Page 1 of 1

Leica teleskope

Posted: Tue Jun 23, 2015 3:59 pm
by cassie_calvinia
wie van julle het ervaring van die leica's?
goed of sleg?

Re: Leica teleskope

Posted: Tue Jun 23, 2015 7:16 pm
by Reloader270
Cassie dit is van die beste teleskope in die wêreld en gelykstaande aan baie ander Duitse fabrikate. Jy kry waarvoor jy betaal.

Re: Leica teleskope

Posted: Tue Jun 23, 2015 7:32 pm
by Capt. Yoda
Soos hul kamera lense en soos Reloader se, van die beste wat jy kry en vir nagjag dink ek nie jy gaan somer beter kry nie.

Re: Leica teleskope

Posted: Tue Jun 23, 2015 7:52 pm
by Steppenwolf
Daar is 2 probleme met Leica.

1. dit is n pricey produk en
2. dit 'spoil' mens (as jy eers met die kwaliteit werk/speel is meeste ander produkte maar vaal!)

Re: Leica teleskope

Posted: Tue Jun 23, 2015 9:36 pm
by cassie_calvinia
daar is so midrange reeks waarna ek kyk.
die 3-12 ERi, met die asv turret.
lyk nie sleg nie. sy fov is so halfmeter minder as die Z6 sin

Re: Leica teleskope

Posted: Tue Jun 23, 2015 10:00 pm
by tripodmvr
Leica is 'n massiewe groot maatskappy wat Wild Heerbrugg (Switserland) oorgeneem het. Wild en Leitz was bekende name so 20 na 30 jaar gelede. Wild het die eerste teodoliet in 1923 met toe glas sirkels gebou wat tot enkelsekonde kon lees (1sek = 1/60 van 'n minuut en onderspan 5mm op 1km). Hulle is dus vanaf die vroeë 1900's besig met akkurate optiese instrumente. Heer Wild het in die begin by Zeiss in Jena Duitsland gewerk. Alles dui dus op presisie en duursaamheid. Ons optiese opmeetinstrumente moet normale weersomstandighede buite trotseer.

Hierdie kennis en vaardigheid is later in die Leica geweerteleskope gebruik om hoë kwaliteit instrumente daar te stel. Daarom die hoë prys en puik lense wat gebruik word.

Re: Leica teleskope

Posted: Wed Sep 09, 2015 8:21 am
by Henna308
Ek het 'n ER 2.5-10x50 op my 375. Die rede hoekom ek juis hom gekoop het is vir sy goeie 'eye relief'. Sy glas is goed, raak bietjie snaaks op die rante, maar gelukkig sit die kruis in die middel. Sigveld is goed, sny stelknoppe is net bietjie sponserig, maar hy hou nog sy zero na 4 jaar. Dit was ook een van die eerstes wat ek gesien het, die nuwes se stelknoppe kan dalk beter wees. Ek is nie seker wat kos hulle nou nie maar vir iets tussen 15 en 20k vir daai klas vergrooting dink ek nie jy sal iets merkbaar beter kry as die Leica nie. Ek sal verseker weer Leica gaan in daai prysklas.

Re: Leica teleskope

Posted: Wed Sep 09, 2015 11:31 am
by Koos Barnard
Ek kan miskien net noem dat TudorTech nou weer die agent is vir Leica teleskope en verkykers. Hulle beplan om die produk baie meer blootstelling te gee as die vorige agent - beskikbaarheid van sommige produkte was 'n groot probleem die afgelope twee jaar. Hopelik sal TudorTech by hul beloftes hou en sal ons in 2016 veel meer Leica-produkte sien. Ek woon 'n Leica promo-dag op 19 Okt by op die Krokodilspruit-skietbaan buite Pretoria.
Mooi loop