JARACAL

Wat is die huidige reëlings ivm verandering van kaliber op 'n aksie.

Ek het 'n gelisensieerde P14 303. Die loop is gedaan, so ek dink daaraan om dit te verander na 'n 375H&H. Maar aandie ander kant is daar iemand wat belangstel in die aksie. Indien ek die geweer sou verkoop en dit by 'n geweersmit ingee wat die verandering vir die koper gaan doen, gaan dit oor as handelaars voorraad en dan van my naam af? Doen die koper dan die lisensieëring vir 'n nuwe geweer? Of hoe moet dit gebeur?

Middag Giepie

Die maklikste is om hom oor te dra op geweersmid se voorraad en dan kan die koper verder met hom praat. Dan is hy van jou naam af en dan koop jy vir jou ‘n klaar 375.

Dankie Fanta. Ek dink die ander persoon het sy dinges vir my gewip. Hy wil die geweer nou al hê met 'n bergings permit, maar ek is nie seker of dit voor of na die aansoek ingedien is en of hy al darvoor betaal het nie.

Ek gaan nie die geweer uit my kluis laat gaan voor ek nie die bewys het dat hy aansoek gedoen het vir die geweer, en daarvoor betaal het nie. As hy wel daarvoor betaal het kan hy/ek dit gemaklik by geweersmid ingee. As iemand nie by hierdie reëlings wil hou nie, gaan ek nie saam speel nie.