JARACAL

So gaan jag ek laas week in Alldays. Op pad kom ek agter dat my .30-06 se knaldemper skoonveld is. Dis ‘n groot probleem aangesien ek graag my seun iets wil laat skiet, maar die .30-06 bloots skop darem vietjie te erg! En synde dat hy op die baan geoefen het met die knaldemper op wou ek hê dat hy so ook gaan jag.
Ry toe by Safari Outdoor aan en koop nuwe Aimzonic die Sondag. Kom by die huis en knaldemper wil nie pas nie!
Maandag vertrek ons jagveld toe en stop in Polokwane - ek gaan by nog ‘n geweerwinkel aan en koop nog ‘n silencer. Hy pas maar wil nie heeltemaal vol op die skroefdraad draai nie. Ek vra toe by geweerwinkel of daar geweersmid is wat hulle kan aanbeveel. Hulle stuur my na JP Gunsmithing - en watse plesier was dit nie!

Die kort en die lank is hulle pasmaak een van hulle Mamba knaldempers om soos handskoen te pas op my skroefdraad. Hulle neem kneldemper wat ek gekoop het by winkel in Polokwane oor en verrig met die ruiltransaksie diens in effek gratis en verniet.

‘N uur later is ek weer op pad met bielie van knaldemper en die slagoffer van uitstekende diens!

Liefste aarde ja dit IS goeie diens! Het seuna toe iets gekry?

Ongelukkig nie by Alldays nie - veld was maar baie ruig.
Maar ons het blesbokke gaan skiet by Carolina Saterdag en hy het darem een laat bakkie ry met mooi bladskoot op 330m met my .260.

Ja ons het dieselfde probleem gehad die laaste twee naweke. Dis so ontsettend ruig ons sien baie, maar kan nie skoot kry nie. Ek moes kans vat om my rooibokkie te kry en dit was amper-amper lelik gewees.

Ja nee my enigste kans was “Texas Heartshot” op rooibok wat ek nie gevat het nie.
Die ander een was 3 bwb wat teen 120km/h oor die pad gehardloop het teen skemer. Ek het daai een ook maar wyslik laat verbygaan...

Eerste keer wat ek hoor van 'n "Texas heart shot". Het baie van daardie geleenthede laat verbygaan die week. My volgende jag laai ek met monos en dan sal ek die kans vat met hulle!

Toxxyc wrote:Eerste keer wat ek hoor van 'n "Texas heart shot". Het baie van daardie geleenthede laat verbygaan die week. My volgende jag laai ek met monos en dan sal ek die kans vat met hulle!

Wynand,

ek sal nie eers met monos daai kans vat nie. As daai koeel in die maag vassit dan gaan jy ook maar lank soek na die bok.

FCLoretz wrote:

Toxxyc wrote:Eerste keer wat ek hoor van 'n "Texas heart shot". Het baie van daardie geleenthede laat verbygaan die week. My volgende jag laai ek met monos en dan sal ek die kans vat met hulle!

Wynand,

ek sal nie eers met monos daai kans vat nie. As daai koeel in die maag vassit dan gaan jy ook maar lank soek na die bok.

Ja ek het al bietjie meer gedink daaroor en dink nie ek sal ooit nie. Dis baie makliker om net bietjie hoër te mik en die kopskoot te vat.