Watter wild om mee te begin

[Sako75]

Manne,

Ek wil bietjie advies hoor.  Ons het piepklein wildsplasie (80ha) in die Oos Kaap valleibosveld waarop my pa bietjie wild wil sit om die plek interesssanter te maak.  Ons wil egter nie 'n belegging maak en alles oornag aan ongediertes afstaan nie (spaarvarkie net vol genoeg vir een keer).  Is daar moontlik enige advies rondom watter tipe wild ons kan oorweeg wat 'n beter kans staan om te vestig en ten spyte van die ongedierte (2 en 4 been jakkalse en rooikatte) druk aan te teel nie?

Buiten 'n stewige 17 draad wildsheining wat ons reeds het kyk ons ook na sif of elektriese draadjie om plek te beveilig om ietsie uit die plekkie te maak.

Enige idees?

[Francois Briedenhann]

Koop eers blesbokke hulle teel lekker!!!

[Theo E]

sako
try blesbuck most common on small holdings

groete
theo

[JK]

Word ook die maklikste gevang, afhangend wat se goede loop daar rond

[Francois Briedenhann]

Hulle word dalk maklik gevang maar hulle teel soos jakkels!!!

Groete FB

[Triple2]

Vind maar eers uit by julle bure watter wild doen goed daar rond. Blesbokke doen baie goed as daar baie gras is. Ek weet in Grahamstad area doen Impalas en Blouwildebees goed a.g.v digte bosse. Die  Bosbokke kom seker natuurlik voor? Vlakvarke vat ook oor in daai areas op oomblik.
Groete
D

[Sako75]

Dankie vir die advies so ver manne.

Die bure is besig met Nyala's, swartwitpense, en mik-mik vir buffels ens.  Ek het nie op die oomblik die "ammo" vir die super duur goed nie hoewel die plaas reeds daarvoor ingerig is. Het gedink dalk kan mens na 10 bontebokke kyk en dan 20 rooibokke of 10 nyala's?

[Coenie (Swift)]

Sako,

Jou plan klink reg, julle moet besluit is dit vir jag of teel? Ek glo vir die grote van die grond dat dit teel sal wees.

Indien teel gaan vir eksotiese bokke ipv rooibokke en blesbokke kyk na hul variteite, (swart ens ipv blesbok kyk na rooi blesbok so 4000 - 6500 per bok as jy hom kan kry.) Hulle eet dieselfde kosse maar baie meer waarde. Nou ja dis wat ek met jou geld sou gemaak het

Sterkte met besluite

[BLOK]

Sako

Hierdie is n baie ingewikkelder vraag as wat jy besef.

Eerstens sal jy moet kyk na die tipes plantegroei wat voorkom alle wild eet nie die selfde nie so kan jy bv blesbokke en rooibokke saamvoeg want hulle kompeteer nie direk met mekaar nie. As jy eers n behoorlike veld ondleding gedoen het van watter tipes gras en bos kan jy gaan kyk na watter diere geskik is vir die plaas.

Omdat julle gaan toespan met sif, wat ek dink beter is vir "wilde" ongediertes as elek. sal hulle nie so groot rol speel nie aangesien beheer op 80ha baie maklik behoort te wees. Verder sal julle dan moet besluit wat julle doel is met die wild net vir die oog is dit nie nodig om duur eksotiese wild aan te hou nie, As julle wil teel om geld te maak ander storie weer eens.


Sterkte met die besluit en laat weet maar wat julle besluit was.

[Gerhard]

Dankie vir die advies so ver manne.

Die bure is besig met Nyala's, swartwitpense, en mik-mik vir buffels ens.  Ek het nie op die oomblik die "ammo" vir die super duur goed nie hoewel die plaas reeds daarvoor ingerig is. Het gedink dalk kan mens na 10 bontebokke kyk en dan 20 rooibokke of 10 nyala's?

80 HA is piep klein soos jy s?.

Soos Blok reeds ges? het moet jy eers bepaal wat se plant spesies jy op die stuk veld het.

Dan moet jy drae kapasiteit van die spesies bepaal.

Slegs dan kan jy begin n idee kry aan wat se tipe wild en getalle jy gaan sit op die stukkie grond.

Gaan jy elke dag voer of nie?

[Sako75]

Manne,

Dankie vir die bydraes.

Die plasie is so 50 ha soet bosveld en 30 ha aangeplante weidings.  Die dra kapasiteit is so 25 - 30 GVE.

Die idee sal wees om goed op te sit vir bietjie teel om kostes te herwin om die plek selfonderhoudend te kry en nie net vir die oog nie.  Om met 10 SWP weg te spring sou lekker wees maar ek gaan op laer vlak moet begin as dit.  Dit maak sin om effens hoer waarde goed aan te hou soos bv bontebokke vs blesbokke..... (of dan wit blesbokke eerder as gewones).  Swart rooibokke eerder is gewones?

[Gerhard]

Swart rooibokke is baie duur.

Ramme gaan nou vir R150 - R200K

Ooie gaan vir R130 - R150K laaste pryse wat ek gesien het.

Dan is die goed ook redelik pieperig...

[Triple2]

Bontebokke het sy eie probleme met natuur bewaring. Daar is permitte en registrasies (=kostes)  betrokke, en jy kan ook geen ander blesbokke oooit saam aanhou nie.