Niertjiesop

[Frikkiedbr]

Was drie skaapniertjies in koue water, dompel vinnig in kookwater en trek dan die buitenste vlies af. Sny die niertjies middeldeur en verwyder die wit buisies en vet. Sny die twee helftes in dik kywe. Geur met sout en peper en strooi 15 ml meel oor. Gooi 'n koppie kookwater by en stowe dit oor lae hitte vir 'n uur.

Verwyder die niertjies en sny nog fyner. Plaas die niertjies terug en voeg 2,5 liter bouillon ( *Bouillon / Beesvleissop) by saam met die volgende:

2 rape, in blokkies gesny
2 uie, in blokkies gesny
2 wortels, in dun skywe gesny
'n handvol gekapte pietersielie
2 stingels seldery, in skyfies gesny
1 knoffelhuisie, in dun skywe gesny

Geur met nog sout en peper, indien nodig.

Kook stadig vir 'n uur.

Voeg 200 ml rooiwyn by en verhit tot dit deurwarm is.

Braai klein sampioene en gooi 'n paar in elke sopbord voor jy dit bedien saam met botter en rogbrood.

(*( Bouillon / Beesvleissop)

In die Franse kookkuns is bouillon een van die vier klassieke basisse vir 'n sop of sous. Dit is al "die siel van die sop" genoem


Voorbereidingstyd: 1 uur
Kooktyd: 5 uur
Totale tyd: 6 uur

Bestanddele:
vleis
groente
seldery
ui
prei
sout
vars naeltjie
peperkorrel
1 grypie neutmuskaat

Metode:
Jy hoef nie net beesvleis te gebruik nie, enige soort vleis kan bygesit word, maar die vleis moet vars wees.

Sny die vleis van die bene af. Sit eers die bene in ?n sopkastrol en daarna die vleis. Vul die kastrol met tweemaal soveel water as wat daar bene en vleis is. Gooi ?n bietjie sout in en laat dit stadig ? baie stadig ? opkook; skep die skuim gedurig af.

Laat dit ?n uur lank kook en sit dan die groente in ? enige soort ? saam met seldery, uie, preie, ?n paar naeltjies, peperkorrels en ?n grypie neutmuskaat. Laat dit dan stadig vir 4 ure kook, skep enige vet af en gooi dan deur ?n moeseliendoek.

Die sop sal nou helder en baie smaaklik wees. Dit kan nou net so as bouillon bedien word of as basis vir ?n ander sop gebruik word.

[johan1]

Klink lekker , dit met n koppie vol sherie

[Marc]

Dankie Frikkie

Print en file 

Klink heerlik, gaan hulle volgende maand probeer 

Groetnis
Marc