JARACAL

Ouens, ek is baie dom met slange, maar was altyd onder die indruk dat hulle ook maar slaap in die winter, en jy hulle nie sommer te sien sal kry nie. Die slang het my swaer gister op sy plaas onder skoot gekry 10km aan Pta se kant van Warmbad. Die grond is drie weke terug geploeg, dus is dit nie nou net versteur nie. Is dit normaal? Se sommer vir my ook watse slang is dit die asb.
http://i1251.photobucket.com/albums/hh555/PierrevdM/Lenusslang1.jpeg
http://i1251.photobucket.com/albums/hh555/PierrevdM/Lenusslang2.jpeg

Dit lyk vir my na n dooie slang...

Hallo Pierre

Het ook 5 jaar terug gedurende Junie naby Naboomspruit amper op n pofadder getrap terwyl ek besig was om vlakvark te track. So ja mens sal hul maar kry op tye dink ek. Was vir my ook baie vreemd, want ek was ook onder die indruk hul hiberneer.

Daai lyk vir my soos n MFEZI.......Mosambiekse Spoegkobra.

Bly hy het niemand omkant gevang nie.

Sterkte

Wildjagter wrote:Hallo Pierre

Het ook 5 jaar terug gedurende Junie naby Naboomspruit amper op n pofadder getrap terwyl ek besig was om vlakvark te track. So ja mens sal hul maar kry op tye dink ek. Was vir my ook baie vreemd, want ek was ook onder die indruk hul hiberneer.

Daai lyk vir my soos n MFEZI.......Mosambiekse Spoegkobra.

Bly hy het niemand omkant gevang nie.

Sterkte

Dankie WJ. Volgens my swaer was dit vrek naby of hy moes onder die boom gaan sit en rustig asemhaal het.

Ek kry ook nogsteeds baie pofadders in die veld
Het juis laasnaweek n vlakvark bekruip en wou oor die skietstok skiet maar die stok wil
nie stilstaan nie
Kyk toe onder toe en daar is hy. My skietstok se een voet staan bo-op n pofadder se lyf
Gelukkig was hy klein so 15cm lank en het maar die vark gelos en eers die slang
met klip dood gemaak

Kon darem die vark 500m vêrder weer bekruip

Dis een van die kobras, lyk so vinnig na 'n Mosambiekse spoegkobra, die merke op de keel is egter nie so prominent swart en geel soos ek hulle by ons waarneem nie, kan dus verkeerd wees. Daar is altyd uitsonderings op die reel. In beginsel behoort slange in die winter te hiberneer, maar ek het al verskeie kere slange in die winter raakgeloop. Mens kan met veiligheid se dat slange minder beweeg in die winter, maar mens kry hulle nog steeds te sien.
Groete,
JHN

Pierre

Ek betwyfel sterk of hierdie slang n Mosambiekse spoegkobra is. Mosambiekse spoegkobras word selde oor 1,5m en die kopvorm lyk ook anders. Tensy jou swaer erg vertikaal gestremd is, is hierdie slang in die foto by die 2m. As ek na die kopvorm, lengte, lyfdikte, kleur sowel die area waarin die slang aangetref was kyk sal ek se dit moet n Egiptiese kobra(Snouted cobra) wees.

Groetnis
Wouter

Ek reken kaapse kobra.

Het die foto nounet vir 'n kolege gewys wat 'n kenner is op die gebied en hy beaam dit is we'll 'n mozambiekse spoeg kobra,die man was gelukkig

Eks geen kenner, maar het n Mfezi nie n donker bandmop die nak nie? Die een het niks.

Hugo wrote:Eks geen kenner, maar het n Mfezi nie n donker bandmop die nak nie? Die een het niks.

Kom ons try weer,


Donker band op die nek.


Ipad....

Ek het regtig nie n idee nie, maar my swaer se die slang was vrek aggressief, en kon eers na die tweede skoot met n .22 die aftog blaas. Die man in die foto is nie my swaer nie, maar verseker soos hy sy hand daar hou is die slang 2m lank soos Wouter reken.

Manne

Indien dit n Mosambiekse spoegkobra is kan julle maar vir die rekordhouers bel. Maksimum lengte is 1,6m en n mens kan dalk eksemplare kry wat draai by die 1,8m maar kan gesien word as n absolute rariteit. Phillip vra gerus vir jou kenner kolege of hy my stelling kan beaam.

