.416 Rigby of .416 Weatherby

[Alan Hibbert]

Hallo Almal, ek val sommer met die deur in die huis. Nuwe lid op die forum en opsoek na raad oor die bogenoemde wapens.

Ek is relatief nuut in die jag, maar die gogga het my letterlik gebyt. Ek wil graag n .416 aanskaf en het redelik wyd gelees oor die Rem / Rigby / Taylor / Weatherby. Ook lank gekyk na die .404 Jeffery. Ek besit onder andere reeds 'n .338 win Mag en 'n .375 H&H.

My voorkeur is tans die Weatherby, heens my persepsie dat dit selfs meer veelsydig is as die Rigby wat nog altyd my gunsteling was as gevolg van sy geskiedenis en die mistiek aan die kaliber verbonde. My toepassing vir die .416 is gemik op n toekomstige buffel jag en vir 300-350gr punte vir "plains game". Soos ek verstaan het die Weatherby effens meer opsies as die Rigby ten opsigte van hand ladings.

Ek sou graag die volgende wou bevestig. Die Weatherby kan vir my dieslfde en meer doen as die Rigby of is ek een dimensioneel. As ek n verlaagde hand lading gebruik wat my dieslfde verigting kan gee as die Rigby met soortgelyke terugskop, het ek ook die voordeel dat in die seisoen waar ek meer uit die Weatherby wil he ek dit harder kan laat stamp as die Rigby (ek is seker my skouer ook)  en dalk as n stopper kan gebruik tot en met die .450 of .500 vir my n opsie raak wat my volgende aankoop sal wees.

Ek neem alle ander aspekte van die twee kalibers as gelyk, alhoewel hulle dalk nie is nie. Omdat ek binnekort wil begin hand laai neem ek aan Weatherby doppe sal aanvanlik 'n probleem wees maar soos ek bymekaar maak beter gaan. Ammunisie kostes is nie vir my n probleem nie.

As ek vir die Rigby sou gaan sal dit heelwaarskynlik n CZ wees.

Hoop dit maak als sin vir die manne wat weet en verstaan!

Groete

Alan

[Flip Nel]

Die rigby het ook 'n groot dop, so hy kan ook bietjie warmer gelaai word as meer spoed belangrik is, en jy sal dalk vir die Rigby makliker ammo en doppe kry.

[walter404]

Middag firingpin

As ek moes kies sou ek vir die .416 Rigby gegaan het.  Kyk ook na die .416 Hoffman, ek het die laaste tyd ook met hom n paar skote geskiet.
Kyk ek het ook .404 jeff en met hom kan jy 400gr teen 2300fps skiet en da is ook 450 greiners wat jy nou kan laai.

lekker dag

[Alan Hibbert]

Walter, Flip,

Dankie vir die kommentaar.

Dop kapasiteit vir die Weatherby en Rigby

Weatherby : 140 gr H2O (9.1 cm?)
Rigby        : 128 gr H2O (8.28 cm?)

Dis nou as wikipedia reg is  en dis waar ek die voordeel van die Weatherby sien.

Groete

Alan

[JPS]

Firingpin,

Lyk my jy hou van recoil

Geniet wat ookaljy kry mater.

Groete
JP

[JoevR]

Firingpin, my opinie vir wat dit werd is:

Die ballistiek en verskillende herlaai opsies van "Big Bore" kalibers is een aspek. Die Rigby en Weatherby 416 is albei goed, kan verskillende tipe koeels skiet teen voldoende spoed.

Wat ook belangrik is, is die geweer self. My voorkeure op 'n groot geweer vir gevaarlike wild is:

- "controlled round feed", wat die aksies gebaseer op die Mauser M98 bied,
- yster visiere vir gebruik as stopper,
- "quick detachable (qd) scope mounts" vir veelsydige jag.

Dus sal my keuse die CZ in 416 Rigby wees, want dit voldoen aan bg. voorkeure. Die Warne qd's werk goed op die  lang CZ (voorheen die BRNo 602) aksie, dus het jy die veelsydigheid van ystervisiere en scope.

