rooikat mannetjie. 14kg

[fiela]

Dawid, vertel bietjie meer oor die 'wip' en van die bokkoms, seblief.

[Dawid]

Nee soos ek n vanghok vir Rooikat ken moet hy aan beide kante n ingang he en basies oop wees....soos n gang waarin hy afloop aas toe, as hy net een opening het gaan hy not en dem in nie( hys bietjie slim) en dan word die bokkom net in die middel gehang en as hy die aas vat val beide hekke toe. Die aas natuurlik in n lemoen sakkie sonie ruk dit te maklik af.

[fiela]

Dankie Dawid.
Ek dink ek moet my hok verander.  My hok het twee hekke en is ?op'. Die verskil is dat my hok met n voetplaat aftrap in plaas van die aas wat met die bek getrek word.

Se my gou ander ding; Moet die hok net so kaal staan of maak mens dit toe met bosse en takke?

[JK]

Goeie middag manne

Wil net bevestig ek het die rooikat van 48kg self gesien, is die heilige waarheid

Het hy kolle?

[Dawid]

Fiela ek gaan nie vir jou se n voetplaat is verkeerd nie en n kat gryp nie net nie, hy "hark" die aas,( lw ek se aas en nie prooi nie, prooi roer hy gou) eers bietjie met sy kloue en kyk of dit nie af of loskom nie en soos jy se jou hok het 2 ingange...n kat wil die anderkant ook kan sien en wil nie soos n ystervark bv sommer in n gat ingaan nie, hy hou daarvan om die wereld te kan sien as jy verstaan wat ek bedoel.Jou hok hoef nie toe te wees nie maar naby bosse laat die kat veiliger voel.

Ek sien jys sommer daar naby my, sal bietjie kom bladskud as ek eers terug is. Ek wil dit nog probeer.......n bokkom is niks anders as gepekelde vis wat uitgehang is om te droog nie, vang n muddie daar by jou in die rivier, pekel hom en laat hom droog en gebruik dit, eks doodseker dit kan werk en bowendien het n muddie n reuk aan hom.

Sterkte en groetnis

[JK]

Jong katte word groot gemaak op fisante en tarrentale, parysse ens so, dit is n goeie lokaas.  Ja, die hok moet n deurloop hok wees en n trap plaat in die middel, wat die deure afsit. Hang n fisant of tarentaal met n vislyn reg bo die trap plaat en bietjie hoer as wat n grou kat kan bykom. Die vislyn laat toe dat die aas effens beweeg in die wind wat die kat lok as hy dit sien.

Stel die hok waar die katte gereeld loop en kamofleur die hok bietjie met takke. Dit help ook om n vrot ding bo-op of langsaan te sit, maar maak dit met takke ens toe dat hy dit nie kan by kom nie. Gooi ook bietjie grond op die trapplaat en vloer dat hy nie die draad of plaat maklik herken nie.

Die hok moet ook lank genoeg wees dat hy nie uitspring onder die hekke deur nie sodra die hekke begin val nie, en die hok moet ook te laag nie dat hy nie daar wil in nie.

[MEERKAT]

Hallo Dirkie B

Jy moet darem vir ons 'n fototjie opsit van daardie 48kg Rooikat, waar is die ander man met die 30kg en 24kg katte?

Hier in ons wereld word nie meer Rooikatte in hokke gevang, want hier is nie meer katte. Cape Nature bewaar mos hulle rooijakkalse en die vreet al wat klein kat is op.

Moet byse ek boer eerder met 100 katte voor ek boer met 1 jakkals.

Mooi loop
MEERKAT

[visstok]

Goeie naand meerkat, stuur my jou email dan stuur ek die foto van die 30kg mannetjie vir jou. Maar ek se weereens, dis nie n monster kat nie, dis n vrek vet kat! Groete visstok

[fiela]

Dankie JK

Dankie Dawid. Salm bietjie die vis ding try!
                    My oupa kom van oom se wereld af. Ons het famielie ook nog daar.(Oom Jan Slaghuis, Tielman)
                    Ons moet regtig bietjie bladskut. Kan lekker idees uitruil!

