Page 1 of 1

Maglightkat

Posted: Wed Mar 07, 2012 11:22 am
by johan
Kom gisteraand skemer van die huurgrond af terug huistoe,op die Rooihoogte pad sien ek n rooikat teen die pad sit.
Ry gou by Flippie Loock in en beduie hom,ons laai sy skietstoel en daar gaan ons....katjagters !

Maar na n uur se lig en soek ens gee ons moed op en draai huis toe.Amper by Springfontein tel hy die kenmerkende helder blou/groen oog teen die berghang op....ons probeer nader, maar boeta daai wereld is skurf met ysterklip ens.

En kater is baie skaam om sy oog te wys en kans te gee vir n skoot en dis hier net kort van 400 tree,na seker n uur se gesukkel kry Flippie n skoot in,bo-oor te veel toegelaat vir die 223tjie,na n tyd nog n skoot en nou weet ons nie daai skoot het nie te sleg geklink nie ?

Nee maar goed ek sal die stoel beman en Flippie sal my 4sel Maglight vat en vir kater loop haal.

Daar gekom,die kol platgesoek, kater nerens te vinde nie,volgende oomblik hoor ek hoe val die Maglight doef !

Hier sit ou Flip met die kat aan sy agterbeen en daai kat spring en dans soos n afkop hoender !

Flippie het die kat op n klip sien sit en anderpad kyk....hy sit toe die flits af en bekruip die kat in die volmaan so vyf tree en wiks die +- 10kg wyfiekat n enkele doodskoot oor die kop met die 4sel !
Sy het nie n merkie aan haar gehad nie,alby skote was dus mis.

Mooi gedoen Flippers !!

Re: Maglightkat

Posted: Wed Mar 07, 2012 12:47 pm
by DawieKotze
Is dit Flippie wat daar naby Graaff Reinette boer? Daai man is so taai soos 'n ratel met daai maer lyfie! En as jy saam met hom die berge wil in walk en stalk, moet jy weet - 'n lafenisse aan die einde van die dag het nog nooit sooooooo lekker gesmaak nie!

Het al baie lekker by hom gejag en gekuier.

Re: Maglightkat

Posted: Wed Mar 07, 2012 1:01 pm
by Vosman
Dit lyk my die enigste sagte plek op Flippie se lyf is sy TANDE!! ;D

Re: Maglightkat

Posted: Wed Mar 07, 2012 1:20 pm
by johan
Dis nou daai einste kerel waarvan jy praat,RATEL moes sy middelnaam gewees het !
Toe hy die kat klop, toe gaan die te kwaai tekere na sy sin,toe vat hy vir kietsie aan die agterpoot en houvas !
Dit was n gesig om deur die verkyker te aanskou....

Re: Maglightkat

Posted: Fri Mar 09, 2012 10:33 am
by theedge
Ja kyk somige manne het dit maar net in hulle - nou weer leker gelag - sien die spil so in die geestesoog

Re: Maglightkat

Posted: Fri Mar 09, 2012 1:24 pm
by Gerhard
Nee Wragtag Die Man Mag Maar!!!

Re: Maglightkat

Posted: Fri Mar 09, 2012 6:13 pm
by Jassie
WATTER KLANK HET HY GEBRUIK????

Re: Maglightkat

Posted: Fri Mar 09, 2012 7:34 pm
by Marc
Vosman wrote: Dit lyk my die enigste sagte plek op Flippie se lyf is sy TANDE!! ;D
;) ;) ;) ;) ;) ;) ;) Hy is 'n YSTER !

Re: Maglightkat

Posted: Sat Mar 10, 2012 4:15 am
by Gerhard
Johan,

Ek bly vergeet om jou te vra.

Hoe groot is die duik in die Maglight gewees...  ;D

Re: Maglightkat

Posted: Sat Mar 10, 2012 11:10 am
by johan
Behalwe vir die spatsel bloed en die nerfaf strepie.......ZERO !

Re: Maglightkat

Posted: Sat Mar 10, 2012 3:36 pm
by Gerhard
Nee wat dan is daai Maglight gebou om te hou... ;D

Re: Maglightkat

Posted: Sat Mar 10, 2012 8:06 pm
by visstok
Daai groot maglight's is goeie wapens as jy sonder n roer jakkals gaan optel, myne het so bietjie meer skade op gedoen, haas wat by my voet opspring en toe gooi ek, haas hardloop seker nou nog maar my maglight is nie meer wat hy was nie! Groete visstok

Re: Maglightkat

Posted: Sat Mar 10, 2012 8:49 pm
by tafjak
johan

Maar ou Flippers is weer vreesloos, verlede jaar moes hy ook een van my "afblad" katte gaan haal en later hoor ek net die ou soek klippe(reken hy soek klippe in darie w?reld). Langstorie kort, die kat is later die oggend eers vankant gemaak. Maar die petalje was nogal giggelwekkend darie tyd van die oggend.

Mooiloop

Re: Maglightkat

Posted: Sun Mar 11, 2012 8:11 am
by johan
Taffie

(reken hy soek klippe in darie w?reld).

Ek wil nou nie snaaks wees nie,maar iemand wat nog nie my ou buurman(Flippie) se wereld gesien het nie, sal nie verstaan van KLIPPE nie.

Hy het eers n klip indie hand gehad,toe besluit hy die Magliht is n beter wapen (Hy het natuurlik seker onthou van jou afblad episode ! ek dink die ronde ysterklippe daar is net net te groot om lekker mee te gooi ? )

Die Colborn span ( 22sterk ) het darem n telling van sewe (almal reuns ???? ) en twee katte behaal in 14 dae.

PS 14/03/12  14h30

Re: Maglightkat

Posted: Sun Mar 11, 2012 5:47 pm
by DawieKotze
Hierdie is by Flippie geneem. Ons soek ribbokke en glo my - daars nie net baie en groot klippe nie, maar m@#$se berge!