Swart pot restoureer

[Carel Kolesky]

Môre manne!Kan iemand beproefde raad gee oor hoe om n geroeste swart pot weer in ere te herstel vir gebruik?

[tripodmvr]

Plaas fotos van hoe hy nou lyk, dan kan die manne dalk beter raad gee.

[tripodmvr]

https://youtu.be/Wx6On3B1xvE

https://youtu.be/FXcx5YDIwZs

[Carel Kolesky]

Dankie solank

[Ockert1992]

Môre manne!Kan iemand beproefde raad gee oor hoe om n geroeste swart pot weer in ere te herstel vir gebruik?

Môre Carel,

Die ou mense het altyd gesê gooi hom bo op 'n "Muis nes" en steek hom brand.

Dit of renosterbos werk baie goed. Jy soek 'n vinnig warm vlam, maar nie vir te lank nie. Jy wil net al die gemors weg en los brand.

Dan vat ek 'n staalborsel, borsel alle roes en roet af. Dan moet jy maar kyk of hy gepit het en hoe erg.

Indien nog netjies is skuur ek hom net 'n boor of fyn skuurpapier en water tot tekstuur na wense is.

Dan net kyk of deksel mooi pas en seël.

Dan volg die proses om hom weer te olie en in te kook.

Smeer hom binne goed met olie.

Ek kook hom dan eers met 'n klomp skille en water om alle smake en uit te kry. Was pot goed.

Dan met smeer ek hom goed met olie binne terwyl op die vuur en warm is so dat hy beginne rook. Smeer die hele pot goed.

Eerste wat ek gewoonlik maak in hom is chips.

Daarna behoort hy reg te wees vir gebruik.

Dit is 'n mondvol, maar ek hoop dit help.

[Carel Kolesky]

Baie dankie!

[Christo]

Ek het 'n slag gesien die manne wat "laat die potte prut" so koppie of meer se sout in die pot gegooi het na hy mooi skoon gemaak was en aanhou invryf het met 'n stuk lap tot daar niks oor was. Dit was om die pot smaak uit te haal.

Ek het dit al probeer en kan getuig dat dit werk. Ek dink die sout gaan in al die gaatjies in en seël die metaal of so iets.

Daarna was jy net met louwater water en min seep die pot skoon.

Ek gebruik my pot redelik en kan sê dat die pot smaak, wat deel was van pot maak weg is. Wenner vir my.

Die koerant papier binne in om te bêre is ook 'n MOET.

[Christo]

Ek het 'n slag gesien die manne wat "laat die potte prut" so koppie of meer se sout in die pot gegooi het na hy mooi skoon gemaak was en aanhou invryf het met 'n stuk lap tot daar niks oor was. Dit was om die pot smaak uit te haal.

Ek het dit al probeer en kan getuig dat dit werk. Ek dink die sout gaan in al die gaatjies in en seël die metaal of so iets.

Daarna was jy net met louwater water en min seep die pot skoon.

Ek gebruik my pot redelik en kan sê dat die pot smaak, wat deel was van pot maak weg is. Wenner vir my.

Die koerant papier binne in om te bêre is ook 'n MOET.

[Johan Nel]

Môre manne!Kan iemand beproefde raad gee oor hoe om n geroeste swart pot weer in ere te herstel vir gebruik?

Carel, hoe erg is die roes? Is die pot geput van die roes, of is dit nie so diep nie?

[Giepie]

Ek het nou die dag 'n 3-poot pot wat geroes was oorgedoen. Hom met 'n staalborsel op 'n boor skoon geskuur, toe met asyn gewas, dan met water. Toe gebruik ek flas olie (flax seed oil) wat ek liggies aangevryf het en toe "bak" ek dit in my gas braaier vir 20 min op so 150-180 grade. dit het goed uitgekom. Met seep en watewr gewas voor gebruik.

Net die deksel het nie goed gewerk nie, want ek het dit nie skoon geborsel of met asyn gewas nie, net gesmeer en gebak. Na ek potjie kos in die pot gemaak was die pot ok, maak die deksel het roes kolletjies binne gehad. Sal die deksel waarskynlik moet oor doen.

Op hierdie noot, teflon panne waar die teflon al weg is van gebruik, hoe kan mens dit weer behandel?