JARACAL

So op my vorige post, deel bietjie julle planne.
ek soek net 'n aanvulling, dat die maande nie so bitter lank raak tussen die skaap skeer, en lammers bemark nie.
nou net nie se ek moet wingerd plant, en kelder posit nie asb

Wens ek het geweet wat die antwoord is

Omhein en sit wild in en dan kan jy jag bedryf in die ander maande :-)

Hoenders??

Hang af van die aanvraag van produkte....................

Hoenders....... hoender eiers..........

Ys vervaardig en versprei in omgewing........

Skaap kaas maak en versprei? http://landbou.com/bedrywe/diere/vroueb ... maak-kaas/

Wat van 'n 4x4 roete, met oorslaap geriewe?

dalk moet ek ook maar na 'n skaap voerkraal kyk.
mark is nader, en makliker

Sal maar bars om hoenders en hoendereiers goedkoper te kan verskaf as die local Spar. Ys is 'n plan, maar al die ouens by wie jy aflaai nooi jou ook vir 'n bier en dan drink jy gou gou al jou wins uit - nie 'n slegte manier nie, maar sit nie baie kontant terug nie.

Kaas maak is 'n gespesialiseerde bedryf en verg baie werk en noukeurigheid.

OK, genoeg die ander manne se planne afgeskiet - vra bietjie rond hoeveel geld betaal die staat aan subsidies vir arm/ou/siek mense en kinders daar in Calvinia. Jy sal verbaas wees hoeveel dit is. Een van jou buurdorpe betaal maklik R250K per maand uit aan die begunstigdes. Tweede vraag, waar gaan al daai geld heen en kan jy dit beter/vinniger of goedkoper verskaf as die huidige verskaffers. Ek het op my rug geval toe ek uitvind wat die arme mense betaal vir 'n lift dorp toe en terug. So is daar baie dienste en produkte waarvoor mense bykans enigiets sal betaal.

CK Prallahad se boek oor die Bottom of the Pyramid sal vir jou nog idees gee:
1. Brood in kleiner eenhede as 'n heel brood;
2. Los sigarette
3. Los weggooibare doeke

Sterkte

ek hoor jou, maar ek sit 60km van naaste dorp af. so dit moet maar van my plaas af geskiet. kan maar iets bou. maar moet werk, en volhoubaar wees

Hok geteelde vaal ribbok jagte......

Jy se 60km van calvinia af, middelpos/sutherland se kant toe?

Dorpers!!!

Dit lyk of skaap jou antwoord is.

Groete
Henning

Verbeter jou diere se Genetika. Voeg waarde by jou bestaande bydryf, sodat jy meer kry vir jou produk. Doen als in jou vermoe om jou kudde te verbeter.

Jackalsniper wrote:Verbeter jou diere se Genetika. Voeg waarde by jou bestaande bydryf, sodat jy meer kry vir jou produk. Doen als in jou vermoe om jou kudde te verbeter.

ek vra nie hoe om te boer nie

Jy kan maar vergeet van skaapvoerkraal as jy nie slaghuis ens het nie - geen geld daarin nie. Jackalsniper praat waarheid, jy sal verbaas wees wat jy op jou sefde grond met selfde hoeveelheid skaap kan doen deur daardie dinge intensief toe te pas. Ek weet ook boere wil nie geleer word nie - ek is self een.

Groete

ek is terdee bewus van kwaliteit. en daaraan werk mens elke dag.
maar, ek soek juis iets wat ek nie my veld benodig nie.
wat ek kan opsit of bou op my werf.

Daar in die Noord Kaap is n tannie wat beskuit bak dat dit klap op hulle plaas.. N hele fabriek! Dink sy het selfs sakevrou van die jaar op n kol gewen.

Cassie, ons kan jou baie grappige bedrywe voorstel, maar dit gaan jou nie help met jou probleem nie. In my bedryf is dit soms oorvloed en dan droogte, so ek verstaan jou probleem terdeë. Jy sal iets moet soek wat maandeliks 'n meer konstante inkomste toon. Is daar ander vleisproduksie wat soiets kan realiseer - konyne of soortgelyk? Hoendervleis en eiers is bitter gespesialiseerd en baie arbeid intensief.

Hier is vanjaar baie manne wat uiesaad probeer. Dis 'n eerste in Williston en hul het nou geoes, sal maar later hoor wat sê die somme.

Ek het met selfde tipe probleem gesit, toe begin Ek kuilvoer sny en al my uitskot self afrond, verkoop elke maand n paar stuk vet koeie... Dit my gehelp
Skaap voerkraal het vir my gewerk toe ek naby n dorp en n bank was, maar het weereens my eie graan gebruik, wat kosprys was.
Wat van moontlik groente verbou in daai wereld? Of snyblomme? Ek het geen ondervinding daarvan nie maar dit is dalk n moontlikke vertakking?

En ek het van die ys idee gehou

Cassie, hoe lyk die water stories daar by jou? En hoe lank sal jy die projek wil tyd gee voor hy homself kan dra?

Ek weet KWV het paar jaar trug weer plek gesoek vir Moeder plante. Die manne wat dit doen smile lekker.

Kyk of so iets vir jou kan werk.

Wortel en uie vir saad werk bleikbaar. Arbeid kan 'n probleem wees.

Cassie kan jy nie self slag en vleis direk aan Jan publiek verkoop nie ? Daar is manne wat dit op klein skaal doen en redelik geld maak.

Wat van hase teel vir slag doeleindes?

Was glo n groot tekort oor die kerstyd vir die rasse wat dit as n tradisionele dis beskou oor kerstyd.

http://modernfarmer.com/2013/05/are-rab ... uper-meat/

Cassie ek weet nie of dit by jou wereld sal aard nie. Ons het een jaar 'n stukkie brak land gehad en sommer boer pampoene geplant. Daai jaar het ons vragte pampoene aan die Portugues in die dorp verkoop. Nie veel arbeid nodig nie.

Cassie
My pa het destyds vir my gesê dat hoenderboerdery nie almal se maat is nie. 'n Hoender skrop agteruit!

As jy baie water het, is die opsies natuurlik beter.

Sal nog eendag by jou uitkom!
Groetnis