Die Weatherby Mark V geweer wat ek gehad het, in 460 Weatherby, se aksie was "push feed" en geen ystervisiere. Die magasyn vat 2 rondtes, en die rondtes laai moeilik. Jy moet hulle hard van bo druk om verby die "feed lips" van die magasyn te kom. Verder het die geweer 'n "muzzle break" op gehad. Dit verminder recoil vir die skut, maar die harder knal en skokgolf is  onplesierig vir omstanders. Dit was 'n baie akkurate geweer, maar ek het dit verkoop.

Groete
Joe 

[Karl Stumpfe]

JoevR, baie goeie antwoord, ek dink jy slaan die spyker op die kom deur eerder na die geweer konfigurasie te kyk voor na die kaliber.

firingpin, in my opinie, is die extra spoed waarteen die Weatherby skiet in elk geval niks werd prakties in die veld nie, veral nie op grootwild nie. Hy skiet wel platter, maar as jy bereid is om meer recoil te genereer, gaan eerder 'n stap op in kaliber, en kry vir jou 'n .458 Lott of .450 Rigby.

Ek sou vir die CZ in .416 Rigby gegaan het uit jou oorspronklike keuses, maar moenie 'n .416 Rem op Winchester M70 aksie of pasmaak weggooi nie...

[Alan Hibbert]

JPS, Joe en Karl,

Dankie vir die insigewende kommentaar.

@ JPS: Knyp ma o? toe en skiet jong 

@ Joe: jou opmerkings oor die "totale" benadering maak sin, ek het ook die 'QD" mounts op al my gewere en n skoon voer is krities.

@ Karl: Jy is reg, mens kannie dooier as dood skiet nie en die 400gr teen 2400f/s sal enigies laat val. Soos jy tereg s?, die beter opsie is om verder te kyk na n .45/.50 vir die toekoms.

Ek vlieg maandag terug SA toe vir 3 weke vakansie.....(natuurlik vir 10 dae in die bos), maar voor dit gaan ek "shop" vir die Rigby . Sien daar is darem n paar in die land.

Groete

Alan

[Gerhard]

Geniet dit Alan,

Dink darm nou die ergste hitte is gebreek in Dubai...

Begin darm nou al groen word hier by ons. Ek het dit baie gemis toe ek in die Sand put gewerk het.

[Alan Hibbert]

Gerhard,

Ja-nee jong kan nie wag om in die bos te wees nie! Hitte is nou weer ok, erenstige sand storm vandag!

Ons gaan warm kry laat Oktober langs die Limpopo, en die kudus gaan vir ons wegkruip maar as n man wil dan moet jy!

Alan

[Gerhard]

Gerhard,

Ja-nee jong kan nie wag om in die bos te wees nie! Hitte is nou weer ok, erenstige sand storm vandag!

Ons gaan warm kry laat Oktober langs die Limpopo, en die kudus gaan vir ons wegkruip maar as n man wil dan moet jy!

Alan

Nee wat daai hitte langs die Limpopo is net n plesier as mens agter die kudu's aan is.

Ek het daai "shamaal" gepes as die lug vir 3 dae lank vaal bruin is.

Begin nou visvang tyd raak by julle.

Dorrado en Queenfish aan die oos kus een van die dae...

[Alan Hibbert]

Ja ek duik die wereld plat hier (rooi see ens) en kyk nou juis na n 35 voetertjie vir die hengel seisoen. Sal moet wag tot ek terug is middel November.

Groetnis

[fanie17]

Ek dink werklik 416 rigby gaan jy makliker kan laai as die wetherby.Ek het n magnum mauser aksie wat ek nou een gaan op sit ,sou beslis vir cz gaan.Ek het ook n 500 nitro bestel in n dubbel.My 375 pre 64 voel ek is net te klein

[iceman1982]

JoevR, baie goeie antwoord, ek dink jy slaan die spyker op die kom deur eerder na die geweer konfigurasie te kyk voor na die kaliber.

firingpin, in my opinie, is die extra spoed waarteen die Weatherby skiet in elk geval niks werd prakties in die veld nie, veral nie op grootwild nie. Hy skiet wel platter, maar as jy bereid is om meer recoil te genereer, gaan eerder 'n stap op in kaliber, en kry vir jou 'n .458 Lott of .450 Rigby.