Die kleur van die slang op die foto is ook heel in lyn met die van n Egiptiese kobra. Kan een van julle my dalk verduidelik hoekom dit nie n Egiptiese kobra is nie? As n mens al die informasie tot ons beskikking vat is dit die enigste van die kobra spesies wat aan alles voldoen.

Groetnis
Wouter

Soos Wouter sê: Bosveldkapel/ Snouted cobra/ Egyptian cobra

http://www.biodiversityexplorer.org/rep ... lifera.htm

BRNO .06 (Pierre) wrote:Ouens, ek is baie dom met slange, maar was altyd onder die indruk dat hulle ook maar slaap in die winter, en jy hulle nie sommer te sien sal kry nie.

Slange slaap nie in die winter nie. Hulle is net minder aktief a.g.v. stadiger metabolisme. Is ektoterme (koudbloedige) diere.
Groetnis

Het ook al baie mosambiekse spoegkobras van kant gemaak wat 2m lank was
Selfde met swartmamba. Hulle sê die goed word nie lank nie maar het al een geskiet van 2.4m

Vlakvark

Swart mambas se maksimum lengte is in die omgewing van 4,5m, so 2,4m is maar nog n baie jong slang. Doen jouself die guns en vat n slangboek soos die een van Johan Marias en tel die skubbe op die kop en die keel soos in die boek geilustreer word en jy sal dalk heel verras wees om te sien jou 2 meter lange Mosambiekse spoegkobra is dalk net n Egiptiese kobra. Hierdie is die enigste onbetwuste metode van slan indentifikasie want om op kleure ens te gaan lei gewoonlik tot verkeerde identifikasie. Wanneer dit kom by slangbyte is hierdie van kardinale belang met toediening van slangserum. Vlakkie ek se geensins jy is verkeerd nie maar ek kan jou waarborg dat hierdie slange bitter selde oor die 1,8m drempel gaan kuier.

Ek is vrek bang vir slange maar een ding wat hulle doen is om my te fassineer, veral die giftige spesies. Ek verslind alle leesstof en informasie wat ek in die hande kan kry.

Groetnis
Wouter

Mooi foto Bles.

ou Bles - Gert wrote:http://en.m.wikipedia.org/wiki/Cape_cobra

Hugo wrote:Ek reken kaapse kobra.

Ek het nog nooit geelslange om Warmbad gesien nie...

http://i1137.photobucket.com/albums/n503/junglejulian/073_73.jpg

Die swart mamba was so 2.8m.het hom wintertyd oppad plaas toe in die pad gekry.Het hom sommer met die rewolwer geskiet.
Langste een was 3.8m en so dik soos my voorarm.Ek het regop bo op n trekker gestaan en die ding het nogsteeds half meter op die grond gele

http://i1137.photobucket.com/albums/n503/junglejulian/SDC13779.jpg

Bles

Gaan kyk op daai einste link van jou wat die maksimum lengte van die Kaapse kobra is. Kyk ook na sy verpreidings gebied.

Groetnis
Wouter

Geno wrote:

ou Bles - Gert wrote:http://en.m.wikipedia.org/wiki/Cape_cobra

Hugo wrote:Ek reken kaapse kobra.

Ek het nog nooit geelslange om Warmbad gesien nie...

Ek moes raai.

Het een by my pa met n bossie kapper gemoer wat net so oor 1,5m was.

Eks nie n slang kenner nie.

junglejulian wrote:http://i1137.photobucket.com/albums/n503/junglejulian/073_73.jpg

Die swart mamba was so 2.8m.het hom wintertyd oppad plaas toe in die pad gekry.Het hom sommer met die rewolwer geskiet.
Langste een was 3.8m en so dik soos my voorarm.Ek het regop bo op n trekker gestaan en die ding het nogsteeds half meter op die grond gele

http://i1137.photobucket.com/albums/n503/junglejulian/SDC13779.jpg

Heilige hart, dis grotes!

Het eendag rubriek op TV gekyk oor die Rinkhals in die Suikerbosrand reservaat gekyk. Moniteringsapparaat is ingeplant en het getoon dat hulle daagliks uit die gat kom om in die son te lê om hul batterye te laai. Dit is net op bewolkte dae wat hulle nie uitkom nie. Het hulle self al hier in die winter naby hul gate gekry. Vereeniging is nie vêr van Suikerbos af nie. Ek neem aan ander slange reguleer ook so hul liggaamstemperatuur en moet dus in die son gaan lê.