Merk jou bok om roofdiere weg te hou

[knipmes]

Ek lees nou in n tydskrif waar n man raad gee wat om te doen as jy jou bok in die veld moet los en dit kan dalk lank neem om dit gaan oplaai.

Voordat omheinde jagplase mode geword het het ons maar meeste van die tyd by vriende gejag. Daar was nie gidse saam met jou nie Ook nie selfone of radios nie en jy moes maar na die huis toe stap as jy iets geskiet het. Die Boesman het my geleer dat jy n bok se oe met gras moet toemaak want die aasvoels sien die oog (die dooie glans) Jy moet dan ook rondom die bok water afslaan om die ongediertes weg te hou. Die Boesmans P... sommer op die bok ook
Wat is julle ervaring hievan?

[koos 2]

Ek onthou as kind op oop plase het ons ook oe toegemaak met sand vir aas voels

[Methos]

In al JJ van der Post se boeke oor die boesmans sê hy dat hulle dit doen - pee om die bok etc

[Koos Barnard]

Maak maar liewer die hele bok toe met gras of takke... oë alleen gaan nie help nie. Gooi jou baadjie of hemp bo-oor die bok en slaan water af rondom die bok. Dit het vir my gewerk op plekke waar dit wemel van die aasvoëls en jakkalse.
Mooi loop

[heywillie]

My oupa het my geleer om stukke toiletpapier aan te bok "vas te maak" asook die bosse rondom hom.
Hyt geen verduiliking gegee nie en ekt ook nooit gevra nie.

[knipmes]

Dit sal nogal interessant wees om te hoor of iemand al getoets het hoe lank die "merk" reuk die ongediertes weghou.

[Toxxyc]

My oupa het my geleer om stukke toiletpapier aan te bok "vas te maak" asook die bosse rondom hom.

Hey hy nie dalk genoem of die toiletpapier moet skoon of, uhm, "gebruik" moet wees nie?

[Hansieslim]

Ek sal nie daarvan hou as enige man op my bok urineer nie. Net my opinie. Ek het nog nooit die oë toegemaak nie, maar dit maak vir my sin.

[tripodmvr]

Altyd maar 'n kledingstuk soos 'n baadjie daar naby gelos. Dit help vir jakkals. Waar aasvoëls was het ek maar mooi onder 'n boom ingesleep en probeer bedek dat karkas nie sigbaar is nie. Van die pistofelia het ek nog nie gebruik gemaak nie.

[Koos Barnard]

Ek koop nie die storie van die oë se toemaak nie, om verskeie redes... In elk geval, ek het eenkeer 'n rooibokram geskiet naby Hluhluwe in Natal. Ek het sy pens uitgehaal en die in 'n oopte gelos terwyl ek die bok onder 'n bos ingesleep het en dit heeltemal met takke bedek het. Toe ons ongeveer twee ure later daar opdaag was die pens en derms heeltemal opgevreet deur die aasvoëls maar die rooibok self was onaangeraak.
Mooi loop