Piet Breedt Kursus Kathu Noord Kaap 28 Januarie 2017
Posted: Fri Jan 13, 2017 6:48 am
Goeiedag almal
Soos julle in die aangehegte advertensie sal sien bied Oom Piet Breedt op die 28e Januarie 'n jaggeweer skiet kursus aan by die Sishenmyn Skietklub se baan buite Kathu en die koste beloop R1000 per persoon. Julle sal verder ook die inhoud van die kursus daar sien. Mense, daardie inhoud is van toepassing op alle vorme van skiet. Of jy nou .22 silhouette skiet, langafstand skiet of selfs net jag en nie aan sportskiet deelneem nie, hierdie kursus gaan aspekte aanspreek wat in alle skietdissiplines van toepassing is. Dit is hoegenaamd nie uitsluitlik vir mense wat net aan Jaggeweer Veldskiet kompetisies of SA Jagter kompetisies deelneem nie. Dit wat jy daar leer, vat jy saam jagveld toe en enige plek waar jy 'n sneller trek. Gaan lees maar die positiewe reaksie hier op Jaracal of op Gunsite waar Oom Piet se kursusse al bespreek is.
Bespreek asseblief vooraf ten einde plek te verseker. Aanvanklik het ons in gedagte gehad om slegs 'n sekere aantal persone toe te laat. Nadat ek met Oom Piet gepraat het, het hy ingestem dat, omdat dit vir hom so ver is, hy bereid sal wees om die kursus vir meer mense aan te bied. Daar is ten tyde van hierdie epos nog baie plek beskikbaar. Asseblief mense, Oom Piet kom van Delmas af, kom ons maak dit vir hom die moeite werd. Hier is dus 'n geleentheid om by 'n Protea skut in persoon te kan leer.
Diegene wat reeds aangedui het dat hulle belangstel sal ek kontak en bevestig. Indien jy belangstel maar teen volgende Vrydag 20 Januarie nog niks van my gehoor het nie, stuur net weer vir my n boodskap of epos asseblief.
Groete
Willem Fourie
Soos julle in die aangehegte advertensie sal sien bied Oom Piet Breedt op die 28e Januarie 'n jaggeweer skiet kursus aan by die Sishenmyn Skietklub se baan buite Kathu en die koste beloop R1000 per persoon. Julle sal verder ook die inhoud van die kursus daar sien. Mense, daardie inhoud is van toepassing op alle vorme van skiet. Of jy nou .22 silhouette skiet, langafstand skiet of selfs net jag en nie aan sportskiet deelneem nie, hierdie kursus gaan aspekte aanspreek wat in alle skietdissiplines van toepassing is. Dit is hoegenaamd nie uitsluitlik vir mense wat net aan Jaggeweer Veldskiet kompetisies of SA Jagter kompetisies deelneem nie. Dit wat jy daar leer, vat jy saam jagveld toe en enige plek waar jy 'n sneller trek. Gaan lees maar die positiewe reaksie hier op Jaracal of op Gunsite waar Oom Piet se kursusse al bespreek is.
Bespreek asseblief vooraf ten einde plek te verseker. Aanvanklik het ons in gedagte gehad om slegs 'n sekere aantal persone toe te laat. Nadat ek met Oom Piet gepraat het, het hy ingestem dat, omdat dit vir hom so ver is, hy bereid sal wees om die kursus vir meer mense aan te bied. Daar is ten tyde van hierdie epos nog baie plek beskikbaar. Asseblief mense, Oom Piet kom van Delmas af, kom ons maak dit vir hom die moeite werd. Hier is dus 'n geleentheid om by 'n Protea skut in persoon te kan leer.
Diegene wat reeds aangedui het dat hulle belangstel sal ek kontak en bevestig. Indien jy belangstel maar teen volgende Vrydag 20 Januarie nog niks van my gehoor het nie, stuur net weer vir my n boodskap of epos asseblief.
Groete
Willem Fourie