JARACAL

Hi daar almal. verskoon my as die vraag al gevra is. Maar ek is nuut op forum.

Ek wil bietjie hoor wat die kenners se raad sal wees.
Wat is die beste afstand om lading op uit te werk. party manne sê 100m,200m en ander weer 300m. redes vir 200 - 300m is dat koeêl eers gestabiliseerd is van 200 -300m.

My vraag is dan net. kan elemente nie dan 'n groot effek he hoe verder en langer die koeêl bloot gestel word aan elemente nie?

Moet ook sekker by sê. Ek skiet 'n 6mmXC 87gn punt en geweer is vir jag en veldskiet doeleindes. Wat beteken dat ek baie in die 200 - 300m omgewing moet skiet.

Die meeste skietbane se tafels is op 100m opgestel. Doen lading ontwikkeling hier en toets dan op langer afstande.

100 kan 'n goeie indikasie gee maar ek sal voorstel jy gaan na 200 of meer as jy begin fine tune. Dit is seker nie belangrik vir jag maar ek glo jy sal baat as jy wil lang afstand skiet.

Wat dink julle hiervan? http://forum.accurateshooter.com/index. ... =3814361.0

Dink julle Erik Cortina is van sy trollie af? Erik is nie 'n mickey mouse skut nie. Daar moet meriete wees vir sy metode. Dit is basies maar 'n OCW, maar kan dit gewenste 1000yd resultate lewer?

Frits ek volg daai draat van dag een af en ek het ook nie in die begin gedink dit gaan lekker werk nie maar ek het dit nou ook al n slag of 2 probeer op 100 en dan 300 en het laas naweek baie mooi met my 243 en 88gr Bergers reg gekom.Ek gaan hulle nou 500 toe vat om te sien wat gebeur en as hul goed bly sal ek verder gaan

Met 90gr Swift's (wat ek eintlik vir ver skiet wil gebruik) het ek duidelik die groepe verkeerd gelees want op 100m het hul reg gelyk maar op 300 het hul sommer 3duim in n 3hoek gele.Dink ek gaan nou daai 80 bladsye van voor af gaan lees.

Capt. Oblivious wrote:Dink ek gaan nou daai 80 bladsye van voor af gaan lees.

Kaptein, my lekkerste langafstand lading het ek met 'n 500yds ladder test uitgewerk, en die resultaat was goed. By die SA Jagters LA skiet was my vertikale verspreiding so 2.5-3.0" tussen die afstande. Wat vir my heel aanvaarbaar is. Ek wonder nou net, as mens nie toegang tot 500yds het nie, sal hierdie ding werk? Ons sal seker maar moet skiet om uit te vind.

As dit iets beteken, ek het Saterdag 3de plek in die XSSSA komp behaal met 'n lading wat ek oor die chronograaf uitgewerk het met 'n teiken op 100m wat my so bietjie gehelp het. Die resultaat was dieselfde as wat die OBT metode sou lewer. Ek het nog geensins met seating diepte gespeel nie.

https://www.facebook.com/XSSSA/photos/a ... 60/?type=1

Arnold het jy toe besluit op lading 23?

Jip, ek het hom toe geskiet en sal maar vir die voorsienbare toekoms by hom hou.

Mooi man. Ek is self nou lus om die metode te gebruik vir die .284. QL en OBT sal maar altyd byderhand gehou word as 'n riglyn. Maar QL, soos enige sagteware kan vir jou lieg, die teiken kannie...

Manne ek het self gewonder wat die beste sal wees.
Het 300m sterk oorweeg maar toe besluit op 100m met chronie se hulp. Kaptein
het my ook bietjie uitgehelp met die regte ladings te toets(264wm ladings is nie baie
volop nie). Het die lading wat op besluit het,toe die week getoets op 500m. En ek moet sê, myne het
baie mooi uitgekom. Ek sal weer 100m gebruik vir ladingontwikkeling. Dis maar net my opinie...

500m groep.
http://i1287.photobucket.com/albums/a631/pinkes13/IMG_2044_zps543e8ac4.jpg


Groete
P

Pinkes

2 waarnemings van my af ... jy is so click te hoog en jy kan maar belê in VRN500 gongs

Baie mooi geskiet!

Sjoe!! Daai is 'n ongelooflike groep pinkes, well done!

Pinkes. Vertel bietjie meer hoe jy jou lading op 100m uitgewerk het. Jy moet nou aangesien jy ons almal se aandag het

Ek is nou besig om my Swift lading heel van voor af te doen en ek gaan net QL, daai link van accurateshooter en n Crony gebruik op 100m en dan gaan ek hom op 500m probeer en kyk.As hul nie reg werk nie gaan ek maar die Swifts in n 1/10 twist loop los en Berger se 95gr VLD gebruik

Fritz, jy laat dit klink of ek weet wat ek doen.. .

Ek het maar net verskillende ladings(0.5gr inkremente) geskiet met my TPL so 0.5mm weg van die lands af.
Ek het elke patroon se spoed geneem en ook die groep gemeet van die betrokke lading. Die groep wat die laagste
SD van 17 gehad het was nie 'n mooi groep nie. Maar die een wat 'n SD van 19 gehad het,het baie mooi gelyk.
My volgende stap sou gewees het om TPL lengtes te toets maar ek was so tevrede met die groep dat ek hom net so gehou het.(FYI my 300wm se beste groep is met die kleinste SD en my 22-250 se SD is 41 maar hulle le in mekaar).

Dit het my na so rukkie bietjie laat wonder oor die SD en toe maar nogsteeds besluit om net seker te maak om op 'n ver afstand te skiet en seker te maak of dit die korrekte lading is...en soos jy gesien het.Dit lyk nie te sleg nie.

Ek glo eerder wat ek sien so ek meet die groep en as die crony se info ooreenstem dan weet ek,ek is nou naby...
Soos 'n ou nou die dag gesê het...Always trust the bullet..
Almal gebruik maar verskillende metodes maar dis net wat ek sien wat vir my werk.
Hoop dit help..

Groete
P

PS: Ekt so getwyfel oor daai groep dat ek 'n ander vriend(hy leer nog skiet) ook gevra het, om te skiet. Sy 1ste skoot was links maar hy het hom geroep(sneller te sensitief). Maar sy 2de skoot het so 1" van my groep gele en die 3de in my groep.

Pinkes ek stem. Mens moenie te tegnies raak nie. Jy het na die teikens gekyk op 100m en dit het gewerk vir jou.

Ek het presies dieselfde verskynsel al op 100m gesien waar die beste groepe swak ES het en die swak groepe goeie ES. My persoonlike denkwyse is dat TPL verstellings jou ES gaan verbeter.