die antwoord vir n 303 is swaarder punte.

[LUAN]

Myne groepeer ewe swak met weermag sowel as pmp koop patrone. Wag net vir Petrus se Quest bullets in 150gr om hulle te laai en toets.

[Hilux01]

Basil

Sukkel self met 150gr rondtes om goed te groepeer
Ek kry fantastiese resultate met 180gr en op
Probeer ook volgende keer op 0.5gr intervalle werk, jy se nie watter kryt jy gebruik het nie maar uit jou begin en eind lading aanvaar ek dit is S335?

Henk

[Gerhard]

Ek het nog nie baie met 150gr gespeel met my 303 nie.

Met 175gr en 180gr soek hy S335 en 215gr S355

Gehoop hy sal mooi skiet met S355 en 175gr maar skiet dan n sop bord vol.

Met S335 en 175gr gooi hy weer op n tiekie

[Hilux01]

Ek kry sub MOA groepe met my 180gr Sierra Pro Hunter en S341 op 41gr

[LUAN]

Ek sal maar n blik of twee S341 koop omdat dit nog goedkoper as die S335 is.

[Louis Kriel]

Ek sal maar n blik of twee S341 koop omdat dit nog goedkoper as die S335 is.

Goeie besluit. Om een of ander rede hou die Lee Enfields van S341. Met 150gr en ligter gee dit goeie spoed en akkuraatheid. Andre Fouche het al baie lading ontwikkeling gedoen met S341.  Hy skiet bv die 130gr Impala met 45.5 gr S341 teen 3000 fps. Ek gaan nou hierdie kombinasie in Julie gebruik op 'n volstruis uitdun jag. 

[Frederik]

Net 'n vragie ook al bietjie rondgespeel met QL en die 130gr impalas en ja om 3000 fps te kry of naby is nie so moeilik nie maar gaan die aksie dit hou al wys die druk dit is haalbaar ?

[LUAN]

Ek was gese om liewer S335 te gebruik op ons ou gewere se aksies en dat dit n "skoner" kruit is?

[Louis Kriel]

Net 'n vragie ook al bietjie rondgespeel met QL en die 130gr impalas en ja om 3000 fps te kry of naby is nie so moeilik nie maar gaan die aksie dit hou al wys die druk dit is haalbaar ?

Ek dink 3000 fps is onnodig, maar daai Impalas is mos lekker lank, so 2850 fps teen heelwat laer druk sal ook goed werk.  Ek het so 2 weke terug daai Impala's getoets. Die gweer was gezero vir 174 greiners.  Die Impala's skiet ontsettend laag, omtrent 8 duim onder die 174greiners op 100m.  Ek gaan nou maar eers kyk wat groepeer en dan die spoed meet. Sal laat weet. Daar was geen tekens van druk nie, so ek kan nie dink dat dit hard op die aksie gaan wees nie.

[Louis Kriel]

Ek was gese om liewer S335 te gebruik op ons ou gewere se aksies en dat dit n "skoner" kruit is?

Skoner? Moderne dryfmiddels is almal skoon so ver ek weet. Behalwe as jy nou 'n ou blik van 20 jaar of ouer in die hande kry soos ek.  Dan laat die dryfmiddel jou sommer gou weet hy brand swart.  As jy die sneller trek is daar 'n duidelik waarneembare vertraging voor die skoot afgaan. Baie lekker om ontslae te raak van 'n "flinch".

[LUAN]

Seker maar die ontbranding wat beter is of so iets.

[Christo]

Iemand met voorstelle op spoed uit P14. Tans laai ek Winchester doppe met 41,5gr S335 en 174gr PMP. Laas week PMP doppe dieselfde gelaai en 2315v/s gekry terwyl boekie dit al aangee as meer as max maar spoed van 2400+. Tot waar kan ek gaan? So tyd terug gelees dat spoed meer die bepalende faktor is as die hoeveelheid kruit. Ek sien nie tekens van druk maar wil nie oorskry sommernet nie.

Die Winchester doppe het ook op 200m 7" laer geprint as die PMP doppe se skote. Dit is raaisel.

Ek kan nie teen daardie lae spoed gaan jag nie. Ek voel amper ek kort nou 'n gradeboog om te korrel mee.

[LUAN]

51.5gr? Is dit n epps?

[Gerhard]

51.5gr? Is dit n epps?

Moes n vinger oops gewees het...

[Christo]

51.5gr? Is dit n epps?

Moes n vinger oops gewees het...

Net so, reggemaak bo.

Die spoed sou sekerlik beter as verwag gewees het.

[LUAN]

Ek sal graag wil weet wat jou spoed met 41 gr S335 is op die Speer 150gr punt. My No4 Mk2 is mal oor daai Speer punte met 42gr S335. Omdat my loop korter is, is die spoed onder 2600 fps.

My S355 lading waarop ek nou "gesettle" het is 45 gr in PMP doppe vir 'n 6 skoot gemiddeld van 2640 fps.  47 gr S355 in WW doppe is 20 fps stadiger as hierdie lading!

My persoonlike opinie is dat S355 die beste dryfmiddel vir 303 is, veral op die swaar punte. 45 gr (maksimum) S355 gee 2600 fps met die Rhino 175 gr!! Aldus die artikel in Magnum.
[/quote]

So wie hier skiet ook met S355 in hulle .303's? En het julle dieselfde ondervinding van die spoed wat hoer is as met S335 en S341?

[Gerhard]

My 303 soek glad nie 355 vir 175gr en ligter nie.

vir 215gr's werk 355 baie mooi.

Vir 175 en 180gr's skiet my 303 op n tiekie met 335

[Louis Kriel]

My 303 soek glad nie 355 vir 175gr en ligter nie.

vir 215gr's werk 355 baie mooi.

Vir 175 en 180gr's skiet my 303 op n tiekie met 335

Drywfmiddel is darem snaakse goed.  My vorige 303 het fantasties geskiet met 335, maar die nuwe een wil weer eerder 341 he. Duitser Engelbrecht het vanoggend my scope op die 303 gesit.  More is dit inskiet en kyk of daai 130 gr Impalas min of meer wil groepeer.  Ek sal dood tevrede wees met een en 'n half duim.