Lee Challenger Press vs Redding The Boss

[Giepie]

Ek gebruik nou al vir 10 jaar met my Lee Challenger press wat ek as deel van die kit gekoop het en is eintlik nog baie tevrede daarmee, maar na 'n artikel wat ek gelees het lyk dit of dit 'n ok press is, maar dat mens nie baie akkurate ammo kan laai nie. Nou begin ek juk, maar begroting is maar 'n faktor, mammie ook. Ek kyk na 'n Redding The Boss as 'n moontlike vervanging. Dit is nie die Big Boss of Big Boss II nie, maar hulle kleiner boetie.

Wie het so 'n Boss, hoe ervaar julle dit? Hoe vergelyk dit met die Lee Challenger?

[Alwin]

Kyk ook na LEE se Classic Cast pers. Hy is lekker sterk (en swaar ook) en het 'n groot venster met omtrent 100mm se slag. Groot genoeg vir die meeste Magnum tipe geweerkalibers. Hy is nogal skaflik geprys.

Die probleem met die Lee Challenger is die feit dat die raam van aluminium gemaak is. Die maak dat hy meer veerkragtig is. Ek glo nie dit affekteer akkuraatheid meetbaar nie, maar dit hang seker af van hoeveel akkuraatheid en-of presisie jy benodig.

viewtopic.php?t=87984

[JF123]

Gewoonlik die wat vir jou sê dat jy nie akkurate ammo op ń Lee press kan laai nie het of ń press om aan jou te verkoop of is self so gevang. Stuur vir ons ń link na daardie artikel asseblief.

Behalwe dat die raam gietyster is, is die Boss maar dieselde as die Lee. Die opening is eintlik so 1/2 duim kleiner en, soos genoem, is die raam nie so buigsaam soos die Lee nie. Net soos die Lee gooi die Boss ook maar slagdoppies op die vloer en jy kry ook die stof op die ram wat jy gereeld moet skoonmaak om slytasie te vermy.

Jy kan nie verkeerd gaan deur een te koop nie, maar as jy wil opgradeer is die Boss nie veel van ń sprong verby die Lee nie.

[LoopSoosStroop]

Ek dink jou matryse gaan 'n groter effek he as die pers self. Mens sal baie metings moet doen om te bepaal watter pers laai die "akkuraatste". Die Classic Cast is wel 'n uitstekende pers en ek sal nie omgee vir een nie.

[Giepie]

Dankie vir die reaksies. Ek het met 'n bekende in die herlaai bedryf gepraat en hy sê beter dies sal 'n groter verskil maak, en vir tot op 500m se skiet gaan daar nie 'n verskil wees nie. Die geweer en die drywer ins die grootste verskil.

So my gejuk is vir eers weg, sal daai geld eerder aan koeëls en kruit spandeer.

[Braveheart]

Wyse besluit Giepie. Die press gee net die aksie om die dop in die matrys te kry. Die matrys en sy afmetings maak die verskil aan die dop. Dis waarom dit altyd die moeite werk is om van die begin die beste matryse te kan koop wat jy kan bekostig. Daar is 'n rede waarom kompitisie matryse baie duurder is as 'n gewone std matrys.

[HeinM]

Wyse besluit Giepie. Die press gee net die aksie om die dop in die matrys te kry. Die matrys en sy afmetings maak die verskil aan die dop. Dis waarom dit altyd die moeite werk is om van die begin die beste matryse te kan koop wat jy kan bekostig. Daar is 'n rede waarom kompitisie matryse baie duurder is as 'n gewone std matrys.

Seker as jy ernstig kompetisies skiet met 'n pasmaak geweer. Vir jag en veldskiet is Lee dies heel fine... Ek weet van baie manne wat kompetisiematryse gekoop het, net om dit later weg te pak en weer die ou cheapies uit te haal... Die foute met matryse is die persoon wat dit opstel. Punt. Spaar daardie geld om lood in die lug te hou.

Mooi naweek almal!

[Braveheart]

Stem saam Hein. Jy kan met PMP punte ook jag en veldskiet doen. Geen probleem daarmee nie. 2" groepe is reg op 200m vir die gemiddelde jagter.
Die ou wat ietsie meer soek sal egter kyk na spesifikasies wat toerusting betref en sal die top manne nadoen. Skiet en jag het egter 'n toerusting sport geword waar skuts heeltyd wil verbeter. As dit nie so was nie het ons almal net een geweer gehad. Die eindresultaat bly egter dat jy dit moet geniet wat jy doen sonder om jou sak te breek.

[JF123]

Dit is waar die probleem gewoonlik insluip. Lyman en Hornady se bemarking is goed. Om herlaai toerusting te verander sal gewoonlik nie ń 2 MOA groep verander na 1/2 MOA nie. Vir so verbetering moet jy kyk na "brass, bullets, barrels, practice". Wanneer jy aan die top manne se hakke is in kompetisie kan dit dalk miskien help. Dit nou daar gelaat.

Daar is ander redes om ń press en/of matryse te verander. Na ek ń Forster Co-ax gebruik het sal ek nie sommer weer vrywillig enige ander press gebruik nie. Die lewe is te kort om nie iets wat beter voel te gebruik nie.

[Alwin]

So oor die algemeen: As jy nie kan meet watter verskil die "beter, duurder" toerusting aan jou presisie maak nie, dan gaan jy my baie moeilik oortuig dat dit enige voordele het.

Gewoonlik maak jou metodiek die grootste verskil.

[Capt. Yoda]

Daai manne met die 30k presse is seker nou jammer hulle het nie net beter DIEs gekoop nie

[Alwin]

Daai manne met die 30k presse is seker nou jammer hulle het nie net beter DIEs gekoop nie

Mens sou hoop hulle het wel.

Dink jou in, iemand koop 'n R30k pers en skroef 'n Lyman FL sizer in hom in...