Page 1 of 1

Blesbokke wat draadkruip

Posted: Tue Sep 15, 2015 9:45 am
by Ferdi Bam
Hi Almal,

Ek het 40 blesbokke op die plaas gehad. Januarie skiet ek 6 wat op die buurman se grond loop. April kry ons rondlopers met honde en die hele trop vertrek buurman toe. Ons jaag hulle terug. Ons spreek die rondloper probleem aan en ons sien hulle nie meer nie. Ons vermoed egter hulle is minder sigbaar. Junie haal ek nog 10 bokke af sonder enige groot ontwrigting. Op die oog af is ons almal nou gelukkig.

Middel Augustus is al die oorblywende groot bokke weer by die buurman. Lammers almal in hul tuiskamp. Ek vervies my en skiet 9 van die 11 wat by die buurman loop, twee ooie is gelukkig en gaan terug na ons kamp met die lammers toe.

Hopelik is die probleem nou opgelos want ek het gehoop dat die probleem nou doodgeskiet is. Maar helaas. Gisteraand kry ek weer die nuus dat al die lammers en die 2 groot ooie weer by die buurman is.

Ek vermoed dat die plaaslike bevolking met hul honde steeds die probleem is. Kan jakkalse die probleem ook veroorsaak. Buurman n groot skaapboer en hy pas behoorlike beheer toe.

By ons is net soveel water en veld as by hom. Die drade in n redelike toestand, 1.2m.

Ek bly nie op die plaas nie, my skoonma van 78 boer nog voltyds met 1 handlanger.

Al raad wat ek nou het is n verdere slagting.

Enige ander advies?

Groete

Ferdi Bam

Re: Blesbokke wat draadkruip

Posted: Tue Sep 15, 2015 11:22 am
by Hugo
Sit krag op die genoemde draad, Blesbok het redelike respek vir krag,

Re: Blesbokke wat draadkruip

Posted: Tue Sep 15, 2015 11:42 am
by johans
ferdi my blesbokke loop seker al 40jaar in dieselfde kamp en ek dink daar het al een of twee in daai tyd uitgegaan.my drade is nie watwonders nie.hier is rooikat en jakkals maar ek nog nooit aterkom dat die bokke hulle veel daaraan steur nie.blesbok loop waar jy hom insit omtrent oor die land.ek dink hulle word gejaag

Re: Blesbokke wat draadkruip

Posted: Tue Sep 15, 2015 3:41 pm
by Nickvn
As hulle eers uitgevind het hulle kan daar deur kruip sal hulle weer en weer daardeur kruip. Self met wildsdraad hardloop hulle all langs die draap op en af om weer daar deur te gaan as hy eers deur was. Dis n moeilike een.

Re: Blesbokke wat draadkruip

Posted: Tue Sep 15, 2015 6:13 pm
by 222 Sako
Soos ek hulle ken het hul een leier OOI wat altyd voor hardloop sodra hulle geroer word, hulle volg ook normaalweg dieselfde roete agter haar aan. Ander manne kan se of hulle dit ook so ondervind?
Jy moet oplet of dit nie sy is wat hulle deurlei en elke keer vryspring met die skietery nie, want sy kruip ook eerste weer terug. As jy haar kan skiet en die kruip plek toemaak sal hulle dalk bly tensy hulle weer gedwing word om te kruip a.g.v honde ens.

My 2c.vir wat dit werd is.

Re: Blesbokke wat draadkruip

Posted: Tue Sep 15, 2015 6:51 pm
by Nickvn
Dit is waar ja. Ek soek ook altyd eerste daardie ooi wat voor hardloop en haal haar af, dan raak die res baie rustiger.

Re: Blesbokke wat draadkruip

Posted: Tue Sep 15, 2015 10:47 pm
by GvA
Kyk hoeveel ramme het jy. Te veel ramme stoot die spul ook in aangrensende kampe.

Re: Blesbokke wat draadkruip

Posted: Wed Sep 16, 2015 11:21 am
by Ferdi Bam
Dankie vir die advies sover.

Ek het die leier ooi/e geskiet en daar is ook nie meer groot ramme nie.

Al wat oorbly is die draad en/of honde.

Groete

Ferdi Bam

Re: Blesbokke wat draadkruip

Posted: Wed Sep 16, 2015 11:23 am
by ANDRIES
'n Stukkie lewer met bietjie dip in werk nogal lekker vir honde wat loop waar hulle nie mag wees nie.

Re: Blesbokke wat draadkruip

Posted: Wed Sep 16, 2015 12:34 pm
by JDKey
Dis dalk waar die gesegde vandaan kom "die gras lyk altyd groener aan die anderkant van die draad"