Lekker Dinsdagoggend in Kuruman Heuwels...
Posted: Tue Aug 08, 2017 1:13 pm
Goeie middag...
Ek het vanoggend vir 'n pel die blouwildebees gaan skiet...ek moes 'n spesifieke een skiet en ek het onder 'n groot Kameelboom in die hoek van die kamp gaan staan...daar waar hulle gereeld draai. Eers toe my pel my aflaai en wegry het ek agtergekom ek het nie my skietstokke gelaai nie. Die bokke het nou en dan verby gekom en seker so na vyftien minute het vier van hulle rustig aangestap gekom ...die mik van die kameelboom was net te hoog vir dooierus...ek het gesien een van die vier bokke is die een wat ek moet skiet...ek het maar gewag tot hulle so na aan my as moontlik kom...net op die regte tyd het 'n Neushoringvoël alarm gemaak en die vier bokke het vasgesteek, die een wat ek moet skiet was effe skuins na my gedraai met die bladbeen wat na my wys so effe uitgestulp, dit was my merk. Ek was reeds op my hurke en was lekker stil , ek skat dit was so sewentig meter...die skoot het geklap en al vier bokke was in gelid en verdwyn in die dik bos. Toe hulle die heuweltjie klim was daar net drie bokke , nommer vier het so veertig meter gelê van waar hulle weggespring het, mooi in die hart.
Groetnis
Ek het vanoggend vir 'n pel die blouwildebees gaan skiet...ek moes 'n spesifieke een skiet en ek het onder 'n groot Kameelboom in die hoek van die kamp gaan staan...daar waar hulle gereeld draai. Eers toe my pel my aflaai en wegry het ek agtergekom ek het nie my skietstokke gelaai nie. Die bokke het nou en dan verby gekom en seker so na vyftien minute het vier van hulle rustig aangestap gekom ...die mik van die kameelboom was net te hoog vir dooierus...ek het gesien een van die vier bokke is die een wat ek moet skiet...ek het maar gewag tot hulle so na aan my as moontlik kom...net op die regte tyd het 'n Neushoringvoël alarm gemaak en die vier bokke het vasgesteek, die een wat ek moet skiet was effe skuins na my gedraai met die bladbeen wat na my wys so effe uitgestulp, dit was my merk. Ek was reeds op my hurke en was lekker stil , ek skat dit was so sewentig meter...die skoot het geklap en al vier bokke was in gelid en verdwyn in die dik bos. Toe hulle die heuweltjie klim was daar net drie bokke , nommer vier het so veertig meter gelê van waar hulle weggespring het, mooi in die hart.
Groetnis