Ek sou vir die CZ in .416 Rigby gegaan het uit jou oorspronklike keuses, maar moenie 'n .416 Rem op Winchester M70 aksie of pasmaak weggooi nie...

Alan,
Vir hierdie man kan jy maar luister.

Groete,

[Wouter Roets]

Hallo Alan

Die verskillende Rigby's se dopkapasiteit wat ek al persoonlik gemeet het was 131gr en 132gr gemiddeld onderskeidelik vir die twee gewere. Albei was Norma doppe. Ek het nog nie Wheatherby's se dopkapasiteite gemeet nie maar dink nie 140gr is ver van die merk nie. Indien altwee tot 63 815psi(Wheatherby se maksimum) gelaai word sal daar so 3% trompsnelheid verskil wees. Jy sal nooit in jou lewe die verskil kan sien in die jagveld nie. In elk geval dink ek nie dit is gesond of wys om die 60 000psi merk met n gevaarlike geweer te wil oorskry nie.

Weatherby kalibers is welbekend vir hulle kort doplewe grootliks vanwee die dubbel raduis skouervorm. Neck en case splitting is algemeen in so min as drie siklusse. Nie iets wat n persoon wil he in daai prysklas doppe nie! Wat die wyse manne hier se is waar. Laat die geweer jou lei en nie die kaliber nie. As 400gr teen 2400ft/sek nie die werk gedoen gaan kry nie help meer spoed nie veel nie. Jy kan met gemak die 47 138psi merk van Rigby oorskry indien jy meer soek uit die kaliber.

CZ gewere is uitstekend standaard geskoei op tried en tested stelsels. As jy meer soek kan jy altyd die geweer inkleur na jou hartelus.

Groetnis en geniet jou homeland!
Wouter

[immelmanw]

Naand,
Kan jou op n ander manier ook antwoord, as jy die Rigby wil verkoop gaan jy heel waarskynlik meer kry as wat jy betaal het, die Weatherby gaan jy iemand moet betaal om dit by jou oor te neem.

Herlaai, die weaterby is n belted magnum en size op die gat, nie altyd ideaal nie, die rigby size op die nek/skouer. Nie dat dit saakmaak vir sulke groot kalibers nie.

Roy weatherby het die regte ding op die regte tyd gedoen, maar ek sal maar by did 300 WBY bly, vir die res is daar beter opsies. Kyk veral na die 416 Taylor, kan op n standaard lengte aksie gebou word!

Groete

Willem

[iceman1982]

Manne,
wil nou nie die thread hijack nie.
Ek is bitter lus vir n 416 Rigby. Oop sites vir gevaarlike wild. Het al klaar n .375H&H. As julle in my situasie is, sal julle vir die Rigby gaan, of iets n bietjie verder van die .375 af?

Groete,

[immelmanw]

Eerste vraag sal wees of jy iets van die rak wil koop of bou, rede is die lengte van aksie en dan natuurlik jou keuse in kalibers. As jy reeds 375 het, kyk ook na 458 lott, 450 rigby, 460 bauer, 458 express.....of as jy meer olifante as rooibokke gaan skiet, n 500 jeff of 505 gibs.
n Mens kan bitter min van die goed regverdig in die moderne Afrika, maar soos ons weet, jy hoef dit net vir jouself te regverdig......as jy dit wil he, doen dit!

[iceman1982]

n Mens kan bitter min van die goed regverdig in die moderne Afrika, maar soos ons weet, jy hoef dit net vir jouself te regverdig......as jy dit wil he, doen dit!

Dis hoekom ek jou laaik!

Daai 450 Rigby is ook een wat ek al geloer het.
Dankie vir jou inset Willem!

Groete,

[immelmanw]

Onthou, ons verkoop CZ 550 magnum aksies, 416 (met ander woorde 450, 505 Gibbs ens Bolt Face) BRAND NEW - uit die boks!

[Sako75]

Pasmaak 404 Jeffery

Groot genoeg vir een of twee buffels en 'n plesier op ander "plains game" wanneer die buffels afgehandel is.  Jy kan jou plesier ook vermeerder met 'n dubbel in 'n lekker groot kaliber soos 450/400..... maar dis natuurlik 'n hele ander storie.  http://www.heymusa.com/88_B_PH.htm