JARACAL

Ek dink daaraan om 'n Amarok bakkie te koop
Ons gebruik 'n 2006 en 1996 Diesel L/cruisers wat ek reken as my goedkoopste voertuie want die goed breek net eenvoudig nooit. Albei het meers as 300 000 kilometers gedoen en dit sluit baie sleepwa trek in. Dit is berg wereld hierdie en ek wonder steeds hoekom die ou mense die huisopstal altyd anderkant die rivier of erge steil bult gebou het. Lorry drywers wil nie hier kom diere oplaai nie so die Cruiser en vierwiel dryf vat die sleepwa bult uit groot pad toe.

Wonder egter of die Amarok ook so betroubaar is. Ons naaste groot dorp met Volkswagen agentskap is Upington 270 kilometer vêr

Maar die Cruiser is ook nie sag op 'n man se lyf nie, het vandag 400 kilometer gery, twee ritte met die groot sleepwa vol bokke.

loop toe kêrel by die vendusie raak wat sê hy sleep ook groot sleepwa met die Amarok en die ry soos Mercedes en is ligter op diesel en hy was nog nooit spyt nie

Nou wonder ek of dit nie dalk 'n roep is nie, hou van die gedagte van "Climate control" met die temperatuur 38 grade
Sal waardeer om te hoor van manne wat ervaring met die Volkswagen het.
frik

Die manne in Australie het redelik lof vir die Amakrok synde hulle ook lang afstande en warm toestande het.

Ek het hierdie raakgelees op die 4x4community forum
http://www.4x4community.co.za/forum/sho ... p?t=178667

Twee van my kollegas het ook elk cam belt verloor voor 100k op hulle Amarokke....

Gewone cambelt verandering is by 90k op die ander Volksies?

Jy wil 'n Japanese voertuig vervang met 'n Duitse ene? Vir harde werk? Good luck daarmee.

niks kom by n cruiser nie koop die v8

blaser wrote:niks kom by n cruiser nie koop die v8

Die man soek iets wat suiniger is met die sous. Hy wil nie nog 'n brandstof depo op sy plaas ook laat bou nie.

Gawie(13mm) wrote:

blaser wrote:niks kom by n cruiser nie koop die v8

Die man soek iets wat suiniger is met die sous. Hy wil nie nog 'n brandstof depo op sy plaas ook laat bou nie.

EK praat gister met n man met een van daai 3.6L Jeep Rubicons, die ding is gedip en gechip en getint en gelig tot die max en hy verduidilik hoe die wae loop. Toe ek hom vra oor Petrol verbruik kry hy so ver kyk in sy oe soos n man wat Kalahari toe verlang na hy 5 jaar in Engeland was en se net as hy mooi in die dorp ry dalk so 4/L ma in die veld kyk hy nie meer nie!

Ons het 'n ou 1975 Land Cruiser gehad - kort of lang pad - 4km per liter. Daai 4.2 petrol enjin het seker nie einde nie, maar hy eet hom die sous.

My broer se ondervinding met die 120kw model as hy dubbelas 7ft Venter see toe sleep.....teen die bulte moet hy maar erg afgear.
Die 132kw model met daai besondere 8spoed ratkas sal dalk heelwat beter doen.

Ek weet net nie of jy die werks modelle in 132kw kry nie.

Ek het die 132 kw Amarok dc, jammer jy is so vêr anders kon ons myne toets met die vrag bokke oor die berg. Dit sal baie sagter ry en ligter op diesel wees as Cruiser. Ek het al dubbel as trailer (bulperd) met 1 bul en 4 koeie gaan haal in Ulco se omgewing en dit was ook berg veld (Ghaap) op en af na die laaiplek en die Amarok was vir my beter as my vorige Hilux D4D waarmee ek al dieselfde gedoen het.

Oor die 300 000km van die Cruiser en dan ry jy net weet ek nie lekker hoe die volksie gaan wees nie.....Teen die Cruiser prys kan mens seker maar 2 volksies koop oor n Cruiser se leeftyd en altyd sag en goedkoop ry.

Sterkte met die besluit.

Ons werk Amarok het nou 160000km op.
Dc 120kw handrat.
Pool voertuig so hy word maar mishandel.
Ry daagliks 30km grondpad sleep beeswaens, ens ens.
Geen pyne tot dusver

Frik ek ry die 120kW enkel kajuit. Ek het nou maar 60 000km gedoen met hom, so kan nie kommentaar lewer op die 300 000km merk nie. Ek het al 2 keer vragte van 1 ton (min of meer) se vleis agter hom aan gesleep oor die Soutpansberge by Louis Trichardt. Vir altwee ritte was my brandstofverbruik om en by 10km/l. Ek moes in 5e rat teen die bulte uit maar sien dit nou nie rerig as 'n probleem nie. Wat rygerief aanbetref is hy verseker gemakliker as die enkelkajuit Hilux. Ek het al een rit Hoedspruit toe en terug gedoen van Pretoria af en my gemiddelde brandstofverbruik was 13.5km/l, maar dit was sonder 'n vrag en kon nog nie weer daar uitkom nie, maar oor die laaste jaar werk hy uit op 12.5km/l soos wat ek dit in my logboek skryf. Die 'cam belt' moet wel op 90 000km geruil word, so as hy breek op 100 000km dink ek dis maar die eienaar se skuld en nie 'n swak ontwerp nie...

Wat Duitse ingenieurswerk aanbetref, wonder ek of die Toyota manne sal sê dat die Mauser 'n onbetroubare geweer is wat glad nie gaan hou in die jagveld nie... En seker dieselfde oor 'n Zeiss teleskoop...

