Karooplaas Jag

[Koos Barnard]

Die Karooplaas (tussen Riversdal en Vanwyksdorp) waartoe ek toegang het, het hierdie jaar baie goeie reën ontvang. Soms het ons in mistige, nat weer gejag, maar as die son uitkom was dit pragtig... en veral die blomme het hul mooiste kleure gewys. Hierdie een word die sonskynvygie genoem.

[Koos Barnard]

Koedoes op die plaas. Ek het hierdie jong bul op 160m geskiet met my .270 Win en 140gr Sierra HPBT. Skoot is agter linkeroor in.

[Koos Barnard]

Daar is ook mooi gemsbokke. Die plaas is 7200ha groot en die terrein sluit in vlaktes en hoë berge.

[Koos Barnard]

Ek bekruip gereeld wild of gaan sit iewers in die veld en neem foto's. Hierdie swartkorhaan en vaalkorhaan het my die kans gegee om hulle mooi af te neem. Die steekvlieg is ene wat hierdie jaar vir die eerste keer in 'n lang tyd sy verskyning gemaak het in die Karoo na die goeie reën. Hy het nie 'n algemene noemnaam nie maar sy geleerde naam is Rhigioglossa. HIerdie steekvlieë het my lewe moeilik gemaak toe ek die koedoe gejag het. Hulle byt is veel seerder as die gewone blindevlieë s'n wat ook in die Karoo voorkom.

[Lategan1]

As daar nou iets is wat my hartklop opjaag, is dit Koedoejag. Veral as hulle op ver afstand vir jou staan en kyk, met ‘n smile in hulle gedagtes en die groot ore wat ook vir jou kyk! Net daar begin die jag.

Mooi, dankie Koos.

Beste.

[pietskiet]

Julle is bevoorreg om toegang tot allerhande besonderse plekkies te he, oom Koos. Dankie vir die deel!

Ek hou baie van jou aanslag tot jag. Dis duidelik dat dit oor baie meer gaan vir jou as sneller trek, en primer n geleentheid is om die natuur te geniet en die ervaring wat daarmee saam gaan. Dit herinner my daaraan dat dit belangrik is om, in die jagveld maar ook in die lewe, somtyds te moet stop 'to smell the roses', soos die ingelsmanne dit mooi se.

Groetnis

[Koos Barnard]

Dankie Pietskiet. Ja, ek is inderdaad bevoorreg om vrye toegang tot so 'n paradys te hê. Dit lawe my siel om tyd daar deur te bring en daar is soveel meer om te geniet as bloot om bokke dood te skiet.
Mooi loop

[partner]

Baie dankies Koos.