Meer oor geblikte leeus
Posted: Thu Jul 14, 2016 7:36 am
Die Burger 14 Julie 2016
Suid-Afrika moet die “geblikte” jag-en-teelbedryf teen 2020 finaal sluit en die sowat 8 000 halfmak leeus wat daarby betrokke is, van kant maak, eis die Wildlands Bewaringstrust, Capture in Africa en die vervaardigers van die dokumentêre rolprent Blood Lions.
Andrew Venter, uitvoerende hoof van Wildlands en een van die vervaardigers van Blood Lions, sê die departement van omgewingsake moet onmiddellik verantwoordelikheid neem vir die “geblikte” leeubedryf wat hy “stil-stil” verlede jaar aan die departement van landbou, bosbou en visserye oorhandig het.
Die Internasionale Bewaringsunie (IUCN) met sy meer as 4 000 lede is volgens hom reeds by die veldtog betrek.
“Ons gee die departement van omgewingsake drie en ’n half jaar kans om die bedryf toe te maak.”
Die koalisie van nieregeringsorganisasies eis dat die departement geen permitte uitreik vir die uitvoer van leeubeendere na die Ooste nie. Die geldkraan na die bedryf moet onmiddellik toegedraai word.
Hy meen net sowat 1 000 van die 8 000 leeus in die bedryf sal moontlik in bewaringsgebiede versorg kan word.
Die leeus kan nie vir hulself sorg nie en sal daarom nie in die natuur vrygelaat kan word nie. Volgens Venter het meer as 50 toeroperateurs wat sake in Afrika doen, reeds skriftelik onderneem om geen besoekers na leeuplase te bring nie.
Drew Abrahamson van Captured in Africa sê haar organisasie maak mense daarvan bewus dat hulle nie aan leeuwelpies moet vat, of met hulle moet speel of loop nie, omdat dit die diere mak maak. “Leeus moet wild bly. Sodra hulle mak is, is hulle nutteloos. In dié leeubedryf word dié halfmak diere op kort afstand gejag.”
Intussen het die Suid-Afrikaanse Roofdiertelersvereniging in ’n verklaring gesê Walter Slippers, eienaar van die uitgeteerde leeus waaroor vroeër berig is, is nie ’n lid van hul organisasie nie.
Die organisasie het met skok kennis geneem van die haglike toestand waarin die diere op Slippers se plaas aangehou is en het onmiddellik planne beraam om vir die leeus kos bymekaar te maak. Lede het ingespring en 8 ton bevrore hoenders aangery om die leeus op die plaas se ellende te verlig.
Volgens die organisasie het dit hom meer as R37 000 gekos om die hoenders na Ingogo Safari’s aan te ry.
Die organisasie het diereregte-aktiviste daarvan beskuldig dat hulle die sosiale media misbruik vir hul “goedkoop verdagmakery” van leeuboere.
http://www.netwerk24.com/Nuus/Omgewing/ ... 0-20160713#
Suid-Afrika moet die “geblikte” jag-en-teelbedryf teen 2020 finaal sluit en die sowat 8 000 halfmak leeus wat daarby betrokke is, van kant maak, eis die Wildlands Bewaringstrust, Capture in Africa en die vervaardigers van die dokumentêre rolprent Blood Lions.
Andrew Venter, uitvoerende hoof van Wildlands en een van die vervaardigers van Blood Lions, sê die departement van omgewingsake moet onmiddellik verantwoordelikheid neem vir die “geblikte” leeubedryf wat hy “stil-stil” verlede jaar aan die departement van landbou, bosbou en visserye oorhandig het.
Die Internasionale Bewaringsunie (IUCN) met sy meer as 4 000 lede is volgens hom reeds by die veldtog betrek.
“Ons gee die departement van omgewingsake drie en ’n half jaar kans om die bedryf toe te maak.”
Die koalisie van nieregeringsorganisasies eis dat die departement geen permitte uitreik vir die uitvoer van leeubeendere na die Ooste nie. Die geldkraan na die bedryf moet onmiddellik toegedraai word.
Hy meen net sowat 1 000 van die 8 000 leeus in die bedryf sal moontlik in bewaringsgebiede versorg kan word.
Die leeus kan nie vir hulself sorg nie en sal daarom nie in die natuur vrygelaat kan word nie. Volgens Venter het meer as 50 toeroperateurs wat sake in Afrika doen, reeds skriftelik onderneem om geen besoekers na leeuplase te bring nie.
Drew Abrahamson van Captured in Africa sê haar organisasie maak mense daarvan bewus dat hulle nie aan leeuwelpies moet vat, of met hulle moet speel of loop nie, omdat dit die diere mak maak. “Leeus moet wild bly. Sodra hulle mak is, is hulle nutteloos. In dié leeubedryf word dié halfmak diere op kort afstand gejag.”
Intussen het die Suid-Afrikaanse Roofdiertelersvereniging in ’n verklaring gesê Walter Slippers, eienaar van die uitgeteerde leeus waaroor vroeër berig is, is nie ’n lid van hul organisasie nie.
Die organisasie het met skok kennis geneem van die haglike toestand waarin die diere op Slippers se plaas aangehou is en het onmiddellik planne beraam om vir die leeus kos bymekaar te maak. Lede het ingespring en 8 ton bevrore hoenders aangery om die leeus op die plaas se ellende te verlig.
Volgens die organisasie het dit hom meer as R37 000 gekos om die hoenders na Ingogo Safari’s aan te ry.
Die organisasie het diereregte-aktiviste daarvan beskuldig dat hulle die sosiale media misbruik vir hul “goedkoop verdagmakery” van leeuboere.
http://www.netwerk24.com/Nuus/Omgewing/ ... 0-20160713#