Groete

gawie
wat laat jou dink die v8 cruiser is swaar op diesel
gelukkig is hier in my wereld ook nie n tekort van diesel nie

blaser, my vriend het 'n nuwe een-7.5km/l as hy mooi ry.

ss ek kry so 8.5 maar alle dinge is gedoen en daarmee is ek happy diesel is volop hier waar ek bly

blaser wrote:ss ek kry so 8.5 maar alle dinge is gedoen en daarmee is ek happy diesel is volop hier waar ek bly

Turkeye - met die ISIS diesel?

Hein M. wrote:

blaser wrote:ss ek kry so 8.5 maar alle dinge is gedoen en daarmee is ek happy diesel is volop hier waar ek bly

Turkeye - met die ISIS diesel?

Blykbaar is Cruisers die ligste as jy vuil kookolie ingooi. Mens moet vir Stefan764 sê hy moet sy petrol een verkoop en 'n diesel kry, want hy kan net elke 2de dag werk toe ry- die ander dae moet hy loop.

Moenie spot oor vuil kookolie, my pel het nou al oor die 200 000 km gedoen op sy eie bio-diesel, moet net nie agter staan nie jy raak vreeslik honger ruik soos steers.

My ondervinding van Amaroks: My bure ry van die bakkies. Ek kry hulle gereeld op die pad met net een koplig wat brand. Vraag: Hoekom vervang jy nie die gloeilamp nie? Antwoord: Gloeilamp is reg, agente sê dis die "computer" wat die ligte beheer, wat rondfoeter. Kan hom nie reg geleer kry nie...

Gaan vind uit wat kos die geskeduleerde diens op die Amarok. Meeste Toyotas kan jy self diens sonder om die ding aan 'n rekenaar te koppel wat met die hoofraam moet gesels en toestemming kry om jou bakkie te laat loop. Daai besparing op die brandstof betaal jy weer in met die diens-slag.

Ek is eintlik 'n groot VW "fan", want ek pas nie altyd lekker in die snapsnese se sitplekke en kajuite nie.

Die duisters kan wel pistole, gewere, teleskope en karre bou. Maar van rewolwers en bakkies weet hulle nie te veel nie. Die MB Gelandewagen is gesamentlik met Steyr-Daimler-Puch (Oostenryk) ontwikkel en is die uitsondering op die reël. Siende dat die Amarok se wortels eintlik in VW Brasilië lê, is Rossi en Taurus eintlik die beter wapen-verwante ekwivalente.

Besluit of jy 'n luukse, hoogs tegnologiese stadsbakkie, of 'n ongerieflike, stamperige werkesel wil hê.

Ek sal graag wil sien dat VW 'n Ama-"broek" bou.

Alwin Fleischmann wrote:My ondervinding van Amaroks: My bure ry van die bakkies. Ek kry hulle gereeld op die pad met net een koplig wat brand. Vraag: Hoekom vervang jy nie die gloeilamp nie? Antwoord: Gloeilamp is reg, agente sê dis die "computer" wat die ligte beheer, wat rondfoeter. Kan hom nie reg geleer kry nie...

Gaan vind uit wat kos die geskeduleerde diens op die Amarok. Meeste Toyotas kan jy self diens sonder om die ding aan 'n rekenaar te koppel wat met die hoofraam moet gesels en toestemming kry om jou bakkie te laat loop. Daai besparing op die brandstof betaal jy weer in met die diens-slag.

Ek is eintlik 'n groot VW "fan", want ek pas nie altyd lekker in die snapsnese se sitplekke en kajuite nie.

Die duisters kan wel pistole, gewere, teleskope en karre bou. Maar van rewolwers en bakkies weet hulle nie te veel nie. Die MB Gelandewagen is gesamentlik met Steyr-Daimler-Puch (Oostenryk) ontwikkel en is die uitsondering op die reël. Siende dat die Amarok se wortels eintlik in VW Brasilië lê, is Rossi en Taurus eintlik die beter wapen-verwante ekwivalente.

Besluit of jy 'n luukse, hoogs tegnologiese stadsbakkie, of 'n ongerieflike, stamperige werkesel wil hê.

Ek sal graag wil sien dat VW 'n Ama-"broek" bou.

Ons werk Amarok word vanaf 90000km deur n privaat ou gediens.
Die "daylight running lights" se gloeilampe hou net so lank en is n doodgewone gloeilamp wat jy by midas koop.
Swak tegnikus.
Die ligte word nie deur die rekenaar beheer nie maar deur n relay.

Ek ry self eerder met 'n "stads" bakkie wat krag het om te versnel en iets ordentlik te sleep as met 'n "werks/plaas" bakkie wat jy moet smeek en in die ratkas rond speel om iets uit die ding uit te kry wat hulle 'n enjin probeer noem.

so jy se die v8 cruiser se enjin is n ding wat nie krag het nie

Hi kêrels. Ek wil ook net my 2c ingooi hier: ek het nou al 125,000km op my 90kW SC gesit sonder 'n dag se moeilikheid. Ek sleep gereeld 'n tweeperd wa sonder die sogenaamde afrat-probleem waaroor almal (wat nie Amarok'e ry nie) kla. Ek het nou al 'n leeftydgemiddeld van 7.6l/100km wat brandstofverbruik betref en ry omtrent 4,000km 'n maand oor 'n verskeidenheid van tipes paaie: langpad, N1-verkeer, grondpad, sleep, gelaai, ens. Ek gee nie vir een oomblik voor dat 'n Amarok beter is as ander bakkies nie, maar kan met 'n geruste hart ook se dat hy verseker nie slegter is nie.