Bosvarkjag, Montagu

[Koos Barnard]

Dagsê
Ek het die afgelope naweek in bibberweer bosvark gejag op 'n vriend se plaas naby Montagu. Die bosvarke verinnerweer sy pruimboorde. Ons het verlede Donderdagaand die eerste keer voorgesit in stormsterk wind. Nie verwag dat die varke sou inkom nie en dit was toe ook so. Teen nege-uur het ons maar opgetrek huis toe. Die kamera het die volgende oggend gewys daar was ook niks gedurende die nag nie. Vrydag was 'n meer sonskyndag en Vrydagaand was dit amper windstil. Ons is met goeie moed na die skuiling toe want ons het gehoop die varke sal in die beter weer meer geneë wees om rond te loop. Die skuiling is so 56m van die voerplek af. Teen vyf voor nege het vier varke ingekom en die sog het my 'n kans gebied. Sy het 'n bietjie skuinser gestaan as wat ek gedink het en die skoot is effens aan voorkant van linkerblad in en voor die regterboud uit. Sy het weggespring en gehardloop en met die soeklig kon ons haar nie opspoor nie alhoewel ek die bloedspoor kon kry tot binne-in die boord. Met ligdag Saterdag is ons weer pruimboorde toe en sien haar toe lê ongeveer 40m vanwaar sy die skoot gekry het. Ons het haar net die vorige aand misgekyk.

Ek het my .30-06 met 180gr Norma Oryx-koeëls gebruik.

Die tweede foto wys die uitsig vanuit die skuiling.

[Koos Barnard]

My vriend, Marinus Sieberhagen by die skuiling en die voerplek.

[partner]

Dankies vir die deel Koos.

[Pappabeer]

Mooi sog Koos, baie geluk. Hoe vêr suid kom die bosvarke in die Weskaap voor?

[Ters Hickman]

More!

Ek sal ook graag wil weet oor hulle verspreiding in die Wes Kaap. Ek is verbaas om te sien hul is al in Montagu...

[charlk]

Hi.

Ons kry hulle by ons in die overberg gereeld, van die N2 tot by struisbaai.
Hulle begin nou n probleem raak.
Groete

Sent from my CPH2197 using Tapatalk

[Koos Barnard]

Dagsê
Ek is nie seker hoe ver suid hulle al voorkom nie, maar blykbaar is bosvarke in die Montagu-omgewing algemeen. Ek sal probeer uitvind. Hierdie vark is so 10km vanaf Montagu geskiet op 'n plaas op die Barrydale-pad (R62-pad). Bosvarke kom ook rondom Stilbaai voor. Ek weet daar is ook redelik baie feral varke in die Wes-Kaap.
Mooi loop

[DeonvTonder]

Bosvarke is basies die hele klein karoo vol. Ek is op Barrydale en hulle woel maar hier rond. Hulle is lief vir digte bosse en klowe. Indien jy op die R62 ry in die nag, ry versigtig hulle het die vermoe om voor 'n man uit te dop

[Capt. Yoda]

Julle moet skree as ons vaalies moet kom help

[joe rocket]

Mooi sog Koos, baie geluk. Hoe vêr suid kom die bosvarke in die Weskaap voor?

Paardeberg buite Paarl en Groenberg buite Wellington het taamlik bosvark.

[Ters Hickman]

Joe Rocket Is jy seker dit is nie Feral Pig of Wildevarke soos ons hul nie waarna jy verwys nie? Hulle is algemeen om die Bergrivier tot by die weskus. Dis maar eintlik mak varke wat lank terug wild geraak het en versprei het.

Ons praat hier van die proper bosvark!

[Wildbunny]

Het iemand dalk n kantak in die areas waar mens kan meer uitvind oor die jag van die varke?