Lekker dag.

[visstok]

Goeie naand manne, meerkat, het jy my email gekry? Ek dink daars dalk vout met my email, as jy nog niks gekry het nie, pm my jou no dan mms ek die foto`s vir jou. Groete Alex

[Dawid]

Naandse Visstok....janee ons wag nou al lank op daai kat se foto....intussen het daai ding seker nog n paar kilo`s bygesit 

[visstok]

Haha jy moenie spot nie, die tanie wie se 2 katte dit is se die mannetjie was 34kg, hy het nou al 4kg verloor, ek weet regtig nie wat gaan aan met my email nie, ek het die foto`s nou al vir 2 persone gemail en dit wys tog dat dit gestuur is maar lyk my nie dit gaan deur nie. Die mense begin nou seker al erg dink ek lieg! Sal die foto`s maar vir iemand moet mms om te plaas, my naam darem in ere te herstel! As iemand dalk so gaaf sal wees om hulle no te pm dan mms ek die foto`s vir hom om te plaas. Groete visstok

[Cobus(Cobb)]

stokke....
MMS my sommer daai katte

08drie 2sewe ag 211twee

Cheers

[MEERKAT]

Hallo Visstok

Ja dankie ek het die foto's ontvang. Verseker is dit twee baie vet katte en die tannie bedoel goed deur so mooi na hulle te kyk en hulle so vet te voer.

Rooikatte kry maklik probleme met hulle heupe agv 'n tekort aan kalsuim so met hulle gewig sal sy seker moet oplet na hul kalsuim inname.

Groetnis
MEERKAT

[visstok]

Goeie middag meerkat, al twee daai foto`s is van die mannetjie, die wyfie lyk darem bietjie beter maar ook maar vet. Cobb ek stuur hulle. Groete visstok

[Cobus(Cobb)]

Hier is die fotos van die rooikatte soos vertel deur visstok.

[img width=560 height=420]http://i825.photobucket.com/albums/zz17 ... oikat2.jpg[/img]
[img width=560 height=420]http://i825.photobucket.com/albums/zz17 ... ooikat.jpg[/img]

Visstok, is die tannie familie of vriende van jou?....Indien wel, sien die reply nie as persoonlik nie...MAAR ek kan dit nie as reg sien, om 'n pragtige wilde dier, in so slob Garfield te verander nie...ek glo ook nie dat huis honde en katte so moet oorvreet nie, dit is vir my naby mishandeling...
Die groenes kyk sulke dinge mis en wil op elke jakkals jagter se kop kom skyt, maar tannie met die vet kat is ok??
Indien dit 'n wees kat was wat van kleins af ingeneem is...cool, rehab hom, maak hom mak as jy wil, maar ek glo nie dit wat hier aangaan moet toelaatbaar wees nie.

Cheers

[Triple2]

Daai kat is darem te vet om skaap te vang. Stem saam, Cobb. Sulke oorgewig "troeteldiere" is ook mishandeling.

[visstok]

Cobb ek stem ook saam, in een van my vorige post sal jy sien ekt gese dis eintlik hartseur om die pragtige dier so te sien. Die tannie het dit darem ook besef, die kat in nou op n dieet en sy sorg dat hy gereeld oefening kry, hy was 34kg en het al 4kg verloor. Ons hoop maar die dieet werk en dat die kat oor n ruk baie beter sal lyk. Groete visstok

[Dawid]

Ek stem 100% saam met jou Cobb. Kyk alhoewel die katte verantwoordelik is vir derduisende rande se skade by boere is en bly dit darem n pragdier.

HEHE So vettie op my "Wall to Fame" sal nogals grend lyk.

As die tannie baie sukkel met die katte se dieet....ekt n nice boerboel....hulle behoort gou weer "in shape" te wees 

[JK]

Lekker vet katte, ek het n rifrug vat hou van sulke vet katte.

[fiela]

Wat dink julle is die mooiste? Die dooie kat of my hond?...  Ja okey, die dooie kat, maar ou Kompas was die beste!!