Inheemse bokke gesog
Posted: Thu Mar 09, 2017 9:42 am
http://www.netwerk24.com/Sake/Landbou/i ... s-20170308
Inheemse bokke raak gesog op wildveilings
Deur Vida Booysen 08 Maart 2017 13:41
’n Springbokram met ’n horinglengte van 17 duim word Saterdag op Choice Wildlife Group en GWK se wildveiling aangebied. Inheemse diere van topgenetika behaal deesdae reusepryse op veilings.
Die wildmark se voorkeur verskuif van diere wat vir hul buitengewone kleur geteel word na inheemse diere met uitsonderlike horinglengte.
Onlangs is ’n springbokram van die bekende Julian Theron van Jules of the Karoo vir R1,55 miljoen verkoop en dís allermins ’n mal prys, sê Randy Westraadt van Choice Wildlife Group van Bloemfontein.
Westraadt is benoem as een van die finaliste vir Wildbedryf SA (WRSA) se Wildboer van die Jaar-wedstryd en is ’n teler van inheemse wild soos springbokke, gemsbokke en elande.
“Wanneer jy só ’n dier koop, is dit asof jy ’n oorspronklike Rembrandt-skildery koop. Dié skaars eksemplaar kan nie herproduseer word nie – daar is net een in sy soort.”
Hierdie soort bokke is luukse items en trofeejagters is steeds op soek na diere met groot horings om te jag, verduidelik Westraadt. Op sy wildveiling wat Saterdag saam met GWK by Boshof Wildboma gehou word, sal ’n Damaraland-springbokram met ’n horinglengte van 17 ? duim aangebied word.
“Waar die nageslag van ’n gewone springbokram miskien eers ná drie jaar jaggereed is, kan dié van ramme met uitsonderlike horinglengtes binne twee jaar gereed wees om gejag te word en dus die eienaar heelwat voerkoste bespaar,” sê Westraadt.
WANNEER JY SÓ ’N DIER KOOP, IS DIT ASOF JY ’N OORSPRONKLIKE REMBRANDT-SKILDERY KOOP. DIÉ SKAARS EKSEMPLAAR KAN NIE HERPRODUSEER WORD NIE – DAAR IS NET EEN IN SY SOORT.
Randy Westraadt
Hy sê die onlangse droogte en die uitwerking van klimaatsverandering wat al hoe duideliker gesien kan word, het ’n koersverandering in die wildbedryf genoodsaak.
“Die klem val op droogtebestande inheemse diere wat op marginale veld kan wei sonder om dit te vertrap.”
Die wildmark was miskien ’n kunsmatige mark toe daar soveel klem op kleurvariante geplaas is, en die waarde van sulke diere het gedaal, sê hy.
“Dit gaan daaroor om ’n eindverbruiker vir die produk te identifiseer, en dit was moeilik bewysbaar vir die kleurvariante.”
Daarteenoor is die mark vir biltong- en trofeejag nog baie onversadig en word die jagter se rol as voorsiener van voedsel deesdae wyd erken – ook deur die regering, sê Westraadt.
“Die miljoen of twee miljoen diere wat elke jaar in die voedselmark beland, is ’n groot bydraer tot voedselsekerheid en werkskepping in die land.”
Benewens die springbokram word diere soos gemsbokke, ’n elandbul en ses buffelbulle ook Saterdag by Boshof opgeveil.
Inheemse bokke raak gesog op wildveilings
Deur Vida Booysen 08 Maart 2017 13:41
’n Springbokram met ’n horinglengte van 17 duim word Saterdag op Choice Wildlife Group en GWK se wildveiling aangebied. Inheemse diere van topgenetika behaal deesdae reusepryse op veilings.
Die wildmark se voorkeur verskuif van diere wat vir hul buitengewone kleur geteel word na inheemse diere met uitsonderlike horinglengte.
Onlangs is ’n springbokram van die bekende Julian Theron van Jules of the Karoo vir R1,55 miljoen verkoop en dís allermins ’n mal prys, sê Randy Westraadt van Choice Wildlife Group van Bloemfontein.
Westraadt is benoem as een van die finaliste vir Wildbedryf SA (WRSA) se Wildboer van die Jaar-wedstryd en is ’n teler van inheemse wild soos springbokke, gemsbokke en elande.
“Wanneer jy só ’n dier koop, is dit asof jy ’n oorspronklike Rembrandt-skildery koop. Dié skaars eksemplaar kan nie herproduseer word nie – daar is net een in sy soort.”
Hierdie soort bokke is luukse items en trofeejagters is steeds op soek na diere met groot horings om te jag, verduidelik Westraadt. Op sy wildveiling wat Saterdag saam met GWK by Boshof Wildboma gehou word, sal ’n Damaraland-springbokram met ’n horinglengte van 17 ? duim aangebied word.
“Waar die nageslag van ’n gewone springbokram miskien eers ná drie jaar jaggereed is, kan dié van ramme met uitsonderlike horinglengtes binne twee jaar gereed wees om gejag te word en dus die eienaar heelwat voerkoste bespaar,” sê Westraadt.
WANNEER JY SÓ ’N DIER KOOP, IS DIT ASOF JY ’N OORSPRONKLIKE REMBRANDT-SKILDERY KOOP. DIÉ SKAARS EKSEMPLAAR KAN NIE HERPRODUSEER WORD NIE – DAAR IS NET EEN IN SY SOORT.
Randy Westraadt
Hy sê die onlangse droogte en die uitwerking van klimaatsverandering wat al hoe duideliker gesien kan word, het ’n koersverandering in die wildbedryf genoodsaak.
“Die klem val op droogtebestande inheemse diere wat op marginale veld kan wei sonder om dit te vertrap.”
Die wildmark was miskien ’n kunsmatige mark toe daar soveel klem op kleurvariante geplaas is, en die waarde van sulke diere het gedaal, sê hy.
“Dit gaan daaroor om ’n eindverbruiker vir die produk te identifiseer, en dit was moeilik bewysbaar vir die kleurvariante.”
Daarteenoor is die mark vir biltong- en trofeejag nog baie onversadig en word die jagter se rol as voorsiener van voedsel deesdae wyd erken – ook deur die regering, sê Westraadt.
“Die miljoen of twee miljoen diere wat elke jaar in die voedselmark beland, is ’n groot bydraer tot voedselsekerheid en werkskepping in die land.”
Benewens die springbokram word diere soos gemsbokke, ’n elandbul en ses buffelbulle ook Saterdag by Boshof opgeveil.
